प्रकाशितवाक्य 7:17 - सिरमौरी नौवाँ नियम

¹⁷ जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”

Sirmouri

¹⁷ किन्देंखे के बीच, के सिंगाँस्हणों गाशी बंईठा अंदा छ़ैल़्टा तिनका चराईया हंदा; से तिनू जीवन के जल के फटवाँणीं तोड़ी नींदा पंण्मिश्वर तिनकी आखी शे बादे आशुओं आगू घुष्दा”।

प्रकाशितवाक्य 7:17 ပူးပေါင်းရင်းမြစ်များ

मत्ती 2:6

‘ओए रै यहूदिया प्रदेश कै बैतलहम गांव, तू कोसी बै बौजैह शै यहूदा कै ओधिपतियो मुंजीदा सौबिदा नानड़ा ना आथी, इथकारिए तांव पौरैशा ऐक ओधिपति निकल़दा, जू मैरै प्रजा इस्राएल देश कै लोगौ का चौराईया बोणदा।’”

मत्ती 5:4

“धन्‍य औसौ सैजै जू शोक कौरौ, पौरमेशवर तिनुकै शान्तै दैन्दा।”

यूहन्ना 10:11

आछा चौराईया हांव ही औसौ; आछा चरवाह भेड़ो कारिए आपणी इछा शै मौरे जांव।

यूहन्ना 10:14

आछा चौराईया हांव औसौ, जैशैखै पिता पौरमेशवर मुखै जाणौ औरौ ऐशैखैई हांव पिता पौरमेशवर कै जाणुए, तैशैकैई, हांव आपणी भेड़ो कै जाणु औरौ मैरी आपणी भेड़े मुखै जाणौए। औरौ हांव आपणी भेड़ो कारिए मौरणौ कारिए बै तैयार औसौ।

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 4:11

बैटमाणिशै यीशु खै बौल़ौ, “ओए रै गुरु, तांव कैंई तौ पाणी भोरणो कारिए किछै बै ना आथी, औरौ कुआँ बैजाए डुंगा औसौ? तोबै सैजौ जीवन कौ पाणी तांव कैंईदौ कुकै दौ भैटदौ?

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

1 पतरस 5:2

जैशैखै चौराईया आपणै भैड़ौ कै रोखवाल़ी कौरौ, तैशैखैई तुऔं सौबी कै रोखवाल़ी कौरणै चैंई जिनु पौरमेशवरे तोंवारै दैखभाल दै सौंपै राए। ऐजौ आपणी मर्जी शै कौरौ, जिथुकै पौरमेशवर ऐजौई चांव कै तुऐं ऐशै कौरौ। ऐशै सिरफ इथकारिए नी कौरौ जिथुकै तुऔं ऐशै कौरणौ कारिए मजबूर कौरे राए। ऐजा काम इथकारिए ना कौरौ जिथुकै तुऐं पौयसै कमाणै चांव पौरौ पौरमेशवर औरौ लोगौ कै सेवा कौरणौ कै इछा कै साथै कौरौ।

प्रकाशितवाक्य 14:4

ऐजै सैजै औसौ जू पवित्र जीवन जियौंए। ऐजै तिनु लोगौ कै जैशणै औसौ, जिनुवै ऐक बैई बै नाजायज सौमबंध ना बाणी औरौ ना ही इनुवे कौलोंई कियौंई चीज़ौ कै पूजा कौरे, ऐजै सिरफ मेम्ने कै ही आराधना कौरौ जिथै मेम्ना जांव, ऐजै लोग तैसकै पौछौड़ियौ हौए जांव। ऐजै सैजै औसौ जिनुकै धोरती कै सौबी आदमियों शै जौई कौरे राए। जैशै लोग आपणै खेतौ कै फसल का सौबिदा आछा हिस्सा पौरमेशवर कै दैंव तैशैखैई ऐजै लोग बै आपणै जीवन कै पूरी पवित्रता कै साथै पौरमेशवर औरौ मेम्ने कै दैंव।

प्रकाशितवाक्य 21:22

मोऐं कुणजाई मन्दिर ना दैखी जिथुकै सौबिदा बौड़ा शौकतीशाली पौरमेशवर औरौ मेम्ना तैसी शहर दै औसौ। इथकारिए तिथै मन्दिर कै किछै जौरुरत ना आथी।

प्रकाशितवाक्य 21:23

तिथै ना तौ सुरज औरौ ना ही चंद्रमा कै चौमकौणौ कै जौरुरत औसौ, जिथुकै सैजौ शहर पौरमेशवर औरौ मेम्ने कै चौमक लैई रोशन औसौ।

प्रकाशितवाक्य 21:4

औरौ पौरमेशवर तिनकै आखी पौरैशै सौब आशु घोशै दैंदा; औरौ कुणिए बै आदमी कौलोंई बै दुख महसूस ना कौरदा या रुंदा या दर्द कै महसूस ना कौरदा औरौ ना ही मौत रौंदै, जिथुकै पुराणै दुनिया कै सौबै चीज़ौ गायब हौए गोई।”

प्रकाशितवाक्य 21:6

तोबै तैणै मुखै बौल़ौ, “ऐजी सौबै बातौ पूरी हौए गोई। हांव अल्फा औरौ ओमेगा औसौ, यानी आदि औरौ अंत औसौ। जू कुणिए बै तीशै औसौ, हांव तैसी तिथ पाणी कै फटवाणी पौरैशौ ऐई मुंजी पिणौ कारिए दैंदा जू बिना अंत का जीवन दैंव।

प्रकाशितवाक्य 22:1

तोबै स्‍वर्गदूतै मुखै ऐक नोंदी दिखाए जिंदु जिन्दगी कौ पाणी थियु। पाणी साफ कांचो कै जैशणौ चौमकौ थियु। ऐजौ पौरमेशवर औरौ मेम्ने कै सिंहासन शै बौंहदौ लाग रौ थियु।

प्रकाशितवाक्य 4:11

अमारै प्रभु पौरमेशवर, तू महिमा पाणौ कै लायक औसौ। तू इज्जत पाणौ कै लायक औसौ। तू शौकतीशाली औसौ जिथुकै तुऐं हर चीज़ौ कै बाणी। तुऐं चोऊ कै सै अस्तित्व दी आंव औरौ इथकारिए तिनकै रचना कौरे।

प्रकाशितवाक्य 5:6

तोबै मोऐं ऐक मेम्ने कै दैखा जू कै सिंहासन औरौ चार जियुंदै आदमी औरौ चौबीश पुराणियो कै बीचौ दा खौड़ा थिया। मेम्ने कै शोरीर पांदी ऐशणै निशान थिए कै तैसीखै औगौड़ियौ बलिदान कौरे राए थिया पौरौ सै औटेयौ जियुंदी औसौ। तैसकै सात शींग औरौ सात आखी थी, ऐजी पौरमेशवर कै सात आत्माए औसौ, जू सारी धोरती पांदी छाड़ै राखी।