रोमियों 1:10 - सिरमौरी नौवाँ नियम

¹⁰ औरौ हमैशा आपणी प्रार्थनाओं दै बिन्ती कौरु, कै पौरमेशवर कै इछा कै हिसाब शै हांव तुऔं भैटिंदा ओऊं।

Sirmouri

¹⁰ अरह् हमेशा आप्णी प्रार्थना अरह् अरज करदा रंहू, के कोसी भी ढंग शा ऐबे तुँओं कैई आँणों की मेरी हाँड पंणमिश्वर की हिछ़्या शी आखरी दी सफल हों।

रोमियों 1:10 ပူးပေါင်းရင်းမြစ်များ

प्रेरितो कै काम 18:21

पौरौ ऐजौ बौलेयौ तिनु कैईंदा आगु हौटा, “जै पौरमेशवरे चोऊ तौ हांव तोंवारै धोरे हौजौ आन्दा।” तोबै सै इफिसुस शहर शै जहाज खोल़ेयो चाल पौड़ा;

प्रेरितो कै काम 19:21

जोबै ऐजी बातौ हौए गोई तोबै पौलुसे फोयसला कौरा कै मकिदुनिया औरौ अखाया प्रदेशो कै बिशवाशियौं आरी भैटिणौ कै बाद यरूशलेम शहर कै जोऊंबा, औरौ बौल़ौ, “यरूशलेम शहर जाणौ कै बाद मैरै राजधानी रोम शहर खै बै दैखणौ जौरुरी औसौ।

प्रेरितो कै काम 21:14

जोबै सै ना मानी तौ आमु ऐजौ बौलेयौ खै चुप्पी हौए गौवै, “प्रभु कै इछा पोरे हौए जांव।”

रोमियों 15:29

औरौ हांव जाणुए कै जोबै हांव तोंवारै धोरे आन्दा, तौ मसीह तुऔं पूरै तरह शै आशीष दैंदा।

1 कुरिन्थियों 1:1

मोऐं पौलुसे ऐजै चिट्ठी लैखै लौए। मुखै पौरमेशवर कै इछा शै प्रभु यीशु मसीह का ऐक चोणेयौंदा चैला हौणौ कारिए बौएदै राए। हांव इथै साथी बिशवाशी भाई सोस्‍थिनेस कै साथै औसौ।

1 कुरिन्थियों 4:19

पौरौ प्रभु चांव तौ हांव तोंवारै धोरे तावल़ा ही आन्दा, औरौ तोबै ना सिरफ इनु अभिमानियो कै शिक्षा, पौरौ तिनकै शौकतै खै बै जाणै पांदा।

फिलिप्पियों 4:6

कियौंई बातौ कै फिकर ना कौरौ; पौरौ हरेक पौरैशानी मुंजी अमारै निवेदन प्रार्थना औरौ बिन्ती कै दवारा धन्यवाद कै साथै पौरमेशवर खै धोरे लाए जांव।

1 थिस्सलुनीकियों 2:18

इथकारिए आमै (यानी मोऐं पौलुसे) एकबेई नी, पौरौ बार-बार तोंवारै धोरे आणौ चोऊं, पौरौ शैतानै आमुखै तोंवारै धोरे आणौ शै रौकै राए।

फिलेमोन 1:22

औरौ ऐक बात हौजौ ऐजै बै कै मुं कारिए आपणै घोरे ऐक कमरा तैयार राख जिथुकै मुखै आशा औसौ कै पौरमेशवर तोंवारै प्रार्थनाओं का जवाब दैंदा औरौ जोबै हांव कोयदखाने पौरैशा छुटेयो आन्दा तौ तुऐं मुखै औटेयौ दैखदै।

इब्रानियों 13:19

प्रार्थना कौरणौ कारिए हांव तुऔं हौजौ बै हौंसला दियु, ताकि हांव तावल़ा तोंवारै धोरे औटेयौ आए सौकु।

याकूब 4:15

इथकारिए तुऐं ऐजौ बौलणौ चैंई, “जै प्रभु चांव तौ आमै जियुंदी रौंदै, औरौ ऐजै या सैजै काम बै कौरदै।”