रोमियों 12:1 - सिरमौरी नौवाँ नियम

¹ इथकारिए ओए रै बिशवाशी भाईयों, हांव तुऔं पौरमेशवर कै दया याद दियायौ बिन्ती कौरु, कै आपणै जीवनो कै जियुंदी, औरौ पवित्र औरौ पौरमेशवर खै भायो बलिदान कौरेयौ चौढ़ाव; ऐजा तोंवारै पौरमेशवर कै सेवा कौरणौ का साचा तरीका औसौ।

Sirmouri

¹ ईन्देखे हे भाऐ बंईणों हाँव तुँओं कैई शी पंणमिश्वर कि दया-रंय्म कृपा चींत्ते कराऐयों, ढाल-अरज करू के आप्णी देह्-शरीर जींऊँदें, पबित्र, पंणमिश्वर खे भाव्णों वाल़ी बल़ी-कुरबाँणीं देऐयों चढ़ाव। ऐजी ही तुँवारी आत्त्मिक सेवा असो।

रोमियों 12:1 ပူးပေါင်းရင်းမြစ်များ

लूका 7:47

“हांव ताखै बुलू; कै ऐजै मुखै जादा प्यार इथकारिए कौरौ जिथुकै इयौंकै पाप माफ कौरे राए जू बौहितै थिए; पौरौ जिनकै दैणिक पाप माफ कौरे राए सै मुंआरी दैणी शा प्यार कौरौ।”

रोमियों 12:2

औरौ इयौं दुनिया कै जैशणै ना बौणौ, पौरौ आपणै सुंचणौ कै तरीकै पौरमेशवर खै बौदल़णौ दैंव, ताकि तोंवारा चाल-चलन बै बौदल़दा जांव, जिथलैई तुऐं पौरमेशवर कै भली, औरौ भावती औरौ सिध्द इछा कै जूंदै रौंव।

रोमियों 15:16

कै हांव बैगानै यहूदी लोगौ कारिए मसीह यीशु का सेवक हौयौ ऐक यहूदी पुरोहित कै जैशणा पौरमेशवर शै भैटेयौंदा सुसमाचार कै सेवा कौरु; ताकि बैगानै यहूदी लोगौ कै पौरमेशवर कै खातिर ऐक भैंट कै रुप दै दियै जांव जिथलैई सै खुशी औसौ, औरौ जिनु पवित्र आत्माए पवित्र बौणणौ कारिए जौई कौरे राए।

रोमियों 15:30

ओए रै बिशवाशी भाईयों; प्रभु यीशु मसीह दै अमारै बिशवाश कै बौजैह शै औरौ पवित्र आत्माए जू आमु प्यार दैय राए, तिथकै बौजैह शै, हांव तुंआदै बिन्ती कौरु, कै तुऐं मैरै खातिर पौरमेशवर शै बैजाए ही ईमानदारी शै प्रार्थना कौरौ।

रोमियों 2:4

का तू पौरमेशवर कै भोलाए, औरौ सहनशीलता, औरौ सब्ररुपी धन कै बैकार जाणै? औरौ का ऐजौ ना सौमझै कै पौरमेशवर कै भोलाए ताखै पाप छोड़ेयौ मन फिराणौ कै शिखांव?

रोमियों 6:13

औरौ ना शोरीर कै अंगो कै बुरै मकसदो कारिए सौंपौ पौरौ आपी कै मौरेयौंदे मुंजीदै जियुंदी हौयौ जाणैबा, आपणै जीवन पौरमेशवर कै सौंपौ, औरौ आपणै शोरीर कै अंगो कै सोही काम कौरणौ कारिए पौरमेशवर कै सौंपौ।

रोमियों 6:16

तुऐं जाणौए कै जोबै तुऐं आपी कै कोसी कै गुलाम हौणौ कारिए दैय दैंव तौ सैजा आदमी तोंवारा मालिक हौए जांव औरौ तुऔं सैजौई कौरणौ चैंई जू सै बौल़ौए। पाप कै गुलामी तुऔं मौत कै ढौबौ लौए जांव, जोबै कै पौरमेशवर कै आज्ञा मानणी तुऔं कै धार्मिक जीवन कै ढौबौ लौए जांव।

रोमियों 6:19

मोऐं गुलामी का ऐजा उदारण तुऔं खै इथकारिए दिया ताकि तुऐं इनु कामकै सौमझै सौकौ कै मोऐं का शिखाए लो। जैशै तुऐं आपणै शोरीरो कै अंगो कै अशुध्दता औरौ कुकर्म कै दास कौरेयौ सौंपै राए थिए, तैशैखैई ऐबै आपणै अंगो खै पवित्रता कारिए धार्मिक जीवन जिणौ कारिए सौंपै दैव।

1 कुरिन्थियों 1:10

ओए रै बिशवाशी भाईयों, अमारै प्रभु यीशु मसीह कै औधिकार शै, हांव तुऔंआरी ऐशै कौरणौ कै बिन्ती कौरु, कै तुऔं सौबी खै ऐकी दुजैआरी सहमत हौणौ चैंई। औरौ तुऔं मुंजी झोगड़ा नी होणा चैंई पौरौ तुऔं ऐक जैशणी सोंच राखैयौ औरौ ऐकैई मकसद राखैयौ ऐकी दूजै कै साथै मिल-जोलैयौ रौणौ चैंई।

