रोमियों 10:18 - सिरमौरी नौवाँ नियम

¹⁸ पौरौ हांव बुलू, कै यहूदी लोगै निशोंक हौयौ मसीह कै बारै मुंजी सौंदेश शौणै राए, जिथुकै पवित्र शास्त्र दु लैखै राखौ, “सुसमाचार शुणाणौ वाल़ै कै सौंदेश सारै दुनिया पांदी, औरौ तिनकै वचन दुनिया कै हर जौगैह दै पोऊंचे गौवै।”

Sirmouri

¹⁸ परह् हाँव ऐशो बुलू, कियों तिन्ऐं शुणीं ने? शुणों तअ जरूर; किन्देंखे के पबित्र-ग्रन्थों दो लिखी थो, “तिनकी धाव बादी धर्ती गाशी, अरह् तिनके बचन संईसारी की आखरी कूँणें तोड़ी पंह्ऊँची रूऐ।”

रोमियों 10:18 ပူးပေါင်းရင်းမြစ်များ

मत्ती 24:14

औरौ पौरमेशवर कै राज्य का ऐजा सुसमाचार सारै जगत पांदी प्रचार कौरा जाला, तोबै सौबी देशो कै लोगौ खै इयौं बातौ कै मानणौ का मौका भैटदा तोबै दुनिया का अन्त हौए जांदा।”

मत्ती 26:13

हांव तुऔं खै साचौ बुलू कै सारै दुनिया दा जिथै कौथी सुसमाचार प्रचार हौला, तिथै इयौंकै औरौ ऐसी कामौ कै चौर्चा बै याद कौरे जालै।”

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

मत्ती 4:8

तोबै शैतानै तैसीखै ऐक बैजाए बौड़ै धारो पांदी निया, औरौ सारै दुनिया कै राज्य औरौ तिथका ठाट-बाट दिखायौ

मरकुस 16:15

तोबै यीशुए तिनुखै बौल़ौ, “तुऐं सारै दुनिया पांदी जाऐबा सारै धोरती कै लोगौ खै सुसमाचार प्रचार कौरौ।

मरकुस 16:20

औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।

प्रेरितो कै काम 1:8

पौरौ जोबै पवित्र आत्मा तुऔं पांदी आला तोबै तुऐं अनौखी शौकतै पांदै, औरौ यरूशलेम शहर औरौ सौबै यहूदिया प्रदेश औरौ सामरिया प्रदेश तौड़ी औरौ सोंईसारी कै हर जौगैह तौड़ी लोगौ कै मैरै बारै मुंजी बौतांदै।”

प्रेरितो कै काम 26:20

पौरौ आगै दमिश्क शहर कै, तोबै यरूशलेम शहर कै रौणौवाल़ै कै, औरौ पूरै यहूदिया प्रदेश दै औरौ बैगानै यहूदियों खै मोऐं प्रचार कौरा, कै पाप कौरणा छोड़े दैंव औरौ पौरमेशवर कै ढौबौ फिरैयौ आपी खै साबित कौरौ कै तुऐं आपणै पापौ कै छोड़ेयौ पौरमेशवर कै ढौबौ फैरै गौवै।

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

रोमियों 1:8

आगै हांव तुऔं सौबी कै यीशु मसीह दवारा आपणै पौरमेशवर का धन्यवाद कौरु, जिथुकै यीशु मसीह पांदी तोंवारै बिशवाश कै चौर्चा बौहितै ठाँव दै हौए रौए।

रोमियों 15:19

औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

कुलुस्सियों 1:6

ऐजा सुसमाचार पूरै दुनिया दा फोयलै रौआ औरौ कैई लोग बिशवाशी बौणै रौवै। इथलैई हर जौगैह जिन्दगी बौदल़दै लाग रौए, ठीक तैशैखैई जैशैकै तुऐं आगलै बैई सुसमाचार खै शौणै राए थिया औरौ इयौं सौचाई खै सौमझै राए कै पौरमेशवर तिनु लोगौ कै पापौ खै माफ कौरौ जू मसीह दा भोरोशा राखौ।

1 थिस्सलुनीकियों 1:8

जिथुकै तोंवारै इथै दै ना सिरफ मकिदुनिया औरौ अखाया प्रदेश मुंजी प्रभु का वचन शुणौऊवा, पौरौ तोंवारै बिशवाश जू पौरमेशवर पांदी औसौ, हर जौगैह जिथै आमु जोऊंए, लोगौ कै तोंवारै बिशवाश कै बारै मुंजी बौतांदै बैई शुणुए। इथकारिए, आमु ओकी खै तोंवारै बारै मुंजी किछै बै बौताणौ कै जौरुरत ना आथी।