रोमियों 12:5 - सिरमौरी नौवाँ नियम

⁵ ठीक तैशैखैई आमै बै जू मसीह बिशवाशी औसौ, आमै सौबै मसीह कै शोरीर कै अंग औसौ, औरौ ऐकी दूजै शै जोड़ेयौंदे औसौ।

Sirmouri

⁵ तेष्णें ही आँमें जू बैजाऐ भहिते असो, से मसीया दे ऐक ही देह्-शरीर अरह् ओका ओकी का अंग असो।

रोमियों 12:5 ပူးပေါင်းရင်းမြစ်များ

यूहन्ना 17:11

ऐबै हांव दुनिया पांदी ना रौंदा, हांव तैरै धोरे आन्दा लागै रौआ, पौरौ मैरै चैलै इबी बै दुनिया पांदी औसौ। ओए रै पवित्र पिता, आपणै नांव कै शौकतै लैई तिनकै रक्षा कौर, जू तुऐं मुखै दैय राए, कै सैजै ऐक हौंव जैशै आमु ऐक औसौ।

रोमियों 12:4

जिथुकै जैशै अमारै ऐक शोरीरो दै बैजाए अंग औसौ, औरौ सौबै अंगो कै ऐकैई जैशणा काम ना आथी;

1 कुरिन्थियों 10:17

जिथुकै ऐक रोटी इयौं बातौ कै निशानी औसौ कै आमै जू कैतरै जोणे औसौ मसीह दै ऐक शोरीर औसौ, जिथुकै आमै सौब ऐक रोटै पौरैशौ खोऊं।

1 कुरिन्थियों 12:20

इथकारिए, बैशक शोरीर कै कैई अंग औसौ, तोबै बै ऐकैई शोरीर औसौ।

1 कुरिन्थियों 6:15

तुऐं जौरुर जाणौ कै तोंवारा शोरीर मसीह कै अंग औसौ। का ऐकी आदमी खै आपणै शोरीरो कै जू मसीह का औसौ, औरौ इथुकै वेश्या कै दैणा चैंई? ना! कौलोंई बै नी!

इफिसियों 1:23

कलीसिया मसीह का शोरीर औसौ, मसीह अमारै बीच आपणै पूरै शौकतै का इस्तैमाल तैशैखै कौरौ जैशै सै आपणै शौकतै का इस्तैमाल सारै ब्रह्मांड दा कौरौ।

इफिसियों 4:12

तिनकै जुमैवारै ऐजै औसौ कै सै बिशवाशियौं कै पौरमेशवर का काम कौरणौ कारिए तैयार कौरौ औरौ मसीह का शोरीर जू बिशवाशियौं कै मंडली औसौ सै मोजबूती शै बौढ़दै जांव।

इफिसियों 4:25

ऐसी बौजैह शै झूठ बौलणौ छोड़ेयौ, हरेक आपणै साथी बिशवाशी शै साचौ बौल़ौ, जिथुकै आमै सौबै ऐकी शोरीर कै अंग औसौ।

इफिसियों 5:23

जिथुकै घोरवाल़ा तौ घोरवाल़ी को मुंड औसौ; औरौ मसीह कलीसिया का उध्दार कौरणौवाल़ा औरौ मुंड औसौ, औरौ कलीसिया तैसका आपणा शोरीर औसौ।

इफिसियों 5:30

इथकारिए कै आमु सौबै मसीह कै शोरीर कै अंगो कै जैशणै औसौ।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।