रोमियों 1:30 - सिरमौरी नौवाँ नियम

³⁰ गप्पे लाणौ वाल़ै, नेंदैया कौरणौवाल़ै, पौरमेशवर शै नफरत कौरणौवाल़ै, झोगड़ालु, घमण्डी, तानै मारणौ वाल़ै, बुरी-बुरी बातौ कै बाणणौवाल़ै, माँ-बापू कै आज्ञा ना मानणोवाल़ै,

Sirmouri

³⁰ बदनाँम कर्णो वाल़े, पंणमिश्वर दे शंगाँव्णों वाल़े, अरह् ओकी की बेस्ती कर्णो वाल़े, घुमंन्डी, बोलमाँर, बुरी-बुरी बातो बंणाँणों वाल़े, माँ-बाबा के अज्ञाँ ना माँन्णों वाल़े,

रोमियों 1:30 ပူးပေါင်းရင်းမြစ်များ

मत्ती 15:4

जिथुखै पौरमेशवरे बौल़ौ, ‘कै आपणै बापू औरौ माँ कै इज्जत कौरेया,’ औरौ ‘जू कुणिए बापू या माँ खै बुरु बौल़ौ, सै मारै दिया जांदा।’

मत्ती 16:21

तैसी सौमय यीशु आपणै चैलै खै बौतांदा लागा, “कै मुं कारिए जौरुरी औसौ, की हांव यरूशलेम शहर खै जोऊं, औरौ बुड़ेईक औरौ मुख्य यहूदी पुरोहित औरौ यहूदी शास्त्री कै हाथै बैजाए दुख झैलू; औरौ मौरे जोऊं, औरौ तिजै दूसै जियुंदा हौए जोऊं।”

लूका 21:16

तोंवारै माँ बापू औरौ भाए औरौ रिश्तेदार औरौ दोस्त बै तुऔं कै थोम्वाले; औरौ इथै तौड़ी कै तुऔं मुंजी कैतरै खै मोरवाए बै दैंदै।

यूहन्ना 7:7

दुनिया कै लोग तुऔं शै बैर ना कौरे सौकौ पौरौ सै मुं आरी बैर कौरौ, जिथुखै हांव तिनकै खिलाफ दो ऐजौ बुलू, कै तिनकै काम बुरै औसौ।

प्रेरितो कै काम 5:36

जिथुखै इनु दूसौ दै औगौड़ियौ थियूदास ऐजा दावा कौरौ थिया कै हांव बै किछै औसौ औरौ कुणिए चार शौ लोग तैसकै चैलै बौणै गौवै। पौरौ सै मौरे गौआ, औरौ जैतरै लोग तैसी मानौ थिए, सौबै लोग बैखरै गौवै औरौ तिनका नामोनिशान बै ना रोई।

रोमियों 2:17

जिथुकै तू आपी कै यहूदी आदमी बौल़ै, औरौ मूसा कै कानून पांदी भोरोशा राखै, औरौ घमण्‍ड कौरे कै तू पौरमेशवर का खास आदमी औसौ।

रोमियों 2:23

तुऔं कैई मूसा कै कानून हौणौ का घमण्‍ड औसौ, औरौ मूसा कै कानून तौड़ेयो का तुऐं पौरमेशवर का अनादर कौरौ?

रोमियों 3:27

तौ ऐबै आमै कियों बातौ पांदी घमण्‍ड कौरु? तिथका तौ कुणजाई मतलब ना आथी। कुणजै नियमौ की बौजैह शै? का अमारै मूसा कै कानून का पालन कौरणौ शै? ना, पौरौ यीशु मसीह पांदी बिशवाश कौरणौ की बौजैह शै।

2 कुरिन्थियों 10:15

औरौ आमै हद शै बायरै ओकी कै मैहनत पांदी घमण्‍ड ना कौरु; पौरौ आमुखै आशा औसौ कै जियुं-जियुं तोंवारा बिशवाश बौढ़दा जाला तियुं-तियुं आमै आपणी हद कै हिसाब शै तोंवारै बौजैह शै हौजौ बै जादा तोंवारै बीच काम कौरणौ दै मोजबूत हौंदै।

2 कुरिन्थियों 12:20

जिथुकै मुखै डौर औसौ, कोदी ऐशैखै ना हौंव, कै हांव आयौ जैशै चोऊं, तैशै तुऔं ना पोऊँ, औरौ मुखै बै जैशैखै तुऐं ना चांव तैशैखैई पांव, मुखै डौर औसौ कै तुऐं मुंजी झोगड़ा, बौदला, गुस्सा, मतलबीपन, ज़लन, चुगली, घमण्‍ड औरौ बौवाल ना हौंव।

2 थिस्सलुनीकियों 2:4

सै पौरमेशवर औरौ ओकी सौबै चीज़ौ कै जिनकै लोग पूजा कौरौ औरौ पौरमेशवर कै रुप दै सुंचौए, विरोध कौरदा औरौ सै दावा कौरदा कै सै तिनु सौबी शै जादा बौड़ा औसौ इथै तौड़ी कै सै पौरमेशवर कै मन्दिर दा बोठेयो आपी खै सौबिका पौरमेशवर बौतांदा।

2 तीमुथियुस 3:2

जिथुकै लोग सिरफ आपी आरी प्यार कौरदै ओकी लोगौआरी नी, धन कै लोभी, डींगमार, घमण्डी, ओकी लोगौ की बैज्जती कौरणौवाल़ै, माँ बापू कै आज्ञा ना मानणोवाल़ै, ओकी लोगौ का सान ना मानणोवाल़ै, अपवित्र,

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

याकूब 3:5

तैशैखैई जीभ बै ऐक नानड़ा शा अंग औसौ औरौ बौड़ी-बौड़ी डींग मारो; दैखौ कैशै; दैणिक आगै लैई कैतरै बौड़ै जोंगलो दै आग लागै जांव।

याकूब 4:16

पौरौ ऐबै तुऐं आपणी योजनाओ कै बारै मुंजी घमण्‍ड कौरौ ऐशणा घमण्‍ड बुरा हौंव।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

यहूदा 1:16

ऐजै लोग हमैशा पौरमेशवर कै खिलाफ बौल़ौ औरौ ओकी लोगौ दी गौलती जूओं। सैजै लगातार तिनु बुरै कामौ खै कौरौ जू तिनका दिल कौरणा चांव। सै आपणै बारै मुंजी घमण्‍ड शै दावा कौरौ औरौ आपी कारिए फायदा कमाणौ कारिए ओकी लोगौ की हैरा-फेरी कौरौ।