रोमियों 1:28 - सिरमौरी नौवाँ नियम

²⁸ जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

Sirmouri

²⁸ जबे तिन्ऐ पंणमिश्वर पछयाँण्णा ने चहाँई, तअ पंणमिश्वर भे तिनू तिन्के निंकाँमें-बुरे मंन गाशी छुड़ी दिते, के से सेजे काँम-काज़ करह्, जुण्जी कर्णी ने पड़ो थी।

रोमियों 1:28 ပူးပေါင်းရင်းမြစ်များ

प्रेरितो कै काम 17:23

जिथुकै मोऐं घोमै-फिरीयो तुंआरी पूज़णो की चीज़ौ दैख लोई थी, तौ ऐक ऐशणी वेदी बै भैटी, जिथपांदी लैख राए थियु, ‘अणजाणै ईशवर कारिए।’ इथकारिए जिनु तुऐं बिना जाणै पूजौ, हांव तुऔं तैसका समाचार शुणौऊं।

प्रेरितो कै काम 17:32

मौरेयौंदे मुंजीदा जियुंदी हौणौ की बात शोणेयो किछै लोग तौ ठाटा कौरदै लागै औरौ कैतरै लोगै बौल़ौ, “ऐजै बात आमै तांव कैईंदै हौजौ कोलो शुणदै।”

रोमियों 1:18

पौरमेशवर का गुस्सा तौ स्वर्ग पौरैशा तिनु लोगौ की सौबी बुराई औरौ अधरम कै कामौ पांदी प्रगट हौंव, जू आपणै बुरै कामौ कै दवारा लोगौ खै पौरमेशवर कै बारै मुंजी जाणणौ शै रौकौए।

रोमियों 1:21

इयौं बौजैह शै कै पौरमेशवर कै जाणणौ पांदी बै तिनुऐ पौरमेशवर कै सैजा आदर ना दी जू तैसका औसौ औरौ धन्यवाद ना कौरी, पौरौ सै बैकार कै बातौ सुंचौए, इथै तौड़ी कै तिनकै मूर्ख विचार सौब गौलत औसौ।

रोमियों 1:24

इयौं बौजैह शै पौरमेशवरे तिनु तिनकै मन कै इछाओं कै हिसाब शै गौंदै काम कौरणौ कारिए छोड़े दियै, कै सै आपी मुंजी बुरै कामौ दै आपणै शोरीर कै बैज्जती कौरौ।

रोमियों 1:26

इथकारिए पौरमेशवरे तिनु शर्मनाक कामौ दै छोड़े दियै, इथै तौड़ी कै तिनकी बैटमाणिशै बै जायज रिशतै कै ओकी बैटमाणिशौ कै साथै नाजायज रिशतै दै बौदलै दियै।

1 कुरिन्थियों 15:34

होशो दै आव औरौ पाप कौरणा छोड़े दैव, ऐजौ मोऐं तुऔं खै बैज्जित कौरणौ कारिए ही बौल़ै लौ, जिथुकै तुऔं मुंजीदा कोसी का पौरमेशवर कै साथै सोही रिशता ना आथी।

2 कुरिन्थियों 10:5

आमै मन बातौ खै, औरौ हरेक ऊंची बातौ खै, जू पौरमेशवर कै पौछेयाण कै खिलाफ उठौ, इन्कार कौरु, औरौ हरेक ख्याल काबू दै लायौ मसीह कै आज्ञाकारी बाणै दियु।

इफिसियों 5:4

औरौ ना अश्लील बातौ, ना मूर्ख बातौ औरौ ना गौंदै ठाटै हौंव, जिथुकै ऐजी बातो तुऔं कारिए ठीक ना आथी पौरौ तुऔं पौरमेशवर कै धन्यवाद ही दैणा चैंई।

2 थिस्सलुनीकियों 1:8

जू पौरमेशवर खै ना पौछेयाणौ, औरौ जू अमारै प्रभु यीशु मसीह कै बारै मुंजी सुसमाचार कै स्वीकार ना कौरौ सै तिनुकै सौजा दैंदा।

2 तीमुथियुस 3:8

ऐजै झूठै शिक्षक साची सौंदेश का विरोध कौरौ जैशै यन्रेस औरौ यम्‍ब्रेसे मूसा कै खिलाफ हौए रौवै थिए। इनकै दिमाक भ्रष्ट औसौ सोही मायनै दै ऐजै मसीह पांदी बिशवाश ना कौरौ।

तीतुस 1:16

ऐजै झूठै शिक्षक बौल़ौ, कै आमै पौरमेशवर खै जाणुए, पौरौ तिनकै बर्ताव साफ रुप शै दिखांव कै सै तैसीकै ना जाणौ, जिथुकै सै नफरत शै भोरेयौंदे औरौ आज्ञा ना मानणोवाल़ै औसौ, औरौ सै किछै बै आछै काम कौरणौ कै लायक ना आथी।

फिलेमोन 1:8

इयौं बौजैह शै हांव ताखै मसीह दा ऐक बिशवाशी हौणौ कै नातै सोही काम कौरणौ कारिए बुलू। हांव मसीह दा चोणेयौंदा चैला हौणौ कै नातै ताखै ऐजौ कौरणौ का आदैश दैय सौकु। पौरौ मोऐं सिरफ तावकैंई दौ ऐजौ ही पूछै लो जिथुकै हांव जाणुए कै तू मुखै औरौ आपणै बिशवाशी आरी प्यार कौरे। हांव, पौलुस बूढ़ा आदमै औसौ औरौ इबी हांव कोयदखाने दा औसौ जिथुकै हांव यीशु मसीह कै सेवा कौरु।

2 पतरस 3:5

सै जाणै बौझेयौ इयौं बातौ खै नज़र अंदाज कौरौ कै दुनिया कै शुरुआत दु, पौरमेशवरे बौल़ौ औरौ गौयणै बौण गौए। आपणै वचन लैई तैणै धोरती पौरैशौ पाणी खै जौई कौरौ औरौ पाणी मुंजीदै शुकै जोमीन बायरै निकाल़ी।