रोमियों 10:16 - सिरमौरी नौवाँ नियम

¹⁶ पौरौ सौबीए तैसी सुसमाचार पांदी बिशवाश ना कौरी। पौरमेशवर कै बातौ बौताणौवाल़ै यशायाहै बौल़ौ, “ओए रै प्रभु, कोसीए बै अमारै सौंदेश पांदी बिशवाश ना कौरी।”

Sirmouri

¹⁶ परह् सभिऐं तियों खुषख्बरी दा काँन ने लाई: ऋषी-यशायाह बुलो, के “हे प्रभू कुँणें अमाँरी खुषख्बरी गाशी बिश्वाष करा?”

रोमियों 10:16 ပူးပေါင်းရင်းမြစ်များ

मत्ती 13:14

तिनकै बारै दै यशायाह पौरमेशवर कै बातौ बौताणौवाल़ै कै ऐजै भविष्यवाणी पूरी हौं: ‘तुऐं कानो लैई तौ शुणल़ै, पौरौ सौमझदै ना; औरौ आखी लैई तौ दैखलै, पौरौ तोंवारै किछै ना सौमझीदुं।’

यूहन्ना 10:26

पौरौ तुऐं इथकारिए बिशवाश ना कौरौ, जिथुखै मैरै भेड़ो मुंजीदै ना आथी।

प्रेरितो कै काम 28:24

तोबै किछै लोगै पौलुस की बातौ पांदी बिशवाश कौरा औरौ किछै लोगै बिशवाश नी कौरी।

रोमियों 1:5

मसीह दवारा मुखै अनुग्रह औरौ प्रेरिताए पौरमेशवर कै दवारा दैय राए कै तैसकै नांव कै बौजैह शै सौबै जाति कै लोग सुसमाचार पांदी बिशवाश कौरौ औरौ तैसकै आज्ञा का पालन कौरौ।

रोमियों 11:17

इस्राएल कै लोग ऐक आछै जैतून कै डाल़ो कै डाल़ी कै जैशणै औसौ औरौ पिता अब्राहम, इसहाक औरौ याकूब तैसी डाल़ कै जड़ कै जैशणै औसौ। बैगानै यहूदी लोग जोंगली जैतून कै डाल़ कै डाल़ी औसौ, जू कलम कौरेयौ तिनु काटैयौंदी शाई कै जौगैह दी तैसी डाल़ दी लाए राए, ऐबै सैजी शाई तैसी जड़ कै खुराक कै हकदार औसौ।

रोमियों 16:26

पौरौ ऐबै प्रगट हौयौ हमैशा कि आज्ञा लैई पौरमेशवर कै बातौ बौताणौवाल़ै जू बातौ लैखै रैई तिथकै दवारा सौबै जाति कै बौताए राए, कै सै बिशवाश लैई आज्ञा मानणोवाल़ै हौए जांव।

रोमियों 2:8

पौरौ जू मतलबी औसौ औरौ सौचाई कै ना मानौ, यानी जू बुराई कौरणी चांव, तिनु पांदी पौरमेशवर बैजाए गुस्सा कौरदा।

रोमियों 3:3

जै कुणिए यहूदी लोग पौरमेशवर आरी धोकैबाज निकल़ै तौ तिनकौ का हौंदौ? का तिनकै धोकैबाज हौणौ कै बावजूद बै पौरमेशवर तिनकै साथै आपणै वादै कै पूरा कौरणौ दा भरोसेमंद ना हौंदा।

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

गलातियौं 3:1

ओए रै नासमझ, गलातिया शहर कै बिशवाशियौं, मोऐं तौ स्पष्ट रुप शै औरौ आछी तरह शै तुऔं सौमझाए राए थिए, कै यीशु मसीह तुऔं कारिए क्रूसो पांदी किथु मौरा, तौ तोबै तुऐं तैसी कैईंदै दूर कैशै हौटै गौवै? कोसीए तुऔं धौखा दैय दिया।

गलातियौं 5:7

तुऐं तौ आपणै आत्मिक जीवन कै दौड़ दै कामकै दौड़ै रौवै थिए। कुणै तुऔं आगै बौढ़णौ शै रौकै कै तुऐं सच कै नी मानौ?

2 थिस्सलुनीकियों 1:8

जू पौरमेशवर खै ना पौछेयाणौ, औरौ जू अमारै प्रभु यीशु मसीह कै बारै मुंजी सुसमाचार कै स्वीकार ना कौरौ सै तिनुकै सौजा दैंदा।

इब्रानियों 11:8

बिशवाश लैई अब्राहम जोबै पौरमेशवरे तैसी ऐकी जौगैह पांदी जाणौ कारिए बौईदा तौ आज्ञा मानैयौ ऐशणै जौगैह दा हौटा जू पौरमेशवर तैसी आपणै जायदात कै रुप दा दैणा चांव थिया औरौ ऐजौ ना जाणौ थिया, कै हांव कुकै जांदा; तोबै बै हौटै गौआ।

इब्रानियों 4:2

जिथुकै जैशै आमुए यीशु मसीह कै बारै मुंजी सुसमाचार शुणा, तैशैखैई इस्राएल देश कै लोगै बै विशांव कै ठाँव दा जाणौ का सुसमाचार शुणा। पौरौ तिनुऐ इथपांदी बिशवाश ना कौरी। इथकारिए सैजा सौंदेश तिनु कारिए बैकार थिया।

इब्रानियों 5:9

पौरमेशवरे मलिकिसिदक कै जैशणा तैसी महायहूदी पुरोहित का आदर दिया औरौ तैसी सिध्द बाणा औरौ सै तिनु सौबी लोगौ कै खातिर मोक्ति कै शुरुआत बौणै गौआ जू तैसकी आज्ञा मानौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 2:8

औरौ तोबै पवित्र शास्त्र ऐजौ बै बौल़ौए, “ऐजा पाथर लोगौ कै ठोकर खाणौ कै बौजैह हौंदा। ऐजी ऐक चट्टान औसौ जू तिनकै रिड़णो कै बौजैह औसौ,” सै वचन पांदी बिशवाश ना कौरणा चांव, इथकारिए सै ठोकर खायौ रिड़ै जांव। पौरमेशवरे तिनकै साथै ऐजौई हौणौ कै योजना बाणै राए।

1 पतरस 3:1

ओए रै घोरवाल़ियो, आपणै घोरवाल़ै कै ऐशै अधीन रौव जैशै तुऐं प्रभु कै अधीन रौंव। इथकारिए कै जै इनु मुंजीदै कुणिए ऐशणै हौलै जू वचन खै ना मानौ,