रोमियों 11:13 - सिरमौरी नौवाँ नियम

¹³ हांव तुऔं बैगानै यहूदी लोगौ शै ऐजी बातौ बुलू। जोबै कै हांव बैगानै यहूदी लोगौ कारिए चोणेयौंदा चैला औसौ, तौ हांव आपणै सेवकाई पांदी घमण्‍ड कौरु,

Sirmouri

¹³ मुँह तुँओं गऐर यहूदी लोगो खे पंणमिश्वर की खुषख्बरी देंदा प्रभू यीशू ऐ डियाल़ी थुवा; तअ हाँव आप्णी सेवा की बड़ियाऐं करू,

रोमियों 11:13 ပူးပေါင်းရင်းမြစ်များ

प्रेरितो कै काम 13:2

जोबै तिनुऐ उपवास कै साथै प्रभु की आराधना कौरे लोए थै, तौ पवित्र आत्माए बौल़ौ, “मुं कारिए बरनबास औरौ शाऊल कै मैरै सेवा कौरणौ कारिए जौई कौरौ जिथकारिए मोऐं तिनु बौयदै राए।”

प्रेरितो कै काम 22:21

औरौ प्रभुए मुखै बौल़ौ, आगु जा: जिथुकै हांव ताखै बैगानै यहूदी लोगौ कै धोरे दूर-दूर भैजदा।”

प्रेरितो कै काम 9:15

पौरौ प्रभुए तैसीखै बौल़ौ, “तू आगु जा, जिथुकै तैसी तौ मोऐं बैगानै यहूदी औरौ राजाओं औरौ इस्राएल देश कै लोगौ कै सामणै मैरै बारै मुंजी प्रचार कौरणै औरौ आपणी सेवा कौरणौ कारिए चोणे राए।

गलातियौं 2:2

औरौ हांव तिथै हौटा जिथुकै पौरमेशवरे मुखै जाणौ खै बौल़ौ, औरौ जोबै हांव तिथै थिया तौ अगुवो आरी ऐक-ऐक कौरेयौ भैटिया औरौ तिनु तैसी सुसमाचार कै बारै मुंजी बौतौऊ जू मोऐं बैगानै यहूदी लोगौ कै बीच मुंजी प्रचार कौरे राए थिया तिथै मोऐं एकान्त दै जायौ अगुवो खै सौमझाए दियै, ताकि ऐशै ना हौंव, कै जू मोऐं पाछै कौरे राए थियु तिथका किछै नतीजा निकल़ौ।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

1 तीमुथियुस 2:7

इयौं बौजैह शै, पौरमेशवरे मुखै सुसमाचार का प्रचारक औरौ ऐक चोणेयौंदा चैला हौणौ कारिए चोणे राए। तैणै मुखै बैगानै जाति कै लोगौ कै बिशवाश का साचा सौंदेश शिखाणौ कारिए चोणे राए। मोऐं झूठु ना बौल़ै लैई; पौरौ मोऐं साचौ लो बौल़ै।