प्रकाशितवाक्य 8:8 - सिरमौरी नौवाँ नियम

⁸ दूजै स्‍वर्गदूतै तुरही फोकै, ऐशै किछै जू ऐक बौड़ै जोल़ेयौंदे पाहाड़ कै जैशणा दैखियौं थियु, समुन्द्र दौ रिड़ै गौ। इयौं बौजैह शै समुन्द्र बै ऐक तिहाई लोऊ हौए गौ,

Sirmouri

⁸ दुज़े स्वर्गदूत्ते रंणशिंगें-कनाँल़ी फूकरी, तबे ऐशो जाँणों के आगी लई भभ्का अंदा टिम्बा संमुन्द्रो दा पाया; अरह् संमुन्द्रो का ऐक च़ीज़ा हिस्सा लह्ऊँ बंणों,

प्रकाशितवाक्य 8:8 ပူးပေါင်းရင်းမြစ်များ

मरकुस 11:23

हांव तुऔं कैंई साचौ बुलू कै जू कुणिए इयौं धारो खै बौल़ौ, ‘जै तू ओकशै जा, औरौ समुन्द्रो दो पौड़ै जा,’ औरौ आपणै मन दा शक ना कौरौ, पौरौ बिशवाश कौरौ तौ जू तुऐं मांगलै सै हौए जालो, औरौ पौरमेशवर तैसी कारिए ऐजौ कौरे दैंदा।

प्रकाशितवाक्य 11:6

तिनु औधिकार औसौ कै गौयण खै बंद कौरौ, कै तिनकी हौणौवाल़ी बातौ कै दूसौ दै बादल़ ना बौरशो, औरौ तिनुखै सौबी पाणी पांदी औधिकार औसौ कै तिथु लोऊ बाणौ, औरौ जोबै-जोबै चांव तोबै-तोबै धोरती पांदी कैई किसम कै मुसीबत लेयालै।

प्रकाशितवाक्य 12:4

औरौ तैसकै पूँछै गौयण कै तारै कै ऐक तिहाई खै खिंचैयौ धोरती पांदी फेरकाए दियै, औरौ सैजा बौड़ा अजगर तियौं बैटमाणिशौ कै सामणै खौड़ा हौए गौआ ताकि तियांरै बौच्चै खै पौयदा हौंदै ही खाए जांव।

प्रकाशितवाक्य 8:7

आगलै स्‍वर्गदूतै आगलै तुरही बौजाए, तौलोंई लोऊ लैई मिलीयौंदी बौहितै सारी शौरू कै बौरखा औरौ आग धोरती पांदी छुटै। इयौं बौजैह शै धोरती का ऐक तिहाई हिस्सा जौल़ै गौआ, औरौ ऐक तिहाई हिस्सा डाल़ो का जौल़ै गौआ, औरौ सौबै हौरो घास बै जौल़ै गौ।

प्रकाशितवाक्य 9:15

इथकारिए ऐबै सैजै चारै दुष्ट दूत खोले दियै। सैजै आगै दै ही तैयार थिए औरौ तिनु बौल़ै राए थियु कै ऐसी सौमय, ऐसी दूस, ऐसी मीनै औरौ ऐसी साल कारिए इंतजार कौरौ औरौ ऐबै ऐजौ आए गौ थियु। तिनु दुनिया कै ऐक हिस्सा लोगौ खै मार दैणै थिए।

प्रकाशितवाक्य 9:18

इनु तीनै समस्याए, जू कै घोड़ो कै मुँह शै निकल़णौ वाल़ै आग, धुआँ औरौ गन्धक थै, सौबै आदमी मुंजीदै ऐक तिहाई खै मारै दै दियै।