रोमियों 12:13 - सिरमौरी नौवाँ नियम

¹³ पवित्र लोगौ कै जू किछै जौरुरी औसौ, तिथमुंजी तिनकै मौदद कौरौ, औरौ मैहमान नवाज़ी दै लागैयौंदे रौंव।

Sirmouri

¹³ पबित्र लोगो खे जू किऐ जरूरी असो, तिन्दी तिनकी साऐता-मंद्द करह्; अरह् पऊँणाँई कर्दे लागे रूऐ।

रोमियों 12:13 ပူးပေါင်းရင်းမြစ်များ

मत्ती 25:35

जोबै हांव भूखा थिया, तौ तुऐं मुखै खाणौ दियु, जोबै हांव तीशा थिया, तौ तुऐं मुखै पाणी पियोऊ, जोबै हांव प्रदेशी थिया, तौ तुऐं मुखै आपणै घोरे बोइदा।

प्रेरितो कै काम 10:4

कुरनेलियुसे तैसी ध्यान शै दैखा औरौ डौरेयौ बौल़ौ, “ओए रै मालिक का औसौ?” तैणै तैसी बौल़ौ, “तैरी प्रार्थनाए औरौ तैरै दान याद कारिए पौरमेशवर कै सामणै पौऊंचै रौवै।

प्रेरितो कै काम 4:35

औरौ जैशै कोसी कै जौरुरत हौंव थी, तिथकै हिसाब शै सौबी खै बांडै दैया कौरौ थिए।

रोमियों 12:8

जैसीखै खुशी कौरणौ का वरदान औसौ, तौ सै लोगौ कै खुशी कौरदा रौंव; जै दान दैणौवाल़ा हौंव तौ दिल खोले कै दान दैंव; जै इनु अगुवाई कौरणौ का वरदान औसौ तौ ऐजौ लगन कै साथै कौरौ, जू दया कौरौ, सै खुशी शै कौरौ।

1 कुरिन्थियों 16:15

ओए रै बिशवाशी भाईयों, तुऐं स्तिफनास औरौ तैसकै परिवार कै जाणौए, कै सै अखाया प्रदेश कै आगलै आदमी थिए जिनुवै मसीह पांदी सौबिदा आगै बिशवाश कौरा औरौ संत लोगौ कै सेवा कै खातिर तैयार रौवै।

2 कुरिन्थियों 9:1

ऐबै यरूशलेम शहर दै बिशवाशियौं कै धन दैणौ कै सेवकाई दै जू पवित्र लोगौ कारिए कौरे जांव, मुखै तुऔं खै लिखणौ जौरुरी ना आथी।

2 कुरिन्थियों 9:12

जिथुकै इयौं सेवा कै पूरा कौरणै शै, ना सिरफ पवित्र लोगौ की जौरुरते पूरी हौंव, पौरौ लोगौ कै औरौ शा पौरमेशवर का बै बौहुता धन्यवाद हौं।

गलातियौं 6:10

इथकारिए जिथै तौड़ी मौका भैटौ, आमु सौबी लोगौ खै साथै भोलाए कौरणी चैंई; खास तौर शै साथी बिशवाशी कै साथै।

1 तीमुथियुस 3:2

इथकारिए, ऐजै बात खास औसौ कै अगुवे दै ऐजै गुण हौणै चैंई: तैसीदा कुणजैई दोष ना हौंव, औरौ तैसीकै ऐकैई घोरवाल़ी हौणै चैंई, औरौ शान्त बर्ताव कौरणौवाल़ौ हौणौ चैंई, सै जू किछै बै कौरौ तिनु आपी पांदी काबू राखणौवाल़ै हौणौ चैंई, औरौ लोगौ कै दवारा आदर कौरणौवाल़ा हौणौ चैंई, औरौ तैसी आपणै घोरे पोऊंणै कै इज्जत कौरणौवाल़ा हौणौ चैंई औरौ तैसी पौरमेशवर कै वचन कै आछै शै शिखाणौ कै लायक हौणौ चैंई।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

तीतुस 1:8

पौरौ पौऊंणै का आदर कौरणौवाल़ा, भोलाए का चाणो वाल़ा, सौब्री, धरमी, पवित्र औरौ भावनाओं पांदी काबू राखणौ वाल़ा; हौणा चैंई।

तीतुस 3:14

सिरफ ऐशैखैई नी, पौरौ तू बिशवाशियौं कै शिखांदा रो कै सै आछै काम कौरणौ कै लगातार मैहनत कौरदै रौंव ताकि तिनु लोगौ की जौरुरतौ पूरी कौरे सौकौ जिनुवागै जौरुरत की चीज़ौ ना आथी। ऐजै बात बिशवाशियौं कै शिखा कै सै बैकार कै जिन्दगी ना जियौं।

फिलेमोन 1:7

जिथुकै ओए रै बिशवाशी भाई, हांव बैजाए खुशी औरौ उत्साहित होऊं जोबै ओकीआरी तैरै प्यार कै दैखु, इथकारिए कै तैरै दवारा पौरमेशवर कै लोग तरो ताजा हौए जांव।

इब्रानियों 13:16

पौरौ भोलाए कौरणै औरौ जू किछै तुंवागै औसौ तिथु जौरुरतमंद कै दैणौ चैंई। जिथुकै पौरमेशवर ऐशणै बलिदानों लैई खुश हौंव।

इब्रानियों 13:2

अज़नबियौ कै बै मैहमान नवाज़ी दिखाणै याद राखैया। जिथुकै इथलैई कैतरै आदमीए अणजाणै दा स्‍वर्गदूतौ का आदर सत्कार कौरा।

इब्रानियों 6:10

पौरमेशवर धरमी औसौ; सै तिनु कामौ खै जू तुऐं कौरौए औरौ तैसी प्यार खै ना बिसरौ जू तुऐं ओकी बिशवाशी कै मौदद कौरेयौ तैसीआरी दिखाए राए। औरौ सै याद राखदा कै तुऐं ऐबै बै तिनकै मौदद कौरे लोए।

1 पतरस 4:9

लोगौ कै आपणै घोरे इज्जत कौरौ औरौ ऐशै बिना शिकायत कै कौरौ।

1 यूहन्ना 3:17

पौरौ जैसी कोसी कैई दुनिया कै धन दौलत हौंव औरौ सै आपणै बिशवाशी भाई कै गरीबी दै दैखैयो तैसी पांदी तरस खाणा ना चांव, तौ तेसिदा पौरमेशवर का प्यार ना हौए सौकौ।

3 यूहन्ना 1:5

ओए रै प्यारे गयुस, तुऐं बौड़ै ईमानदारी शै अमारै साथी बिशवाशी मसीह भाईटु कै मौदद कारिए बौहुत किछै कौरे राए जू सुसमाचार का प्रचार कौरणौ कारिए चोऊ ढौबौ यात्रा कौरौ। इथै तौड़ी कै तू तिनु लोगौ कै बै मौदद कौरे जिनु तू ना जाणै।