रोमियों 11:29 - सिरमौरी नौवाँ नियम

²⁹ जिथुकै पौरमेशवर आपणै अनुग्रह शै, औरौ बुलाहट शै कौलोंई बै आपणा मन ना बौदलौ।

Sirmouri

²⁹ किन्देंखे के पंणमिश्वर का बर्दांण अरह् बईदे अंदें अट्ल़ असो।

रोमियों 11:29 ပူးပေါင်းရင်းမြစ်များ

रोमियों 11:30

जिथुकै जैशै बैगानै लोगै आगै पौरमेशवर कै आज्ञा ना मानी, पौरौ इबी इस्राएली लोगौ कै आज्ञा ना मानणौ शै बैगानै लोगौ पांदी दया हौए।

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

रोमियों 8:30

तोबै जिनु कारिए पौरमेशवरे आगैई तय कौरे राए तिनु चोणे बै राए, औरौ जिनु चोणे राए, तिनु धरमी साबित कौरे राए, औरौ जिनु धरमी साबित कौरे राए, तिनकै साथै आपणै महिमा बै बांडै राए।

1 कुरिन्थियों 1:26

ओए रै बिशवाशी भाईयों, पौरमेशवरे आमुखै आपणै बैटै, अमारै प्रभु यीशु मसीह कै साथै एकजुट हौणौ कारिए चोणे राए, आदमी कै नज़रीयै शै आमु मुंजीदै कुणिए बै बुध्दिमान औरौ शौकतीशाली औरौ राजा या नेताओं औरौ खास पुराणिया मुंजीदै ना थी।

इफिसियों 1:18

हांव ऐजै बै प्रार्थना कौरु कै सै तोंवारै मन कि आखी कै खोले दैंव औरौ तुऐं पेयाशै कै दैखी सौकौ ताकि तुऐं तियौं आशा कै सौमझै सौकौ जिथ कारिए तुऔं बौएदै राए; औरौ तुऐं जाणै सौकौ कै सैजी आशीषै कैतरी महान औरौ महिमामय औसौ, जिथका वादा पौरमेशवरे आपणै लोगौ आरी कौरे राए।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

इफिसियों 4:4

आमै सौबै बिशवाशी ऐक शोरीर कै अंगो कै जैशणै औसौ, औरौ आमु सौबी कै ऐकैई पवित्र आत्मा भैटी रौआ। ऐशैखैई तुऔं ऐकैई आशा दैय राए थै, जोबै तुऐं पौरमेशवर कै लोग हौणौ कारिए बौएदै राए थिए।

फिलिप्पियों 3:14

हांव बौड़ी खुशी शै आपणै मकसद कै ढौबौ दौडु़, ताकि हांव स्वर्ग दा सैजा इनाम पाए सौकु जिथकारिए पौरमेशवरे आमु यीशु मसीह दै बौएदै राए।

2 थिस्सलुनीकियों 1:11

आमै लगातार तुऔं कारिए प्रार्थना बै कौरु, ताकि पौरमेशवर तुऔं तैसी जीवन कै लायक बाणै दैंव जिथु जिणौ कारिए तैणै तुऔं बौएदै राए। औरौ पौरमेशवर तुऔं खै सौबै भोलाए कै काम कौरणौ कै इछा औरौ बिशवाश शै सौबी कामौ खै आपणै अनौखी शौकतै शै पूरु कौरौ।

2 तीमुथियुस 1:9

जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 7:21

लेवी कै पीढ़ी तौ बिना शौं कै पुरोहित बाणै गौवै, पौरौ यीशु शौं कै साथै पौरमेशवर कै ढौबौशा चोणे गौआ, जैणै तैसकै बारै मुंजी बौल़ौ, “हांव पौरमेशवर जू ऐजी शपथ खोऊं, औरौ हांव आपणै फोयसलै शै ना पौछतांदा कै तू सौदा कारिए पुरोहित बौणै गौआ।”

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;