रोमियों 11:20 - सिरमौरी नौवाँ नियम

²⁰ ऐजौ साचौ औसौ, सै तौ अबिशवाश कै बौजैह शै तौड़ै गोई, पौरौ तू बिशवाश दा बौणेयौंदा रौंव, इथकारिए घमण्डी नी हौं, पौरौ डौर मानैया,

Sirmouri

²⁰ ठीक असो, सेजे लोग तअ बै-बिश्वाष के जाँणें च़ूड़ी दिते, परह् तू बिश्वाष दा पाक्का बंणा रूऐ, ईन्देंखे तू घमंन्डी ने बंणें, परह् डरियों रूऐ,

रोमियों 11:20 ပူးပေါင်းရင်းမြစ်များ

लूका 18:14

यीशुए बौल़ौ हांव तुऔं खै बुलू, कै फरीसी आदमी ना, पौरौ मामला लोणो वाल़ा आदमी पौरमेशवर कै नज़र दा धरमी हौयौ आपणै घोरे हौटै गौआ; जिथुकै जू कुणिए आपी खै बौड़ा सौमझला सै नानड़ा हौंदा; औरौ जू आपी खै नानड़ा सौमझला, सै बौड़ा बौणाए जांदा।”

प्रेरितो कै काम 18:6

पौरौ जोबै यहूदी लोग पौलुस कै खिलाफ हौयौ निन्‍दा कौरदै लागै, तौ तैणै आपणै खोटणो कै धूल झाड़ेयौ तिनु बौल़ौ, पौरमेशवर कै सौंदेश कै ना मानणौ कै बौजैह शै तुऐं आपी ही तियौं सौजा कै दोषी औसौ, जू तुऔं पौरमेशवर कै ढौबौशै भैटदै, हांव बैकसूर औसौ। ऐलो दा ऊबा हांव बैगानै यहूदी लोगौ कै धोरे जांदा औरौ पौरमेशवर कै सौंदेश का प्रचार कौरदा।

रोमियों 11:18

तौ तुऐं आपी कै तिनु काटैयौंदी शाई शै बौढ़ेयौ ना सौमझौ। जै तुऐं बौढ़ेयौ सौमझौ, तौ याद राखौ कै तुऐं जड़ कै ना संभाल़ो, बल्कि जड़ ही तुऔंखै संभाल़ो।

रोमियों 11:21

जिथुकै जोबै पौरमेशवरे आछी शाई पांदी दया ना कौरी, तौ सै तुऔं पांदी दया ना कौरदा।

रोमियों 12:16

ऐकी दूजै का तैतरा ध्यान राखौ जैतरा कै आपणा राखौ; घमण्‍ड ना कौरौ, पौरौ शोरीफो कै साथै संगति राखौ, आपणै नज़र दै बुध्दिमान नी बौणैया।

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

रोमियों 3:3

जै कुणिए यहूदी लोग पौरमेशवर आरी धोकैबाज निकल़ै तौ तिनकौ का हौंदौ? का तिनकै धोकैबाज हौणौ कै बावजूद बै पौरमेशवर तिनकै साथै आपणै वादै कै पूरा कौरणौ दा भरोसेमंद ना हौंदा।

1 कुरिन्थियों 10:12

इथकारिए जै तिथै कुणिए ऐशणा आदमै औसौ जू बौल़ौए कै पौरमेशवर पांदी तैसका भोरोशा मोजबूत औसौ, तौ तैसी चौकश रौणौ चैंई कै ऐशै नी हौं कै सै धौखै शै बिशवाश शै भटकै जांव औरौ सै पाप कौरौ।

1 कुरिन्थियों 15:1

ओए रै बिशवाशी भाईयों, हांव तुऔं सैजाई सुसमाचार याद दियोऊं, जू आगै शुणाए राए, जू तुऐं अपनाए राए थिया, औरौ जिथमुंजी तुऐं भोरोशा कौरणा जारी राखा।

1 कुरिन्थियों 16:13

चौकश रौया, लगातार बिशवाश दै बौणैयौंदे रौया, हिम्मत वाल़ै बौणौ, पौरमेशवर कै साथै आपणै रिशतै कै मोजबूत राखौ।

2 कुरिन्थियों 1:24

ऐजौ ना आथी, कै आमै बिशवाश कै बारै मुंजी तुऔं पांदी राज कौरणा चोऊं; पौरौ तोंवारै आनन्द दै शामिल औसौ जिथुकै तुऐं बिशवाश दै बौणीए रौंव।

2 कुरिन्थियों 10:5

आमै मन बातौ खै, औरौ हरेक ऊंची बातौ खै, जू पौरमेशवर कै पौछेयाण कै खिलाफ उठौ, इन्कार कौरु, औरौ हरेक ख्याल काबू दै लायौ मसीह कै आज्ञाकारी बाणै दियु।

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

कुलुस्सियों 2:7

जैशै ऐक डाल़ जोमीनो दा जोड़ पाकड़ो औरौ ऐक घोर नीयुं पांदी मजबूत रौंव, तैशैखैई तुऐं आपणै बिशवाश दै मजबूत हौंदै रौंव औरौ लगातार तैसीआरी बौढ़दै जाव जैशै तुऔं कै शिखाए राए औरौ जादा सै जादा धन्यवाद कौरदै रौव।

