रोमियों 11:1 - सिरमौरी नौवाँ नियम

¹ इथकारिए हांव पूछु, का पौरमेशवर आपणै लोगौ कै छोड़े दियै? ना! बिल्कुल नी! हांव बै तौ इस्राएली औसौ, अब्राहम कै वंश औरौ बिन्‍यामीन कै गोत्र पौरैशा औसौ।

Sirmouri

¹ हाँव ऐशो बुलो, “कियों पंणमिश्वरे आप्णी परजा के लोग छुड़ी दिते?” बिल्कुल् ने! हाँव भे तअ इस्राएली असो; अब्राहम की बंष-गड़ी का, बिन्यामीन के गोत्र का असो।

रोमियों 11:1 ပူးပေါင်းရင်းမြစ်များ

लूका 20:16

सै आयौ तिनु किसानो कै मारै दैंदा, औरौ अंगूरो कै बागड़ी ओकी कै दैय दैंदा।” ऐजौ शोणेयो तिनुऐ बौल़ौ, “पौरमेशवर ऐशै ना कौरौ।”

प्रेरितो कै काम 22:3

“हांव तौ यहूदी आदमी औसौ, मैरा जन्म किलिकिया प्रदेश कै तरसुस शहर दा हौआ, पौरौ ऐसी नोगर दा गमलीएल कै लातो कै धोरे बोठेयो शिक्षा पाए, औरौ पुराणिया मूसा कै कानून कै बै ठीक ढंग शै शिखाए राए; औरौ पौरमेशवर कारिए ऐशणै धुन लाए राए थी, जैशणी तुऐं सौबीए ऐलो लाए राए।”

प्रेरितो कै काम 26:4

“जैशणा मैरा चाल-चलन जवानी कै सौमय आपणै लोगौ कै बीच औरौ यरूशलेम शहर दा थिया, ऐजौ सौबै यहूदी जाणौ।”

रोमियों 11:11

तौ हांव बुलू का जोबै इस्राएल देश कै लोग मसीह पांदी बिशवाश ना कोरी, तौ तोबै कौलोंई ना बिशवाश कौरलै? ना! बिल्कुल नी! पौरौ तिनकै आज्ञा ना मानणौ कै बौजैह शै बैगानै यहूदी लोगौ कै उध्दार भैटदा, ताकि इस्राएल कै लोगौ कै ज़लन हौए जांव।

रोमियों 3:4

ना! बिल्कुल नी! यानी पौरमेशवर सौदा साचौ बौल़ौ औरौ हरेक आदमी झूठा ठौहरौ, जैशैकै पवित्र शास्त्र पौरमेशवर कै बारै मुंजी बौल़ौए, “जिथलैई तू आपणी बातौ दा धरमी ठोहरदा औरौ न्याय कौरदै सौमय तू जय पाला।”

2 कुरिन्थियों 11:22

का सैजै ही इब्रानी देश कै औसौ? हांव बै औसौए। का सैजै ही इस्राएल देश कै औसौ? हांव बै औसौए; का सैजै ही अब्राहम कै वंश औसौ? हांव बै औसौए।

फिलिप्पियों 3:5

जोबै हांव आठी दूसौ का थिया, तोबै मैरा बै खतना हौआ, जैशै पौरमेशवरे आज्ञा दैय राए थै। हांव जन्म शै इस्राएल देश का औसौ, औरौ बिन्‍यामीन कै गोत्रो का औसौ; मैरै माँ-बापू इब्रानी देश कै थिए, इथकारिए हांव बै ऐक इब्रानी औसौ; जिथै तौड़ी मूसा कै कानून कै मानणौ कै बात औसौ हांव ऐक फरीसी थिया जू कै कानून कै सख्ती शै पालन कौरु थिया।