रोमियों 10:14 - सिरमौरी नौवाँ नियम

¹⁴ पौरौ बिशवाश कौरणौ शै लोग पौरमेशवर शै मौदद मांगै सौकौ, औरौ प्रभु पांदी बिशवाश कौरणौ कारिए लोगौ खै तैसका वचन शुणणा चैंई, औरौ जिनु लोगै प्रभु कै बारै मुंजी ना शौणै रैई, तौ बिशवाशी लोगौ कै चैंई कै सै यीशु मसीह कै बारै मुंजी तिनुकै बौतांव।

Sirmouri

¹⁴ तबे जेसी गाशी तिन्ऐ बिश्वाष ने करी थई, तेस्का नाँव से कैई जप्दे? अरह् जेस्के बारे दो तुँऐ शुणिंही ने थई, तेसी गाशी तुँऐ बिश्वाष कैई कर्दे? अरह् सेजा भे प्रचार के बिना कियों-कियों शुणों?

रोमियों 10:14 ပူးပေါင်းရင်းမြစ်များ

मत्ती 20:7

तैणै तिनुखै बौल़ौ, ‘तुऐं बै अंगूरो कै बागो दै जांव औरौ काम कौरौ।’ ”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 9:36

तैणै जवाब दिया, “ओए रै साहब! मुखै बोता कै ऐजा पौरमेशवर का बैटा कुण औसौ, ताकि हांव तैसी पांदी बिशवाश कौर सौकु।”

प्रेरितो कै काम 19:2

तैणै बौल़ौ, “का तुऐं बिशवाश कौरदै बैई पवित्र आत्मा पाए राए?” तिनुऐ तैसीखै बौल़ौ, “आमुए तौ पवित्र आत्मा की चौर्चा बै शौणै ना रैई।”

प्रेरितो कै काम 8:31

तैणै बौल़ौ, “जै कुणिए मुखै सौमझाणौ वाल़ा ना हौला तौ हांव इथु कैशैखै सौमझै सौकु?” औरौ तैणै फिलिप्‍पुस शै बिन्ती कौरे कै रथ पांदी चौढ़ेयौ तैसकै धोरे बौठौ।

रोमियों 1:5

मसीह दवारा मुखै अनुग्रह औरौ प्रेरिताए पौरमेशवर कै दवारा दैय राए कै तैसकै नांव कै बौजैह शै सौबै जाति कै लोग सुसमाचार पांदी बिशवाश कौरौ औरौ तैसकै आज्ञा का पालन कौरौ।

इफिसियों 2:17

औरौ मसीहे आयौ खै बैगानै यहूदी लोगौ कै जू पौरमेशवर शै दूर थिए, औरौ यहूदी लोगौ कै जू तैसकै नेड़िक थिए, दु खै मैल-मिलाप का सुसमाचार शुणौऊवा।

इफिसियों 4:21

पौरौ मुखै पाको औसौ कै जोबै तुऐं यीशु मसीह कै बारै मुंजी शुणु, तौ तुऐं तैसीयादी साची शिक्षाए शिखी।

2 तीमुथियुस 4:17

पौरौ प्रभु मैरा मौददगार रौआ, औरौ मुखै शौकतै दै; ताकि हांव इथ लायक बौणै सौकु कै यीशु मसीह कै सुसमाचार तिनु लोगौ खै साफ-साफ शुणाए सौकु जू बैगानै यहूदी लोग अदालत दै मौजूद थिए। औरौ प्रभुए मुखै मौत शै बौचौऊंवा ठीक तैशैखै जैशै भूखै शेर कै मुँह शै बौचाया जांव।

तीतुस 1:3

औरौ ऐबै बिल्कुल ठीक सौमय पांदी, पौरमेशवरे ऐसी सुसमाचार कै अमारै सामणै दैय राए औरौ आमै इथका प्रचार सौबी मुंजी कौरु। पौरमेशवर औरौ अमारै उध्दारकर्ताए ऐजै आज्ञा दैंदै बैई मुखै जुमैवारी दै कै तैसी कारिए ऐजा काम कौरु।

इब्रानियों 11:6

औरौ सिरफ पौरमेशवर पांदी बिशवाश कौरेयौ ही आमै तैसी खुश कौरे सौकु जिथुकै पौरमेशवर कै धोरे आणौवाल़ै खै बिशवाश कौरणा चैंई, कै सै औसौए औरौ सै तिनु लोगौ खै इनाम दैंदा जू सौचाई लैई तैसीकै जूऔंए।

याकूब 5:15

औरौ बिशवाश कै प्रार्थना लैई बीमार बौचै जांदा औरौ प्रभु तैसीखै औटेयौ खै ठीक कौरदा औरौ जै तैणै पाप बै कौरे रालै तौ पौरमेशवर तैसीखै माफ कौरदा।