रोमियों 1:20 - सिरमौरी नौवाँ नियम

²⁰ आमै बिना पौरमेशवर कै सौदा कै अनौखी शौकतै औरौ गुणो कै ना दैखै सौकौ। पौरौ इनु बातौ कै पौरमेशवरे दुनिया कै शुरुआत शै, आपणी बाणैयौंदी सौबी चीज़ौ कै दवारा दिखाए राए। इथकारिए तिनु लोगौ कैंई ऐजौ बौलणौ कारिए कुणजाई भाना ना आथी कै सै पौरमेशवर कै ना जाणौ।

Sirmouri

²⁰ तिनके अ-दे:खे गुण, मतल्व तिनकी अपार शक्त्ति अरह् ईश्वरिऐ, सभाव, शे संईसारी की सृष्ट्री के बख्तो शी ऊबी तिनके काँम-काज़ के जाँणें दे:खाई दी पढ़ो, ऐथै तोड़ी के लोगों कैई ईन्देंखे का किऐ जबाब ने आथी।

रोमियों 1:20 ပူးပေါင်းရင်းမြစ်များ

मत्ती 5:45

जिथलैई तुऐं आपणै स्वर्गीय पिता कै नानड़िया ठोरल़ै जिथुखै सै भले औरौ बुरै लोगौ पांदी आपणौ पेयाशो प्रगट कौरौ, औरौ धरमी औरौ अधरमी लोगौ पांदी बारिश बरसांव।

मरकुस 10:6

पौरौ दुनिया कै शुरुआत दै पौरमेशवरे मर्द औरौ बैटमाणिश कौरेयौ तिनुखै बाणै।

यूहन्ना 1:18

पौरमेशवर कै कोसीए कौलोंई ना दैखै रैई, सिरफ तैसकै इकलोतै बैटै दैखी राए ‍‌जू सौथी कै पौरमेशवर औसौ, औरौ पिता पौरमेशवर कै सौबिदा नेड़िक औसौ, तैणै आमु दिखाए राए, कै पौरमेशवर कैशणा औसौ।

यूहन्ना 15:22

जै हांव ना आन्‍दा औरौ तिनुआरी बातौ नी कौरदा, तौ सै पापी ना ठोहरदै, पौरौ ऐबै तिनुवागे तिनकै पाप कारिए कुणजाई बाना ना आथी।

प्रेरितो कै काम 17:29

इथकारिए पौरमेशवर कै सन्‍तान हौयौ आमु ऐजौ नी सुंचणौ चैंई कै पौरमेशवर सूनै, चांदी, या पाथरो कै जैशणा औसौ, जू आदमी की कारीगरी सै औरौ सोंच-विचार शै बौणै रौआ।

प्रेरितो कै काम 22:1

“ओए रै भाईयों औरौ बापूओं, मैरा जोवाब शुणौ, जू हांव ऐबै तोंवारै सामणै बुलू।”

रोमियों 1:19

इथकारिए लोग आसानी शै पौरमेशवर कै बारै मुंजी सोही तरीकै शै सौमझै सौकौ थिए, जिथुकै पौरमेशवरे आपणै बारै मुंजी साफ-साफ बौताए राए।

रोमियों 16:26

पौरौ ऐबै प्रगट हौयौ हमैशा कि आज्ञा लैई पौरमेशवर कै बातौ बौताणौवाल़ै जू बातौ लैखै रैई तिथकै दवारा सौबै जाति कै बौताए राए, कै सै बिशवाश लैई आज्ञा मानणोवाल़ै हौए जांव।

रोमियों 2:1

इथकारिए, ओए रै ओकी पांदी दोष लाणौ वाल़ै! तुऐं चाहै कुणिए बै काए नी हौंव, भाना ना बाणै सौकौ। जियौं बातौ दा तुऐं ओकी पांदी दोष लांव, तियौंई बातौ दा आपी कै बै दोषी बाणौ, जिथुकै तुऐं, जू ओकी पांदी दोष लांव, आपी बै सैजैई काम कौरौ।

रोमियों 2:15

सैजै लोग दिखांव कै पौरमेशवर शै दैययौंदे मूसा कै कानून तिनकै दिलो दै लैखै राए, जिथुकै तिनका आपणा विवेक दिखांव कै तिनकै विचार या तौ तिनु पांदी दोष लांव या तिनुकै निर्दोष बौतांव।

1 कुरिन्थियों 1:20

तौ तोबै बुध्दिमान आदमी औरौ यहूदी शास्त्री कै दशा का औसौ औरौ जू ऐक माहिर वाद-विवाद औसौ जू इयौं दुनिया पांदी हौंव? जिथुकै पौरमेशवरे आगैई दिखाए राए कै तिनकै संसारिक बुध्दि कै कुणजै कीमत ना आथी।

कुलुस्सियों 1:15

कुणिए बै पौरमेशवर कै ना दैखै सौकौ, पौरौ जोबै तैसका बैटा ऐक आदमी कै रुप दा ओऊवा तौ तैणै पौरमेशवर खै लोगौ कै सामणै प्रगट कौरे दिया; औरौ सौबी चीज़ौ कै बाणणौ दा आगै सै बजूद दा थिया औरौ पूरी दुनिया पांदी तैसका औधिकार सौबिदा बौड़ा औसौ।

कुलुस्सियों 2:9

इथकारिए इनु लोगौ कै धौखै दै नी आव जिथुकै जोबै मसीह आदमै बौणा तोबै बै सै पूरी तरह शै पौरमेशवर थिया।

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

1 तीमुथियुस 6:16

औरौ सिरफ सै एकमात्र औसौ जू सौदा कारिए जियुंदा औसौ, औरौ सै ऐतरै चोमकदार पेयाशै दा रौंव औरौ ना कोसी आदमीए तैसी दैख राए औरौ ना कुणिए दैख सौकौ। तैसकै महिमा, शौकतै औरौ राज्‍य जुग-जुग रौंदै। आमीन।

इब्रानियों 11:27

बिशवाश लैई राजा कै गुस्से दा ना डौरेयौ तैणै मिस्र देश खै छोड़ दियु, जिथुकै सै सौमझै गौआ थिया कै ऐजौ मानणौ तैशणौ थियु जैशै तैणै पौरमेशवर खै दैखै राए थिया, जू दैखियौं ना।

इब्रानियों 9:14

पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।