रोमियों 10:15 - सिरमौरी नौवाँ नियम

¹⁵ औरौ इदै आगै कै सुसमाचार शुणाणौ वाल़ै जायौ तिनु बौताए सौकौ, सुसमाचार शुणाणौ वाल़ै खै भैजणै जौरुरी औसौ, इथकारिए पवित्र शास्त्र बौल़ौ, “तिनकै पांव किशैक सुन्दर औसौ, जू आछी बातौ का सुसमाचार शुणांव!”

Sirmouri

¹⁵ अरह् जे डियाल़े ने ज़ाँव, तअ प्रचार किया-किया कर्दें? जेष्णों पबित्र-ग्रन्थों दो लिखी थो, के “तेस्के लात्त-भींख कैत्री आछ़ी असो, जू खुषख्बरी की आच्छ़ी बातो का प्रचार करह्।”

रोमियों 10:15 ပူးပေါင်းရင်းမြစ်များ

मत्ती 9:38

इथकारिए, फसल कै मालिक शै प्रार्थना कौरौ कै सै जादा शै जादा लोगौ कै पौरमेशवर कै राज्य कै बारै मुंजी बौताणौ कै भेजो।”

लूका 10:1

इनु बातौ कै बाद प्रभुए सतर चैलै कै छाड़ै, औरौ जैसी-जैसी नोगरो औरौ जौगैह कै सै आपी जाणौवाल़ा थिया, तिथै तिनु दो-दो कौरेयौ आपणै औगौड़ियौ भैजै।

लूका 2:10

तोबै स्‍वर्गदूतै तिनु बौल़ौ, “डौरेया नै; जिथुकै हांव तुऔं ऐक बौड़ै खुशी का सुसमाचार प्रचार कौरदा, जू सौबी लोगौ कारिए औसौ।

लूका 2:14

“स्वर्ग दै पौरमेशवर कै महिमा औरौ धोरती पांदी तिनु आदमी कै शान्तै भैटौ, जिनु लोगौ दा सै खुश औसौ।”

लूका 8:1

इथकै बाद सै नोगरो-नोगरो औरौ गांव गांव दा प्रचार कौरदै बैई, औरौ पौरमेशवर कै राज्य का सुसमाचार प्रचार कौरदै बैई फिरदा लागा, औरौ सैजै बारौ चैलै बै तैसकै साथै थिए।

यूहन्ना 20:21

यीशुए तिनुखै हौजौ बौल़ौ, तुऔं शान्तै भैटौ; जैशैखै मैरै पिता पौरमेशवरे मुखै दुनिया पांदी भैजै राए ऐशैकैई मोऐं बै तुऔं दुनिया पांदी भैजै लोऐ।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 13:26

“ओए रै भाईयों, तुऐं जू अब्राहम कै सन्‍तान औसौ; औरौ तुऐं जू पौरमेशवर सै डोरणौवाल़ै बैगानै यहूदी औसौ, पौरमेशवरे तोंवारै धोरे उध्दार का सौंदेश भैज राए जू लोगौ खै बौचांव

प्रेरितो कै काम 22:21

औरौ प्रभुए मुखै बौल़ौ, आगु जा: जिथुकै हांव ताखै बैगानै यहूदी लोगौ कै धोरे दूर-दूर भैजदा।”

प्रेरितो कै काम 9:15

पौरौ प्रभुए तैसीखै बौल़ौ, “तू आगु जा, जिथुकै तैसी तौ मोऐं बैगानै यहूदी औरौ राजाओं औरौ इस्राएल देश कै लोगौ कै सामणै मैरै बारै मुंजी प्रचार कौरणै औरौ आपणी सेवा कौरणौ कारिए चोणे राए।

रोमियों 1:15

इथकारिए हांव तुऔं खै बै जू रोम शहर दै रौंव, सुसमाचार शुणाणौ कै बैताब औसौ।

रोमियों 15:20

पौरौ मैरै मन कै चाहत ऐजी औसौ, सुसमाचार का प्रचार तिनु प्रदेशो दा हौंव, जिथै यीशु मसीह कै बारै मुंजी इबी तौड़ी ना शुणाए रैई, हांव तैसी घोर बाणणौवाल़ै मिस्‍त्री कै जैशणा औसौ, जू कोसी ओकी कै नीयुं पांदी ना चिणो।

इफिसियों 2:17

औरौ मसीहे आयौ खै बैगानै यहूदी लोगौ कै जू पौरमेशवर शै दूर थिए, औरौ यहूदी लोगौ कै जू तैसकै नेड़िक थिए, दु खै मैल-मिलाप का सुसमाचार शुणौऊवा।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

इफिसियों 6:15

ऐक सैनिक कै जैशणै जू आपणै बूट लायौ लौड़णौ कारिए तैयार औसौ तैशैखैई तुऔं दुष्ट कै साथै लौड़ाई कै तैयार रौणौ चैंई औरौ पौरमेशवर कै साथै शान्तै कै बारै मुंजी जू सुसमाचार औसौ, तिथ पांदी भोरोशा कौरणा चैंई।

1 पतरस 1:12

पौरौ पौरमेशवरे इनु पौरमेशवर कै बातौ बौताणौवाल़ै खै बौतौऊं कै तिनकै सौंदेश सिरफ आपणै खातिर नी पौरौ तोंवारै खातिर थिए। सैजा सौंदेश यीशु मसीह कै बारै मुंजी सुसमाचार औसौ जू तुऐं इबी शौणै राए। पौरमेशवरे स्वर्ग पौरैशा आपणा पवित्र आत्मा भैजा कै तुऐं सुसमाचार प्रचार कौरणौ दै लोगौ कै मौदद कौरौ। ऐजौ सौबै ऐतरो अनौखौ औसौ कै इथै तौड़ी कै स्‍वर्गदूत बै बैजाए खुश हौयौ इनु चीज़ौ कै हौन्दै बैई दैखै लो।