प्रकाशितवाक्य 8:13 - सिरमौरी नौवाँ नियम

¹³ जोबै मोऐं औटेयौ दैखौ, मोऐं ऐक बाज खै गौयण दै ऊंचे उड़दै बैई दैखौ औरौ ऊंचे शब्द लैई ऐजौ बौलदै बैई शुणु, “जोबै आखरी तीन स्‍वर्गदूत तिनु तुरही खै फूंकौ जू तिनु दैय राए, तोबै दुनिया कै सौबै लोगौ पांदी आणौवाल़ै मुसीबतौ बैजाए ही खतरनाक औसौ। धोरती कै रौणौवाल़ै पांदी, हाय, हाय, हाय!”

Sirmouri

¹³ जबे मुँऐ हजो देखो, तअ अस्माँनों के बीच दा, ऐक बाज ऊड़ादे अरह् जुराल़ो ऐजो बुल्दे शुंणों, के “सेजे च़ीन स्वर्गदूत्त जिनको फुकर्णो हेभी हजो असो, धर्ती के रंहणों वाल़े गाशी हाऐ! हाऐ! हाऐ!”

प्रकाशितवाक्य 8:13 ပူးပေါင်းရင်းမြစ်များ

इब्रानियों 1:14

तोबै स्‍वर्गदूतौ कै हौणौ का, का मकसद औसौ? सै सिरफ पौरमेशवर कै सेवक औसौ; जू पौरमेशवर कै दवारा तिनु लोगौ कै मौदद कौरणौ कारिए छाड़ै जांव जू उध्दार पांव।

प्रकाशितवाक्य 11:14

दूजै मुसीबत खत्म हौए गौए; पौरौ इथकै बाद बै तिजै मुसीबत तावल़ै आणौवाल़ी औसौ।

प्रकाशितवाक्य 12:12

इथकारिए तुऔं सौबी खै खुश हौणौ चैंई जू इथै स्वर्ग दै रौंव। पौरौ तुऐं जू धोरती पांदी औसौ औरौ जू समुन्द्र दै औसौ तुऔं पांदी तरस खाणा चैंई, जिथुकै दुष्टआत्माओं का अगुवा शैतान धैनै तोंवारै धोरे आए गौआ। सै सौथीखै बैजाए गुस्सा औसौ जिथुकै सै जाणौए कै तावल़ाई ही तैसका अंत हौए जांदा।”

प्रकाशितवाक्य 14:3

144,000 लोग सिंहासन, चार जियुंदी प्राणी औरौ पुराणियो कै सामणै खौड़ै थिए; तिनुऐ ऐक नौवाँ गीत गाए लौआ थिया, जिथुकै सिरफ सैजैई शिखै सौकौ थिए। सिरफ सैजैई जिनुकै पौरमेशवरे धोरती पांदी रौणौवाल़ै लोगौ कै बीच मुंजी शै छुड़ाए राए थिए।

प्रकाशितवाक्य 14:6

औरौ मोऐं ऐक ओकी स्‍वर्गदूतौ कै गौयणी दा ऊंचे पांदी उड़दै बैई दैखा। तैसी स्‍वर्गदूतै तैसी सुसमाचार खै कौरे राए थिया जू कौलोंई ना बौदलौ, तैणै दुनिया दै रौणौवाल़ै लोगौ दै, सौब देशो कै, सौबी गोत्र औरौ सौबी भांत कै भाषा दै सुसमाचार कै घोषणा कौरे।

प्रकाशितवाक्य 19:17

तोबै मोऐं ऐक स्‍वर्गदूत खै सुरजो पांदी खोलेयौंदा दैखा। औरौ तैणै बौड़ै शब्द लैई धाव मारैबा मांस खाणौवाल़ै सौबी चिड़कुल़ै कै जोर शै धाव मारै जू गौयण दै ऊंचे उड़ै रौवै थिए। आओ तियौं बौड़ी बौईदुत कारिए कौठै हौए जाव जू पौरमेशवरे तुऔं कारिए तैयार कौरे राए।

प्रकाशितवाक्य 3:10

तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।

प्रकाशितवाक्य 8:2

औरौ मोऐं तिनु सातो स्‍वर्गदूतौ खै जू पौरमेशवर कै सामणै खौड़ै रौंव, दैखै, औरौ तिनु सात तुरहियाँ दैय दी।

प्रकाशितवाक्य 9:1

जोबै पाँचवें स्‍वर्गदूतै तुरही फोकै, तौ मोऐं स्वर्ग शै धोरती पांदी ऐक तारा गिरदै बैई दैखा, औरौ तारै खै सैजी चाबै दैय गौए जू तैसी गौढै कै खोले सौकौ जिथकै गहराई का कौलोंई अन्त ना हौए सौकौ।

प्रकाशितवाक्य 9:12

पाँच मीनै कै बाद ऐजी मुसीबत खत्म हौए जांदी। पौरौ इथकै बाद बै दौ ओकी मुसीबत आणौवाल़ी औसौ।