रोमियों 1:18 - सिरमौरी नौवाँ नियम

¹⁸ पौरमेशवर का गुस्सा तौ स्वर्ग पौरैशा तिनु लोगौ की सौबी बुराई औरौ अधरम कै कामौ पांदी प्रगट हौंव, जू आपणै बुरै कामौ कै दवारा लोगौ खै पौरमेशवर कै बारै मुंजी जाणणौ शै रौकौए।

Sirmouri

¹⁸ जुण्जे लोग पंणमिश्वर की सचाऐं आप्णें पाप के जाँणें दबाऐं दियों, तिनू लोगों की बुरे काँम-काज़ गाशी, अरह् अनियाँऐं गाशी पंणमिश्वर का रोष स्वर्गो शा पर्गट हों,

रोमियों 1:18 ပူးပေါင်းရင်းမြစ်များ

रोमियों 1:19

इथकारिए लोग आसानी शै पौरमेशवर कै बारै मुंजी सोही तरीकै शै सौमझै सौकौ थिए, जिथुकै पौरमेशवरे आपणै बारै मुंजी साफ-साफ बौताए राए।

रोमियों 1:28

जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

रोमियों 1:32

सै तौ पौरमेशवर कै ऐजै नियमौ कै जाणौए कै ऐशणै-ऐशणै काम कौरणौवाल़ै मौत कै सौजा कै लायक औसौ, तौ बै ना सिरफ आपी ही ऐशणै काम कौरौ पौरौ ऐशणै काम कौरणौवाल़ै शै खुशी बै हौंव।

रोमियों 2:3

तू जू ऐशणै-ऐशणै काम कौरणौवाल़ै पांदी दोष लांए, औरौ आपी बै सैजैई काम कौरे; तू का ऐजौ सौमझै कै पौरमेशवर कै सौजा शै बौचै जांदा?

रोमियों 3:9

आमै का बौल़ै सौकु? का आमै यहूदी लोग, गैर यहूदी लोगौ शै आछोड़ै औसौ? ना! बिल्कुल नी! जिथुकै आमै यहूदी लोगौ औरौ बैगानै यहूदी लोगौ दुईनै पांदी ऐजा दोष लाए राए कै सै सौब कै सौब पापौ की शौकतै कै हवाले औसौ।

रोमियों 4:15

मूसा कै कानून ना मानणोवाल़ौ पांदी पौरमेशवर गुस्सा हौंव, औरौ जिथै मूसा कै कानून ना आथी तौ तिथै तिथकै टाल़मटाल़ी बै ना आथी।

रोमियों 5:6

जिथुकै जोबै आमै कमजोर ही थिए, तौ पौरमेशवर दवारा ठौहरायौंदे सौमय पांदी मसीह आमु अधरमी लोगौ कारिए मौरा।

रोमियों 5:9

तौ जोबै कै आमु, धरमी साबित कौरे राए जिथुकै मसीह आमु कारिए मौरा औरौ अमारै पापौ कारिए आपणा लोऊ बौऊवा।

रोमियों 6:13

औरौ ना शोरीर कै अंगो कै बुरै मकसदो कारिए सौंपौ पौरौ आपी कै मौरेयौंदे मुंजीदै जियुंदी हौयौ जाणैबा, आपणै जीवन पौरमेशवर कै सौंपौ, औरौ आपणै शोरीर कै अंगो कै सोही काम कौरणौ कारिए पौरमेशवर कै सौंपौ।

इफिसियों 5:6

कुणिए बै तुऔं कै ऐजा सुझाव दैयौ धौखा ना दैंव कै पौरमेशवर सौथी कै तिनु लोगौ कै सौजा ना दैंदा जू ऐशै पाप कौरौ।

कुलुस्सियों 3:6

जू लोग इनु बुरै कामौ कै कौरौए पौरमेशवर जौरुर तिनु सख्त सौजा दैंदा।

2 थिस्सलुनीकियों 2:10

औरौ सै हर तरह कै बुरै काम औरौ तिनु लोगौ खै धौखा दैंदा जू पौरमेशवर कै दवारा नाश हौंदै जिथुकै सै तैसी सौचाई पांदी बिशवाश कौरणौ शै इन्कार कौरौ जू तिनु बौचाए सौकौ।

2 थिस्सलुनीकियों 2:6

सैजा दुष्ट इबी तौड़ी प्रगट नी हौए रैई जिथुकै किछै ऐशणौ औसौ जिथुवे तैसीखै इबी तौड़ी रौकै राए। तुऔं जौरुर याद हौल़ौ सैजौ का औसौ जिथुवे तैसी रौकै राए, जोबै पौरमेशवर कै दवारा ठौहराएयौंदा सोही सौमय आन्दा, तोबै सैजा दुष्ट आदमी प्रगट हौंदा