रोमियों 12:10 - सिरमौरी नौवाँ नियम

¹⁰ जैशणा प्यार आपणै परिवार आरी कौरौ तैशणाई प्यार ओकीआरी बै कौरौ; आपी मुंजी आदर कौरणौ दै ऐकी दूजै शै बौढ़ेयौ चालौ।

Sirmouri

¹⁰ तुँऐं सच्चै भाईयों जेष्णें ओका ओकी शो पुरे दिल शो पियार करह्; अरह् ओका ओकी खे आपु शा जादा आछा जाँणों।

रोमियों 12:10 ပူးပေါင်းရင်းမြစ်များ

मत्ती 20:26

पौरौ तुऔं मुंजी ऐशै ना हौणौ चैंई; जै कुणिए तुऔं मुंजी बौड़ा बौणणा चांव, सै सौबिका सेवक बौणौ।

लूका 14:10

पौरौ जोबै ताखै बौईदो, तौ सौबीदै कम खास ठाँव दा बौठ कै जोबै सै, जैणै ताखै नेवता दैय राए, आंव, तौ ताखै बौल़ौ, ‘ओए रै दोस्त खास ठाँव दा बौठ,’ तोबै तैरै साथै बौठणौवाल़ै कै सामणै तैरै बौड़ाए हौंदै।

यूहन्ना 15:17

इनु बातौ की आज्ञा हांव तुऔं इथकारिए दियु कै तुऐं ऐकी दुजैआरी प्यार राखौ।”

यूहन्ना 17:21

कै सैजै सौबै ऐक हौंव, जैशै तू ओए रै पिता मुं दा औसौ, औरौ हांव तांवदा औसौ, तैशैखैई सैजै बै आमु मुंजी हौंव। इथकारिए दुनिया कै लोग बिशवाश कौरौ, कै तुऐंई मुखै भैजै राए।

प्रेरितो कै काम 4:32

बिशवाश कौरणौवाल़ौ कै मण्‍डली ऐक चित औरौ ऐकी मनो कै थी, इथै तौड़ी कै कुणिए बै आपणै जायदात कै आपणै नी बौल़ौ थिए, पौरौ सौबै ठुँ साझे को थियु।

रोमियों 13:7

इथकारिए जैसी जू किछै दैय जाणौ सौंपै राए, तैसी सैजौ दैव; जैसी कर चैंई, तैसी कर दैव; जैसी मामला चैंई, तैसी मामला दैव, जैसदै डौरणो चैंई, तैसीदै डौरौ; जैसका आदर कौरणा चैंई तैसका आदर कौरौ।

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

फिलिप्पियों 2:3

स्वार्थ औरौ घमण्‍ड कारिए किछै ना कौरौ, पौरौ दीनता शै ऐकी दूजै कै आपी शै जादा आछोड़ै सौमझौ।

कुलुस्सियों 1:4

जिथुकै आमुए शौणै राए कै तुऐं लोग मसीह यीशु पांदी बिशवाश कौरौए, औरौ सौबी पवित्र लोगौ आरी प्यार राखौ।

1 थिस्सलुनीकियों 4:9

पौरौ साथी बिशवाशियौं कै प्रति प्यार कै बारै मुंजी ऐजौ जौरुरी ना आथी, कै हांव तुऔं कारिए किछै लिखु; जिथुकै आपी मुंजी प्यार राखणा तुऐं आपी ही पौरमेशवर शै शैखै राखा;

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

इब्रानियों 13:1

ऐकी दूजै कै फिकर कौरदै रौव जैशै प्रभु कै चैलै खै कौरणी चैंई।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 2:17

सौबी का आदर कौरौ, आपणै सौबी बिशवाशी साथी आरी प्यार राखौ। पौरमेशवर दै डौरौ, राजा कै इज्जत कौरौ।

1 पतरस 5:5

ऐशैखैई तुऔं जोवान लोगौ कै, अगुवो कै बात मानणै चैंई। तुऔं सौबी खै नम्रता कै साथै ऐकी दूजै कै सेवा कौरणै चैंई। जिथुकै पवित्र शास्त्र दौ लैखै राए कै, “पौरमेशवर घमण्डी लोगौ का विरोध कौरौ, पौरौ नम्र पांदी अनुग्रह कौरौ।”

2 पतरस 1:7

औरौ तुऔं ना सिरफ ऐशणै तरीकै शै जीणु चैंई जू पौरमेशवर खै खुश कौरौ पौरौ तुऔं ऐकी-दुजैआरी आपणै खुद कै परिवार कै जैशणा प्यार शै बर्ताव कौरणा चैंई। औरौ तुऔं ना सिरफ ऐकी-दूजै कै साथै आपणै खुद कै परिवार कै जैशणा प्यार कौरणा चैंई, पौरौ तुऔं सौबी लोगौआरी प्यार कौरणा चैंई।

1 यूहन्ना 4:11

ओए रै प्यारो, जोबै पौरमेशवरे आमुआरी ऐशणा प्यार कौरे राए, तौ आमु बै आपी मुंजी ऐकी दुजैआरी प्यार कौरणा चैंई।

1 यूहन्ना 4:20

जै कुणिए आदमी बौल़ौए, “हांव पौरमेशवर आरी प्यार राखु,” औरौ आपणै बिशवाशी भाईटु आरी नफरत राखौ तौ सै झूठा औसौ; जिथुकै जू आपणै भाईटु आरी नफरत कौरौ जैसीखै तैणै दैखै राए, तौ सै पौरमेशवर आरी प्यार ना कौरे सौकौ जैसीखै तैणै कौलोंई ना दैखी रैई।