रोमियों 1:17 - सिरमौरी नौवाँ नियम

¹⁷ जिथुकै सुसमाचार दा पौरमेशवर लोगौ कै आपणै साथै सोही बौणांव औरौ पूरी तरह शै तिथपांदी भोरोशा कौरणा चैंई; जू शुरु शै आखरी तौड़ी बिशवाश पांदी टिकैयौंदा औसौ: जैशै पवित्र शास्त्र दो लैखै राखौ, “सैजा आदमी जू बिशवाश शै धरमी बौणै रौआ सै जियुंदी रौंदा।”

Sirmouri

¹⁷ किन्देंखे के पंणमिश्वर के नंजरी दें लोग बै-कसूर बंणाँऐं गुऐं, यीशू मसीया की खुषख्बरी लई: जू बिश्वाष शी पर्गट हों; जेष्णों लिखी थो, “बिश्वाष शा पंणमिश्वर की नंजरी दा बै-कसूर ज़ण जीऊँदा रंह्दा।”

रोमियों 1:17 ပူးပေါင်းရင်းမြစ်များ

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

रोमियों 10:3

जिथुकै सैजै लोग पौरमेशवर कै धार्मिकता कै साबित कौरदै बैई, आपणै तरीकै शै धरमी बोणणौ कै कौचिश कौरौ, औरौ ना आपी कै पौरमेशवर कै धार्मिकता कै अधीन कौरौ।

रोमियों 3:21

पौरौ ऐबै मूसा कै कानून कै सौबी नियमौ का पालन बिना कौरे पौरमेशवर आमु आपणै साथै सोही साबित कौरौ। मूसा कै कानून दै औरौ पौरमेशवर कै बातौ बौताणौवाल़ै कै किताब दु लैखै राए कै कैशैकै आमु पौरमेशवर कै दवारा धरमी बाणै गौवै।

रोमियों 3:22

यानी आमै पौरमेशवर कै सामणै धरमी तोबै बौणु जोबै आमै यीशु मसीह पांदी बिशवाश कौरु। जिथुकै पौरमेशवर सौबी कै साथै ऐक जैशणा बर्ताव कौरौ;

रोमियों 3:3

जै कुणिए यहूदी लोग पौरमेशवर आरी धोकैबाज निकल़ै तौ तिनकौ का हौंदौ? का तिनकै धोकैबाज हौणौ कै बावजूद बै पौरमेशवर तिनकै साथै आपणै वादै कै पूरा कौरणौ दा भरोसेमंद ना हौंदा।

रोमियों 9:30

तौ आमै इनु बातौ कै बारै मुंजी का बुलू? बैगानै यहूदी लोग आपी खै पौरमेशवर कै साथै सोही राखणौ कै कौचिश ना कौरौ थिए, पौरौ पौरमेशवरे तिनु खुद कै साथै सोही राखै जिथुकै तिनुऐ तैसी पांदी भोरोशा कौरे राए थिया। पौरमेशवरे तिनु बिशवाश कै दवारा धरमी साबित कौरे;

2 कुरिन्थियों 3:9

जिथुकै जोबै दोषी ठौहराणौवाल़ी कौरार झमाकैदार थै, तौ नोऐं कौरार जू आमु पौरमेशवर कै सामणै धरमी बाणौ हौजौ बै झमाकैदार किथु ना हौंदै?

2 कुरिन्थियों 5:21

मसीह जू पाप शै अणजाण थिया, पौरमेशवरे अमारै पापौ कारिए मसीह खै दोषी ठैहरोऊवा, ताकि आमै पौरमेशवर कै नज़र दै धरमी बौणै जोऊं जिथुकै मसीहे अमारै पापौ कै सौजा आपी पांदी लौए।

गलातियौं 3:11

पौरौ ऐजै बात साची औसौ, कै कोसी खै बै मूसा कै कानून का पालन कौरेयौ धरमी साबित ना कौरे सौकौ। जिथुकै पवित्र शास्त्र दौ लैखै राव, धरमी आदमी बिशवाश लैई जियुंदा रौंदा।

फिलिप्पियों 3:9

औरौ हांव तैसकै साथै एकता दा रौए सौकु; ऐबै मैरी धार्मिकता ऐजै ना आथी जू मूसा कै कानून का पालन कौरणौ शै भैटौ, पौरौ ऐबै मैरै धार्मिकता सैजी औसौ जू सिरफ मसीह पांदी बिशवाश कौरणौ कै बौजैह शै पौरमेशवर शै मुखै भैटौए।

इब्रानियों 10:38

औरौ मैरै सैजै लोग जू बिशवाश शै धरमी बौणै रौवै सै जियुंदी रौंदै। औरौ जै सै पौरमेशवर पांदी भोरोशा कौरणा छोड़े दैंव, तौ हांव सौथीखै तिनुदा खुशी ना हौंदा।”