रोमियों 12:17 - सिरमौरी नौवाँ नियम

¹⁷ बुराई कै बौदलै कोसीआरी बुराई नी कौरेया, जू बातौ सौबी लोगौ कै नज़दीक भली औसौ, तिनकै फिकर कौरेया कौरौ।

Sirmouri

¹⁷ बुराई के बद्ल़े कोसी आरी बुराऐ ने करे; जुण्जी बातो सोभी लोगो खे आच्छ़ी असो; तिन्दे के बारे दो सुचो।

रोमियों 12:17 ပူးပေါင်းရင်းမြစ်များ

मत्ती 5:24

तौ आपणै भैंट तिथै वेदी कै सामणै छोड़े दै, औरौ जाऐबा आगै आपणै भाईआरी मैल मिलाप कौरेया तोबै आयौ भैंट चौढ़ाया।

मत्ती 5:39

पौरौ हांव तुऔं खै ऐजौ बुलू कै बुरै आदमी शै बौदला नै लोया, पौरौ जू कुणिए तैरै सोऐं खोखटै पांदी चटाका लालै, तैसकै ढौबौ खै ओका खोखटा बै फैरै दैया।

रोमियों 12:19

ओए रै प्‍यारो आपणा बौदला नी लोया; पौरौ पौरमेशवर कै तैसी आदमी कै सौजा दैणौ दैंव, जिथुकै पवित्र शास्त्र दो प्रभु बौल़ौ, “बौदला लोणा मैरा काम औसौ, प्रभु बौल़ौ हांव ही बौदला लोन्दा।”

रोमियों 14:16

इथकारिए भले ही तुऐं जू कौरे लो सैजौ आछौ औसौ, पौरौ जै कुणिए आदमी सैजौ बुरु मानौ, तौ ऐजौ नी कौरेया।

कुलुस्सियों 4:5

हर मोके का आछै शै इस्तैमाल कौरौ ऐजौ दिखाणौ कारिए कै तुऐं बिशवाशी औसौ औरौ जू लोग यीशु पांदी बिशवाश ना कौरौ तिनकै साथै बुध्‍दिमानी शै बर्ताव कौरौ।

1 थिस्सलुनीकियों 4:12

ताकि सैजै लोग जू अबिशवाशी औसौ दैखौ कै तुऐं रौज कैशणा बर्ताव कौरौ, औरौ सै तोंवारा आदर कौरौ औरौ तुऐं आपणी जौरुरतौ कारिए कोसी कै भोरोशे दै ना रौलै।

1 थिस्सलुनीकियों 5:15

ऐजौ ध्यान राखौ कै कोसी कै बुराई कै बौदलै बुराई नी कौरेया; बल्कि तुऔं ऐकी दूजै कारिए औरौ सौबी कारिए भले काम कौरणौ कै कौचिश कौरणै चैंई।

1 थिस्सलुनीकियों 5:22

सौब भान्त कै बुराई शै दूर रौव।

1 तीमुथियुस 5:14

इथकारिए हांव ऐजी सलाह दैणी चोऊं, कै जोवान विधवाएं बैयाव कौरौ औरौ बोच्‍चे पौयदा कौरौ औरौ घोरबार संभाल़ो औरौ कोसी विरोधी कै बदनाम कौरणौ का मौका नै दैंव।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 3:9

बुराई कै बौदलै बुराए ना कौरौ औरौ ना गाल़ी खै बौदलै गाल़ी दैव; पौरौ इथकै बौदलै आशीष ही दैंव: पौरमेशवरे तुऔं बौएदै राए ताकि तुऐं ओकी खै आशीष दैय सौकौ। जै तुऐं ऐशै कौरलै तौ पौरमेशवर बै तुऔं आशीष दैंदा।