रोमियों 10:10 - सिरमौरी नौवाँ नियम

¹⁰ आमै आपणै मन शै बिशवाश कौरु, औरौ इथकारिए आमु पौरमेशवर कै साथै धरमी साबित होऊं। औरौ अमारै मुँह कै अंगीकार अमारै बिशवाश कै दिखांव जिथलैई आमै बौचाए जोऊं।

Sirmouri

¹⁰ किन्देंखे के दिल शा बिश्वाष कर्णो शा पंणमिश्वर के नंजर दो बै-कसूर बंणों ज़ाव, अरह् मुँख शा माँनणों गाशी मुँक्त्ति भेटो।

रोमियों 10:10 ပူးပေါင်းရင်းမြစ်များ

मरकुस 9:23

यीशुए तैसीखै बौल़ौ, “तुऔं कै शक नी हौणा चैंई कै हांव ऐजौ कौरे सौकु! जै कुणिए आदमी मुं पांदी बिशवाश कौरौ तौ तैसी कारिए सौब ठुँ हौए सौकौ।”

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

प्रेरितो कै काम 8:37

फिलिप्पुसे बौल़ौ, “जै तू सारै मन लैई बिशवाश कौरे तौ लोए सौकै।” तैणै जोवाब दिया, “हांव बिशवाश कौरु कै यीशु मसीह ही पौरमेशवर का बैटा औसौ।”

रोमियों 10:11

जिथुकै पौरमेशवर कै बातौ बौताणौवाल़ै यशायाह नांव कै आदमीए मसीह कै बारै मुंजी पवित्र शास्त्र दो लैखै राए, “जू कुणिए तैसी पांदी बिशवाश कौरला सै बैज्जत ना हौंदा।”

रोमियों 10:9

इथकारिए जै तुऐं आपणै मुँह लैई लोगौ कै सामणै यीशु मसीह कै प्रभु जाणैयौ अपनांव, औरौ आपणै मन दा ऐजा बिशवाश कौरौ कै पौरमेशवरे मसीह कै मौरेयौंदे मुंजीदा जियुंदी कौरा, तौ पौरमेशवर तैरा उध्दार कौरदा।

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

फिलिप्पियों 3:9

औरौ हांव तैसकै साथै एकता दा रौए सौकु; ऐबै मैरी धार्मिकता ऐजै ना आथी जू मूसा कै कानून का पालन कौरणौ शै भैटौ, पौरौ ऐबै मैरै धार्मिकता सैजी औसौ जू सिरफ मसीह पांदी बिशवाश कौरणौ कै बौजैह शै पौरमेशवर शै मुखै भैटौए।

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

इब्रानियों 3:12

ओए रै बिशवाशी भाईयों चौकश रौंव, कै तुऔं मुंजीदा ऐशणा बुरा औरौ अबिशवाशी मन नी हौंव, जू जीवन दैणौवाल़ै पौरमेशवर का पीछा कौरणौ शै मौना कौरे दैंव।

1 यूहन्ना 4:15

जू कुणिए ऐजौ अंगीकार कौरे पांव कै यीशु पौरमेशवर का बैटा औसौ, पौरमेशवर तेसिदा बौणेयौंदा रौंव, औरौ सै पौरमेशवर दा बौणेयौंदा रौंव।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।