रोमियों 11:30 - सिरमौरी नौवाँ नियम

³⁰ जिथुकै जैशै बैगानै लोगै आगै पौरमेशवर कै आज्ञा ना मानी, पौरौ इबी इस्राएली लोगौ कै आज्ञा ना मानणौ शै बैगानै लोगौ पांदी दया हौए।

Sirmouri

³⁰ किन्देंखे के जेष्णें तुँऐं आगे पंणमिश्वर की अज्ञाँ ने माँनी, परह् ऐबे तिनकी अज्ञाँ ना मानणों शे तुँओं गाशी दया-रंय्म कृपा हऐ;

रोमियों 11:30 ပူးပေါင်းရင်းမြစ်များ

रोमियों 11:29

जिथुकै पौरमेशवर आपणै अनुग्रह शै, औरौ बुलाहट शै कौलोंई बै आपणा मन ना बौदलौ।

रोमियों 11:31

तैशैखैई तिनुऐ बै ऐबै आज्ञा ना मानी कै तुऔं पांदी जू दया हौंव इथलैई तिनु पांदी बै दया हौंव।

रोमियों 15:9

औरौ बैगानै यहूदी लोग बै पौरमेशवर कै दया कै बौजैह शै पौरमेशवर कै स्तुति कौरौ, जैशैखै पवित्र शास्त्र बौल़ौ, “इथकारिए हांव बैगानै यहूदी लोगौ मुंजी तैरै स्तुति कौरदा, औरौ तैरै नांव का भजन गांदा।”

1 कुरिन्थियों 7:25

कुवांरियों कै बारै मुंजी मुखै प्रभु कै कुणजै आज्ञा ना भैटी रैई, जिथुकै हांव पौरमेशवर कै दया की बौजैह शै भौरोशैमंद लोगौ मुंजीदा ऐक औसौ, हांव आपणी राय दियु।

2 कुरिन्थियों 4:1

इथकारिए जोबै आमु पांदी ऐशणै दया हौए, कै पौरमेशवर कै सौंदेश कै प्रचार कौरणौ कै सेवकाई भैटी, तौ आमु हिम्मत ना छुडु़।

कुलुस्सियों 3:7

तुऐं बै आगै इयौं इछा कै हिसाब शै जियौं थिए, जोबै तुऐं इनु बुरै कामौ दै जिन्दगी बितांव थिए।

1 तीमुथियुस 1:18

ओए रै बैटा तीमुथियुस ऐजै सैजै नियम औसौ जू मोऐं ताखै दैय लौवै हांव ताखै तिनु बातौ खै याद कौरणौ कारिए बुलू जू पाछलै सौमय दै पौरमेशवर कै बातौ बौताणौवाल़ै बौल़ै रैई थी कै तैरै साथै हौंदी। ताखै सुसमाचार कै सौचाई कारिए ठीक ढंग शै लौड़णौ कारिए तिनु शब्दो का इस्तैमाल ऐक हथियार कै जैशणा कौरणा चैंई।

इब्रानियों 3:18

औरौ जोबै पौरमेशवरे सख्ताई शै घोषणा कौरे कै, सैजै कौलोंई बै तियौं जोमीनो पांदी जाए ना सौकदै जिथै हांव तिनु विशांव दैंदा, तौ तैणै निशोंक हौयौ तिनु लोगौ कै बारै मुंजी बौल़ै लौ जिनुवै आज्ञा ना मानी।

1 पतरस 2:10

पौरमेशवर कै बातौ बौताणौवाल़ै होशे जू लैखै राए सैजौ तोंवारै बारै मुंजी साचौ औसौ। आगै तुऐं पौरमेशवर कै लोग ना थी, पौरौ ऐबै तुऐं पौरमेशवर कै लोग औसौ। आगै तुऐं पौरमेशवर कै दया खै ना जाणौ थिए पौरौ ऐबै तुऐं इयौं जाणौए जिथुकै तैणै शुरु शै ही तुऔं पांदी दया दिखाए राए।