रोमियों 11:7 - सिरमौरी नौवाँ नियम

⁷ भलैई इस्राएल देश कै लोग पौरमेशवर कै साथै धरमी बौणणौ कै कौचिश कौरौ पौरौ सै नाकाम रौवै, जोबै कै जिनु लोगौ कै पौरमेशवरे चोणे राए सै तिनकै साथै धरमी बौणणौ कै कौचिश कौरौ, औरौ बाकी लोगौ कै जिद्दी बाणै दियै औरौ पौरमेशवर कै बात शुणणौ शै मोना कौरे दियु।

Sirmouri

⁷ ईन्देका का नंतिजा हुआ? ऐजा के इस्राएली लोग जियों खोज-ताक दे थिऐ, से तिनू भेटी ने सकी; परह् चूंणें-छाँटें अंदें लोगो भेटो, अरह् ओकी लोगे आप्णा मंन कुठूर करी दिता।

रोमियों 11:7 ပူးပေါင်းရင်းမြစ်များ

मरकुस 6:52

हालांकि तिनुऐ दैखै राए थियु कै यीशुए पाँच हजार मौरदो कै रोटी खियाए रैई थी पौरौ सै इबी तौड़ी तैसकै शौकतै कै बारै मुंजी बिल्कुल ना सौमझै रैई थी, जिथुकै तिनकै मन हौजौ बै बिशवाश कौरणौ शै ढीठ हौए रौवै थिए।

लूका 13:24

“पौरमेशवर कै राज्य दो सांगड़ै दवारो बाटी जाणौ चैईथु औसौ, जिथुकै हांव तुऔं बुलू कै भौरिशै लोग ऐसी दवार दै जाणौ की कौचिश कौरलै, पौरौ जाणौ दै नाकामयाब हौए जांदै।

यूहन्ना 12:40

“तैणै तिनकी आखी आन्धी कौरी दी ताकि सै दैखै नी सौकौ, औरौ तिनकै दिमाक बंद कौरे दिए ताकि सै सौमझी नी सौकौ। नही तौ सै मैरी ढौबौ फिरी जांदै औरौ हांव तिनु ठीक कौरे दैंदा।”

रोमियों 10:3

जिथुकै सैजै लोग पौरमेशवर कै धार्मिकता कै साबित कौरदै बैई, आपणै तरीकै शै धरमी बोणणौ कै कौचिश कौरौ, औरौ ना आपी कै पौरमेशवर कै धार्मिकता कै अधीन कौरौ।

रोमियों 11:25

ओए रै बिशवाशी भाईयों, हांव ना चोऊं कै तुऐं ऐसी भैद शै अणजाण रौंव ऐशै ना हौंव कै तुऐं आपी पांदी घमण्‍ड कौरदै लागौ, ऐजौ साचौ औसौ कै इस्राएल देश कै किछै लोग बिशवाश कौरणौ कै तैयार ना आथी, पौरौ जोबै पौरमेशवर पांदी बिशवाश कौरणौवाल़ै बैगानै यहूदी लोगौ कै गिनती पूरै हौए जालै, तौ इस्राएल कै लोग बिशवाश कौरदै औरौ पौरमेशवर कै धोरे पाछु आए जांदै।

रोमियों 11:5

ऐशैखैई ऐसी सौमय बै, पौरमेशवर कै अनुग्रह शै दैणिक यहूदी लोग औसौ जिनुकै पौरमेशवरे आपणै साची लोगौ कै रुप दै चोणे राए।

रोमियों 3:9

आमै का बौल़ै सौकु? का आमै यहूदी लोग, गैर यहूदी लोगौ शै आछोड़ै औसौ? ना! बिल्कुल नी! जिथुकै आमै यहूदी लोगौ औरौ बैगानै यहूदी लोगौ दुईनै पांदी ऐजा दोष लाए राए कै सै सौब कै सौब पापौ की शौकतै कै हवाले औसौ।

रोमियों 6:15

तौ का हु? जिथुकै आमै मूसा कै कानून कै अधीन नी, पौरौ पौरमेशवर कै अनुग्रह कै अधीन औसौ, इथकारिए आमु पाप नी कौरणै चैंई।

रोमियों 9:18

तौ बै, सै जैसी पांदी चांव, तैसी पांदी दया कौरौ; औरौ जैसी चांव तैसी हठीला बाणै दैंव।

1 कुरिन्थियों 10:19

मोऐं ऐजौ बौल़ै लौ कै मूर्ति सौथीखै देवता ना आथी, औरौ तिनुखै चौढ़ाएयौंदो बलिदान किछै मतलब ना राखौ।

2 कुरिन्थियों 3:14

पौरौ सै नासमझ हौए गौवै, जिथुकै ऐलो तौड़ी पुराणै कौरार पोढ़दै बैई तिनकै दिलो पांदी सैजाई पोरदा पौड़ेयौंदा रौआ; पौरौ सिरफ मसीह पांदी बिशवाश कौरणौ कै दवारा ही पोरदा हौटाया जांव।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

इफिसियों 1:4

पौरमेशवरे दुनिया कै बाणणौ दै औगौड़ियौ ही आमु आपणै पवित्र लोग हौणौ कारिए चोणे राए जिथुकै आमै मसीह कै साथै ऐक औसौ; ताकि आमै तैसकै सामणै पवित्र औरौ निर्दोष बौणै सौकु।

इफिसियों 4:18

जिथुकै सै ना समझ औरौ अज्ञानी औसौ औरौ जू जीवन पौरमेशवर दैंव सै तैसी जीवन कै ना अपनांव औरौ पौरमेशवर कै बारै दो शुणणौ शै इन्कार कौरणौ कै बौजैह शै सैजा जीवन जू पौरमेशवर दैंव, तिनुमुंजी ना आथी।

फिलिप्पियों 1:18

तौ का हौव? सिरफ ऐजौ, कै हर तरीकै शै चाहै दिखावे शै, चाहै सोच्‍चाई शै, मसीह कै बारै मुंजी सुसमाचार का प्रचार हौए रौआ, औरौ हांव इथलैई खुश औसौ, औरौ इथलैई खुश हौंदा रौन्‍दा।

इब्रानियों 12:17

तुऐं जाणौ तौ औसौए, बाद दी तैणै आपणै पिता कै आशीष चाए, जू तैसी ना भैटी, औरौ आशु बौवायौ-बौवायौ सै आशीष चांव थिया पौरौ तोबै बै जू किछै तैणै आगै कौरे राए थियु तिथु सै औटेयौ बौदलै ना सौकी।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।