रोमियों 1:23 - सिरमौरी नौवाँ नियम

²³ औरौ लोगै हमैशा जियुंदी रौणौवाल़ै पौरमेशवर कै महिमा कै नाश हौणौवाल़ै आदमी दै, चुड़कुल़ै दै, औरौ चौपायों दै, औरौ रेंगणैवाल़ै जन्‍तुऔ कै मूर्ति दै बौदल़ी दी।

Sirmouri

²³ अरह् अभिनाँषी पंणमिश्वर की बड़ियाऐ नाँष बाँन आदमी, अरह् पक्षियों, अरह् बंईच़ी, अरह् रिंगणों वाल़े, जींव-जन्तुओं की मुर्ती की बरा-बरी दी बद्ल़ी दिती।

रोमियों 1:23 ပူးပေါင်းရင်းမြစ်များ

प्रेरितो कै काम 10:12

जिथमुंजी धोरती कै सौबै भान्त कै चौपाए औरौ रेंगणैवाल़ै कीड़ै मकोड़े औरौ गौयण कै चुड़कुल़ै थिए। इनु मुंजी कुणजैई जीव-जन्तु ऐशणै थिए जू अशुध्द थिए औरौ मूसा कै कानून कै हिसाब शै इनु खाणै मोना थिए।

प्रेरितो कै काम 17:29

इथकारिए पौरमेशवर कै सन्‍तान हौयौ आमु ऐजौ नी सुंचणौ चैंई कै पौरमेशवर सूनै, चांदी, या पाथरो कै जैशणा औसौ, जू आदमी की कारीगरी सै औरौ सोंच-विचार शै बौणै रौआ।

रोमियों 1:25

जिथुकै लोगै पौरमेशवर कै बारै मुंजी सौचाई पांदी बिशवाश कौरणा छोड़े दिया, औरौ तिनुऐ झूठ कै अपनोऊ, औरौ तिनुऐ पौरमेशवर कै बौदलै दुनिया कै आराधना औरौ सेवा कौरे, पौरमेशवर कै महिमा हमैशा हौंदै रौंव। आमीन।

1 कुरिन्थियों 12:2

तुऐं जाणौए, कै जोबै तुऐं अबिशवाशी थिए, तौ तुऐं तिनु गुंगी मूर्तियों कै आराधना कौरणौ कारिए कैई बातौ कै दवारा भोटके रौवै थिए।

1 पतरस 4:3

बीतै सौमय दा तुऐं दुनिया कै लोगौ कै जैशणा बुराई कौरणा दा बैजाए सौमय बोरबाद कौरे दिया औरौ तोंवारा जीवन गौलत सौमबंध, गौंदै काम, दावतो औरौ शराबीपन दा बीता औरौ पौरमेशवर मूर्तियों कै पूजा शै नफरत कौरौ औरौ तुऐं सैजौई कौरौ।

प्रकाशितवाक्य 9:20

पौरौ बाकी कै लोग जू तिनु पौरैशानी शै आगै नी मौरे रैई थी, तिनुऐ ऐबै बै आपणै बुरै कामौ शै पाप कौरणै ना छुड़ी। हत्या कौरणै, बाण बौणाटा, गौलत सौमबंध औरौ चोरी कौरणै ना छुड़ी। तिनुऐ दुष्टआत्माओं औरौ आपणै हाथौ शै बौणेयौंदी चीज़ौ कै पूजा कौरणै बै ना छुड़ी, जैशैकै सूनै या चांदी या पीतलो या पाथर या लाकड़ी शै बौणेयौंदी मूर्ती। सैजी मूर्ती, ना दैख सौकौ, ना शौणै सौकौ, औरौ ना ही हांडै सौकौ।