रोमियों 1:25 - सिरमौरी नौवाँ नियम

²⁵ जिथुकै लोगै पौरमेशवर कै बारै मुंजी सौचाई पांदी बिशवाश कौरणा छोड़े दिया, औरौ तिनुऐ झूठ कै अपनोऊ, औरौ तिनुऐ पौरमेशवर कै बौदलै दुनिया कै आराधना औरौ सेवा कौरे, पौरमेशवर कै महिमा हमैशा हौंदै रौंव। आमीन।

Sirmouri

²⁵ किन्देंखे के तिन्ऐ पंणमिश्वर के सचाऐ बद्ल़ियों झुठी बंणाई दिती, अरह् सृष्टि-धर्ती की सेवा करी, ना के तेसी सृजनहार पंणमिश्वर की जू सदा भागोईत असो! आमीन।

रोमियों 1:25 ပူးပေါင်းရင်းမြစ်များ

मत्ती 10:37

जू माँ बापू खै मुं दा जादा प्यार कौरौ, सै मैरै लायक ना आथी, औरौ जू बैटा या बैटी खै मुं दा जादा प्यार कौरौ, सै मैरा चैला बौणणौ कै लायक ना आथी।

मत्ती 6:24

“कुणिए बै आदमी दौ स्‍वामियो कै सेवा ना कौर सौकौ जिथुकै सै ऐकी आरी दुशमनी औरौ ओकी आरी प्यार कौरदा या ऐकी का आदर कौरला औरौ दूजै कै सै बैकार जाणदा: ऐशैखैई तुऐं ऐकी सौमय पांदी पौरमेशवर औरौ धन दु कै सेवा ना कौर सौकौ।

यूहन्ना 2:8

तोबै यीशुए सेवको कै बौल़ौ, “ऐबै पाणी गाड़ेयो टोलुआ कै मुखिया कै धोरे लोए जाव।” औरौ सेवके तैशैकैई कौरौ जैशैखै तैणै बौल़ै राए थियु।

रोमियों 1:18

पौरमेशवर का गुस्सा तौ स्वर्ग पौरैशा तिनु लोगौ की सौबी बुराई औरौ अधरम कै कामौ पांदी प्रगट हौंव, जू आपणै बुरै कामौ कै दवारा लोगौ खै पौरमेशवर कै बारै मुंजी जाणणौ शै रौकौए।

रोमियों 1:23

औरौ लोगै हमैशा जियुंदी रौणौवाल़ै पौरमेशवर कै महिमा कै नाश हौणौवाल़ै आदमी दै, चुड़कुल़ै दै, औरौ चौपायों दै, औरौ रेंगणैवाल़ै जन्‍तुऔ कै मूर्ति दै बौदल़ी दी।

रोमियों 9:5

अब्राहम, इसहाक औरौ याकूब तिनकै पुराणिया औसौ, जू यीशु मसीह कै पुराणिया बै थिए। पौरमेशवर, जू सौबी पांदी राज कौरौ, तैसकै तारीफ हमैशा हौंदै रौंव। आमीन।

2 कुरिन्थियों 11:31

पौरमेशवर अमारै प्रभु यीशु कै पिता जू सौदा धन्‍य औसौ, जाणौए कै हांव झूठु ना बुलू।

इफिसियों 3:21

तैसकै महिमा कलीसिया दै, औरौ मसीह यीशु दै पीढ़ी शै पीढ़ी तौड़ी हमैशा-हमैशा हौंदी रौंव। आमीन।

1 थिस्सलुनीकियों 1:9

जिथुकै सैजै लोग ओकी कै बौतांव कै जोबै आमु तोंवारै धोरे ओऊं तौ तुऐं कैशैकै अमारा स्वागत कौरौ। औरौ तुऐं किथु मूर्ति शै दूर हौयौ पौरमेशवर कै ढौबौ फिरो ताकि जियुंदै औरौ साची पौरमेशवर कै सेवा कौरौ।

1 तीमुथियुस 1:11

ऐजी साची शिक्षा तैसी सुसमाचार कै हिसाब शै औसौ जू तैसी महिमा कै बारै मुंजी औसौ जू धन्‍य पौरमेशवर शै सौमबंधित औसौ। पौरमेशवरे मुखै सैजा सुसमाचार ओकी कै बौताणौ कारिए सौंपै राए।

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

2 तीमुथियुस 3:4

औरौ धौखा दैणौवाल़ै, जिद्दी, घमण्डी औरौ पौरमेशवर कै नी पौरौ सुख विलास कै चाणो वाल़ै हौन्दै।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।