2 थिस्सलुनीकियों 2:4

सै पौरमेशवर औरौ ओकी सौबै चीज़ौ कै जिनकै लोग पूजा कौरौ औरौ पौरमेशवर कै रुप दै सुंचौए, विरोध कौरदा औरौ सै दावा कौरदा कै सै तिनु सौबी शै जादा बौड़ा औसौ इथै तौड़ी कै सै पौरमेशवर कै मन्दिर दा बोठेयो आपी खै सौबिका पौरमेशवर बौतांदा।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

इब्रानियों 3:12

ओए रै बिशवाशी भाईयों चौकश रौंव, कै तुऔं मुंजीदा ऐशणा बुरा औरौ अबिशवाशी मन नी हौंव, जू जीवन दैणौवाल़ै पौरमेशवर का पीछा कौरणौ शै मौना कौरे दैंव।

इब्रानियों 3:19

आमु पौता चालै गौआ कै बिना बिश‍वाश की बौजैह शै सैजै विशांव कै ठाँव दै जाए ना सौकौ।

इब्रानियों 4:11

इथकारिए आमु तैसी विशांव कै ठाँव दै जाणौ कारिए कड़ी मैहनत कौरणी चैंई, कोसी बै आदमी खै तिनु लोगौ कै उदारण कै नकल नी कौरणै चैंई, जिनुवै पौरमेशवर कै आज्ञा मानणौ शै मोना कौरे दियु। तोबैई आमै तैसी विशांव कै ठाँव दै जांदै।

इब्रानियों 4:6

पौरौ लोगौ खै तैसी विशांव ठाँव दै जाणौ का मौका ऐबै बै औसौए। इस्राएल देश कै सैजै लोग जिनुमुंजी आगलै बैई सुसमाचार कै घोषणा कौरे राए थै, सै प्रवेश कौरणौ दै नाकामयाब हुवे जिथुकै तिनुऐ पौरमेशवर कै आज्ञा ना मानी।

याकूब 2:19

ताखै बिशवाश औसौ कै ऐकैई पौरमेशवर औसौ; तू आछौ कौरे, दुष्टआत्मा बै ऐशणा बिशवाश राखौ, औरौ कामणैयौ डौरौए।

याकूब 4:6

पौरौ पौरमेशवर जू अनुग्रह दैंव सै बैजाए शौकतीशाली औसौ इथकारिए पवित्र शास्त्र दो लैखै राए, “पौरमेशवर घमण्डी लोगौ का विरोध कौरौ, पौरौ दीन लोगौ पांदी अनुग्रह कौरौ।”

1 पतरस 1:17

पौरमेशवर जाणौए कै हरेक आदमीए का-का कौरे राए, औरौ सै सौबी आदमी का न्यांव बिना कोसी भैदभाव कै कौरौ। जोबै तुऐं पौरमेशवर शै प्रार्थना कौरौ तौ तैसी पिता बौल़ौ। इथकारिए जोबै कै तुऐं धोरती पांदी ऐक प्रदेशी हौयौ रौंव तौ तुऔं पौरमेशवर का डौर मानैयौ तैसका बैजाए आदर कौरणा चैंई।

1 पतरस 5:12

मोऐं ऐजै ठिकड़ी चिट्ठी सीलास कै मौदद लैई लिखै औरौ तुऔं भैजै राए। हांव तैसी मसीह दा ऐक ईमानदार बिशवाशी भाई मानु। मैरा चिट्ठी कै लिखणौ का मकसद तुऔं हिम्मत दैणा औरौ तुऔं बैचींत कौरणा औसौ कै जू बै तुऐं महसूस कौरे लौ सै सौथीखै तोंवारै ढौबौ पौरमेशवर कै अनुग्रह का हिस्सा औसौ। ऐसी अनुग्रह दै मजबूत रौंव।

1 पतरस 5:9

तुऔं आपणै मोजबूत बिशवाश कै साथै तैसका विरोध कौरणा चैंई। याद राखौ कै तोंवारै मसीह भाईटु जू पूरै दुनिया दै रौए रौवै, ऐशैखैई दुखो खै सौयन कौरे लौवै जैशै तुऐं सौय लौवै।

प्रकाशितवाक्य 18:7

तू तिथकै निशोंक हौयौ बैजाए पीड़ो औरौ दुख दियांदा जू तिथकै ऐशौ आराम कै जीवन कै तरीकै औरौ तिथकै आपणै प्रति घमण्‍ड कै बराबर औसौ। तिथ शहरै आपी खै बौल़ौ, “हांव ऐक राणी कै जैशणै लोगौ पांदी राज्य कौरदी। हांव ऐक विधवा ना आथी औरौ हांव दुख कै महसूस ना कौरदी।”

प्रकाशितवाक्य 3:17

तू सुंचै कै तू सैठ औसौ औरौ तांव कैई सैजौ सौब औसौ जिथकै ताखै जौरुरत औसौ, पौरौ तू ना जाणै कै इथकै सौचाई ऐजी औसौ कै तांव पांदी तरस आणा चैंई। जिथुकै सौचाई ऐजी औसौ कै तू गरीब औसौ, तांव कैई लुस्कै ना आथी, औरौ तू आन्धा औसौ।