रोमियों 11:33 - सिरमौरी नौवाँ नियम

³³ आहा, पौरमेशवर कै अनुग्रह का धन औरौ बुध्‍दि औरौ ज्ञान कैतरै गंभीर औसौ! कुणिए बै तैसकै फोयसलै कै बखान ना कौरे सौकौ; औरौ ना ही कुणिए तैसकै बाटो कै जाणै सौकौ!

Sirmouri

³³ आहा! पंणमिश्वर को धन, अरह् बुद्धी, ज्ञाँन का ही बड़िया असो! तिनके बिचार कैशे अथाऐं, अरह् तिनकी बाटो ऐत्री शुभाल़ी असो जिन्दें का किऐं बखाँण ने करा ज़ादा!

रोमियों 11:33 ပူးပေါင်းရင်းမြစ်များ

रोमियों 2:4

का तू पौरमेशवर कै भोलाए, औरौ सहनशीलता, औरौ सब्ररुपी धन कै बैकार जाणै? औरौ का ऐजौ ना सौमझै कै पौरमेशवर कै भोलाए ताखै पाप छोड़ेयौ मन फिराणौ कै शिखांव?

1 कुरिन्थियों 2:10

पौरौ पौरमेशवरे इनु बातौ खै आमु पांदी यानी चोणेयौंदे चैलै पांदी इनु चीज़ौ खै आपणै पवित्र आत्मा कै दवारा प्रकट कौरी; जिथुकै ऐशणौ किछै ना आथी जू पौरमेशवर कै आत्मा खै पौता नै हौली। इथै तौड़ी कै पौरमेशवर कै डुंगै विचारो खै बै सै ठीक शै जाणौ।

इफिसियों 1:7

मसीह कै लोऊ बोवाणो कै दवारा पौरमेशवरे आमु बौचाए राए यानी अमारै पापौ कै माफ कौरे राए। पौरमेशवर का अनुग्रह बैजाए बौड़ा औसौ जू तैणै आमु दैय राए।

इफिसियों 2:7

पौरमेशवर ऐजौ इथकारिए कौरौ ताकि सै भविष्‍य दै सौबी कै बौताए सौकौ कै अमारै प्रति सै तैसी काम की बौजैह शै जू मसीह यीशुए अमारै खातिर कौरे राए महान अनुग्रह कै साथै पैश ओऊवा,।

इफिसियों 3:10

ताकि ऐबै कलीसिया कै दवारा, पौरमेशवर का सान्त-भान्त का ज्ञान तिनु प्रधानों औरौ औधिकारियो पांदी जू स्वर्ग कै ठाँव दै औसौ, प्रगट कोरी सौकौ।

इफिसियों 3:16

हांव प्रार्थना कौरु कै, पौरमेशवर आपणी महिमा कै कौलोंई खत्म ना हौणौवाल़ै धन शै तुऔं ऐजा दाण दैंव, कै तुऐं तैसकै आत्मा शै आपणै भीतरै अनौखी शौकतै पायौ मोजबूत हौए जांव।

इफिसियों 3:18

सौबी पवित्र लोगौ कै साथै इयौं बातौ कै आछी कौरेयौ सौमझणौ कै शौकतै पांव कै मसीह कै प्यार कै चौड़ाए, औरौ लौम्बाए, औरौ ऊंचाई, औरौ गैहराए किशैक जादा औसौ।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।