रोमियों 11:6 - सिरमौरी नौवाँ नियम

⁶ पौरमेशवर का तिनु चुणणा अनुग्रह लैई हौए रौआ, ऐजौ भले कामौ खै कौरणौ कै दवारा ना होई रैई। पौरौ जै कामौ कै दवारा औसौ, तौ अनुग्रह तोबै अनुग्रह ना रोई।

Sirmouri

⁶ जे ऐजा चुणाँव पंणमिश्वर की कृपा शा हऐ रूवा, तअ तबे ऐजा चुणाँव कर्मों के जाँणें ने हऐ रंई; ना तअ तबे कृपा, कृपा ने रंह्दी।

रोमियों 11:6 ပူးပေါင်းရင်းမြစ်များ

लूका 6:13

जोबै दूस हौ, तोबै तैणै आपणै चैलै कै बौएदैयौ तिनुमुंजी दै बारौ चैलै चोणे दिए, औरौ तिनुकै चोणेयौंदे चैलै बौल़ै।

1 कुरिन्थियों 15:10

इथकारिए हांव पौरमेशवर कै अनुग्रह लैई चोणेयौंदा चैला औसौ। औरौ तैसकै अनुग्रहे शै मैरै जीवन दा बोड़ा बदलाव आया। मोऐं औकै कोसी बै चोणेयौंदे चैलै शै बौढ़ेयौ मैहनत बै कौरे, तौ बै ऐजौ मैरै ढौबौशौ ना आथी पौरौ पौरमेशवर कै अनुग्रह मुखै तैसका काम कौरणौ दै मौदद कौरे।

गलातियौं 2:21

हांव इयौं बातौ शै भाजै ना सौकु कै पौरमेशवर आपणै अनुग्रह कै बौजैह शै आमु बौचांवे। जिथुकै जै मूसा कै कानून कै दवारा कोसी आदमी का धरमी बौणणा आसान हौंदा, तौ मसीह खै मौरणौ नी पौड़दौ थियु।

गलातियौं 5:4

तुऐं जू मूसा कै कानून का पालन कौरणौ कै दवारा धरमी बौणणा चांव, तुऐं मसीह शै आपणा सौमबंध तौड़ै पाए औरौ पौरमेशवर कै अनुग्रह खै गवांए दिया।

2 तीमुथियुस 1:9

जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

तीतुस 3:5

तैणै आमु अमारै पापौ कै सौजा शै बौचौऊवै, औरौ ऐजौ धार्मिक कामौ की बौजैह शै नी, जू आमुए आपी कौरे, पौरौ बौजैह शै जू तैणै आमु पांदी दया कौरे राए। पौरमेशवरे आमु नौवाँ जीवन दैय राए। तैणै अमारै पापौ कै आमुवा दै दूर कौरे दिए औरौ आमु इथ लायक बाणै कै आमै ऐक नौवें तरीकै शै बर्ताव कौरणा शुरु कौरु। तैणै आपणै पवित्र आत्मा कै अमारै भीतरै राखैयौ ऐशै कौरे राए।