रोमियों 11:22 - सिरमौरी नौवाँ नियम

²² इथकारिए पौरमेशवर कै दया औरौ सख्ताई पांदी ध्यान दैंव! जू बिशवाश शै भौटकै! तिनु पांदी सख्ताई, पौरौ तुऔं पांदी दया हौए रौए, तुऐं तैसकै दया दै बौणैयौंदे रौव, नही, तौ काटैयौ जौई कौरे दियै जालै।

Sirmouri

²² ईन्देंखे पंणमिश्वर के कृपा अरह् शक्त्ताऐ दे:ख! जू ऊदे रिड़े तिनू गाशी शक्त्ताऐ; परह् ताँव गाशी कृपा करी, जे तू तिन्दा संमाऐ अंदा रंऐं, तबे ही, ना तअ ताँव भे काटियों फेरकाऐ देंईदा।

रोमियों 11:22 ပူးပေါင်းရင်းမြစ်များ

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

यूहन्ना 15:2

सौबै शाई जू मुंदी जूड़ेयोंदी औसौ, औरौ ना फोल़ो, तौ तिनु सै काटै दैंव, औरौ जू शाई फोल़ोए, तिनु सै हौजौ छांटौ ताकि सै हौजौ बै जादा फोल़ो।

यूहन्ना 8:31

बाद मै यीशुए तिनु यहूदी नेताओं शै जिनुवै तैसी पांदी बिशवाश कौरे राए थिया, तिनुखै बौल़ौ, “जै तुऐं मैरै शिक्षा दै बौणैयौंदे रौलै, तौ सौथी कै मैरै चैलै ठोहरलै।

प्रेरितो कै काम 11:23

बरनबास तिथै पोंचैयो, औरौ पौरमेशवर कै अनुग्रह खै दैखैयो खुशी हौआ; औरौ सौबी खै उपदैश बौतांदा लागा, कै तन मन लायौ प्रभु शै लिपटै रौंव।

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

रोमियों 11:21

जिथुकै जोबै पौरमेशवरे आछी शाई पांदी दया ना कौरी, तौ सै तुऔं पांदी दया ना कौरदा।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

1 कुरिन्थियों 15:2

जै तुऐं तैसी सुसमाचार पांदी बिशवाश कौरणा जारी राखौ जिथका मोऐं तुऔं मुंजी प्रचार कौरा, तौ पौरमेशवर तुऔं बौचांदाए। नही तौ तोंवारा बिशवाश कौरणा बैकार हौंदा।

गलातियौं 6:9

आमु भले काम कौरणौ दै पाछु ना रौं तौ जै आमै कौलोंई हार ना मानु, तौ पौरमेशवर शै आपणै सौमय पांदी इनाम पांदै।

1 थिस्सलुनीकियों 3:5

ऐसी बौजैह शै जोबै मैरै शै हौजौ ना रोई, तौ तोंवारै बिशवाश का हाल जाणणौ कारिए मोऐं तीमुथियुस कै भैजा, कै मुखै डौर थिया कै कौथी परीक्षा कौरणौवाल़ै शैतानै तोंवारै परीक्षा कौरो, औरौ अमारै मैहनत बैकार हौए जांव।

1 थिस्सलुनीकियों 3:8

जिथुकै ऐबै ऐजौ जाणणौ कि तुऐं प्रभु दा मोजबूती शै बिशवाश कौरे लौआ, तौ ऐजौ आमु कारिए नौवें जीवन कै जैशणौ औसौ।

इब्रानियों 10:23

ऐबै आमै बिना कोसी शक कै आपणी तियौं आशा दै अटल रोऊं, जिथुकै आमै पौरमेशवर पांदी तैसकै वादै खै पूरा कौरणौ कारिए भोरोशा कौरे सौकु।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

1 यूहन्ना 2:19

सैजै लोग जू मसीह कै दुशमन औसौ अमारा साथ छोड़ेयौ हौटै गौवै जिथुकै सै अमारै आपणै ना थी, जै सै अमारै आपणै हौंदै, तौ सै अमारै साथै ही रौंदै पौरौ सै हौटै गौवै, जिथलैई ऐजा पौता लागै गौआ कै तिनुमुंजी दै कुणिए बै अमारै आपणै ना आथी।

प्रकाशितवाक्य 2:5

इथकारिए याद कौर कै तू शुरुआत शै मुंआरी कैशणा प्यार कौरे थिया औरौ ऐबै तू मुखै तैशैखैई प्यार ना कौरे। इयौं बात शै पाप कौरणै छोड़े दै औरौ मुंआरी तैशैखैई प्यार कौरणा शुरु कौर जैशै तू शुरुआत शै कौरे थिया। जै तू ना बौदला तौ हांव तैरै धोरे आन्दा औरौ जिथै तैरै दिवट राखै राए तिनु तिथैदै हटाए दैंदा।