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

2 कुरिन्थियों 4:1

इथकारिए जोबै आमु पांदी ऐशणै दया हौए, कै पौरमेशवर कै सौंदेश कै प्रचार कौरणौ कै सेवकाई भैटी, तौ आमु हिम्मत ना छुडु़।

2 कुरिन्थियों 4:16

इथकारिए आमै हिम्मत ना छुडु़; जोबै कै अमारा शोरीर नाश बै हौंदा जांव, तोबै बै अमारै भीतरो का आत्मा हर रौज नौवाँ हौंदा जांव।

2 कुरिन्थियों 5:20

इथकारिए आमु मसीह कै राजदूत औसौ; पौरमेशवर तैसकै सौंदेश खै अपनाणौ कारिए अमारै दवारा बिन्ती कौरौ: आमै मसीह कै ढौबौशी बिन्ती कौरु, कै पौरमेशवर कै साथै शान्तै कायम कौरे पांव।

2 कुरिन्थियों 6:1

पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

इफिसियों 5:10

ऐजौ शिखणौ कै कौचिश कौरौ, कै पौरमेशवर कै का खुश कौरौ?

फिलिप्पियों 1:20

मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

फिलिप्पियों 2:17

प्रभु दा तोंवारा बिशवाश औरौ तोंवारै सेवा पौरमेशवर खै चौढ़ायौंदे बलिदान कै जैशणी औसौ। जै सै मुखै मारै बै दैंव, तौ बै हांव खुश औसौ, औरौ तुऔं सौबी खै साथै खुशी मौनौऊं।

फिलिप्पियों 4:18

मुंआगो सौब ठुँ औसौ, बल्कि बैजाए जादा औसौ; जू चीज़ौ तुऐं इपफ्रुदीतुस कै हाथौ दी भैजै रैई थी तिनु पायौ हांव छौकै गौआ। सैजी चीज़ौ मुं कारिए तिथु मीठै खुशबू वाल़ी बलिदान कै जैशणी औसौ, जू मुख्य यहूदी पुरोहित पौरमेशवर कै चौढ़ांव जू कै पौरमेशवर कै अपनाणै कै लायक औसौ औरौ तैसीकै खुश कौरौ।

1 थिस्सलुनीकियों 4:1

ओए रै मैरै बिशवाशी भाईयों आखरी दी आमै प्रभु यीशु मसीह कै नांव दै मोजबूती शै तुंआदै बिन्ती कौरु कै ऐशणा जीवन जियौ, जू पौरमेशवर कै खुश कौरौ, जैशै आमुए तुऔं शिखाए राए। तुऐं आगै दै ही ऐशैखै जियौंए, औरौ आमु तुऔं ऐशै कौरदै रौणौ कारिए हौजौ बै मौदद कौरदै।

1 थिस्सलुनीकियों 4:10

औरौ तुऐं आगै दैई आपणै साथी बिशवाशियौं कै प्रति आपणा प्यार दिखाए राए जू मकिदुनिया प्रदेश दै रौंव। पौरौ ओए रै बिशवाशी भाईयों, आमै तुऔं शै बिन्ती कौरु, कै हौजौ बै बौढ़दै जाव,

1 थिस्सलुनीकियों 5:12

ओए रै बिशवाशी भाईयों, आमु तुऔं कैईंदी बिन्ती कौरु, कै प्रभु दै जू तोंवारै अगुवे औसौ औरौ तुऔं कारिए कड़ी मैहनत कौरौ, औरौ तुऔं कै शिक्षा दैंव तिनकी मानौ।

1 तीमुथियुस 2:3

सौबी लोगौ कारिए ऐशैखै प्रार्थना कौरणी सोही औसौ, औरौ अमारा उध्दारकर्ता पौरमेशवर इयौं स्वीकार कौरौ।

1 तीमुथियुस 5:4

औरौ जै कोसी विधवा कै नानड़िया या नाती पोते हौंव। तौ तिनु आपणै खुद कै परिवार कारिए सैजै काम कौरणै चैंई जू मसीही बिशवाश तिनु कैईंदै उमीद कौरौए कै सै कौरौ। औरौ आपणै माँ बापू या दादा दादी कै दैखभाल कौरेयौ तिनु कारिए किछै कौरौ। जिथुकै पौरमेशवर कै ऐजौ ही भांव।

फिलेमोन 1:10

हांव उनेसिमुस कारिए बिन्ती कौरु, जू मैरै बैटै कै जैशणा औसौ। जोबै हांव कोयदी खाने दा थिया तौ ऐजा ऐबै मसीह दा मैरा बैटा बौणै गौआ।

इब्रानियों 13:22

ओए रै बिशवाशी भाईयों, हांव तुऔं कैईंदै बिन्ती कौरु, कै ऐसी सौंदेश कै धीरज शै शुणौ जू मोऐं तुऔं हौंसला दैणौ कारिए लैख राए। जिथुकै मोऐं तुऔं बैजाए विस्तार शै लैख राए।

1 पतरस 2:20

पौरौ जै तुऔं गौलत कौरणौ कारिए पीटौ, तौ सौजा भैटणौ पांदी सब्र राखैयौ तोंवारै तारीफ कौरणौ कै कुणजै बौजैह ना आथी। पौरौ जै भोलाए कौरणौ कै बौजैह शै तुऔं दुख सैहणा पौड़ौ औरौ सब्र राखौ, तौ पौरमेशवर खुश हौंव।