प्रकाशितवाक्य 6:16 - सिरमौरी नौवाँ नियम

¹⁶ औरौ धारो, औरौ चट्टानो शै बौलदै लागै, “आमु पांदी रिड़ जाव औरौ अमारै रक्षा कौर ताकि सैजा जू सिंहासन पांदी बौठेयौंदा औसौ, आमु दैख ना सौकौ औरौ मेम्ने कै सौजा शै छिपाए दैव;

Sirmouri

¹⁶ अरह् कफाड़ो अरह् कऐड़ी खे बुल्दे लागे के “आँमों गाशी पड़ो; अरह् आँमों ईनके मुँहों शे जू सिंगाँस्हणों गाशी बऐठी रूवा, अरह् ऐसी छ़ैल़्टे के रोष शे चूरी दियों।

प्रकाशितवाक्य 6:16 ပူးပေါင်းရင်းမြစ်များ

मत्ती 26:64

यीशुए तैसकै बौल़ौ, “तुऐं आपी ही बौल़ै दियु; पौरौ हांव तुऔं खै ऐजौ बै बुलू: की ऐबै शै तुऐं मुखै आदमी कै बैटै खै सौबिदा शौकतीशाली कै सोऐं ढौबौ बौठैयौंदे राज कौरदै दैखलै, औरौ तुऐं मुखै स्वर्गो शा गौयणै कै बादल़ौ पांदी आन्दै बैई दैखलै?”

मरकुस 3:5

यीशु गुस्सा हौयौ चोऊ ढौबौ लोगौ कै दैखदा लागा, औरौ बौहिता उदास हौआ जिथुकै सै बौहितै जिद्दी थिए। औरौ तैसी आदमी खै बौल़ौ, “आपणा हाथ उंढा कौर।” तैणै आपणा हाथ आगु कौरा, औरौ तैसका हाथ ठीक हौए गौआ।

लूका 23:30

तैसी सौमय लोग ‘धारो शै बौलदै, कै आमु पांदी पौड़ौ, औरौ धालै कै बौलदै कै आमु दबाए दैव।’

प्रकाशितवाक्य 10:6

औरौ जू हमैशा जियुंदी औसौ, औरौ जैणै स्वर्ग, धोरती औरौ समुन्द्र औरौ तिथमुंजी सौब ठुँ बाणै राए। तैसकै शौं खायौ बौल़ौ कै, “ऐबै कोसी बै बात कारिए हौजौ इंतजार ना कौरणा पौड़दा। ऐबै सैजी सौबै बातौ पूरी हौए जांदी।”

प्रकाशितवाक्य 19:15

तैसकै मुँह पौरैशै ऐक तैज तलवार निकल़ै जिथलैई सै देशो कै हराए दैन्दा। जू कुणिए बै तैसकै औधिकार कै अपनांव ना सै तिनु पूरी तरह शै सौजा दैन्दा। सै सौबिदा बौड़ा शौकतीशाली पौरमेशवर कै खतरनाक प्रकोप कै तैशैखैई छोड़ दैन्दा, जैशैकै ऐक रसकुण्ड शै अंगूरो का रस बौंए।

प्रकाशितवाक्य 20:11

तोबै मोऐं ऐक चिटा सिंहासन दैखा जिथपांदी पौरमेशवर बौठै रौआ थिया, पौरौ तिथै जिथै पौरमेशवर बौठै रौआ थिया, तिथैशै धोरती औरौ स्वर्ग सौबै गायब हौए गौवै, औरौ कोसीए बै तिनु औटेयौ ना दैखी।

प्रकाशितवाक्य 4:2

पवित्र आत्मा मुं पांदी ओऊवा; “मोऐं स्वर्ग दा ऐक सिंहासन औरौ सिंहासन पांदी कोसी खै बौठेयौंदा दैखा।”

प्रकाशितवाक्य 4:5

तैसी सिंहासन पौरैशै बिजली औरौ गुड़कौ निकल़ौ थी औरौ सिंहासन कै सामणै सात दिवे बौल़ै रौवै थिए, जू पौरमेशवर की सात आत्माए औसौ,

प्रकाशितवाक्य 4:9

जू सिंहासन पांदी बौठै रौआ, सै सैजाई औसौ जू हमैशा-हमैशा कारिए जियुंदी औसौ। जियुंदी प्राणी तैसी महिमा औरौ आदर औरौ धन्यवाद दैंव। औरौ जोबै बै सै ऐशै कौरौ, तौ चौबीश पुराणिया तैसकै सामणै धैनै रिड़ो औरौ तैसकै आराधना कौरौ। सै ऐजौ बौलेयौ आपणै-आपणै मुकुट सिंहासन कै सामणै राखै दैंव,

प्रकाशितवाक्य 5:1

औरौ जू सिंहासन पांदी बोठेयोंदा थिया, मोऐं तैसकै सोऐं हाथौ दै ऐक किताब दैखै, जिथपांदी दु ढौबौशौ लैखयौंदो थियु, औरौ सै सात मुहरो लाएबा बोन्‍द कौरे राए थी।

प्रकाशितवाक्य 6:10

औरौ तिनुऐ बौड़ै शब्द लैई पुकारेयौ पौरमेशवर शै बौल़ौ, “ओए रै पवित्र, औरौ साची प्रभु; तू धोरती पांदी रौणौवाल़ै तिनु बुरै लोगौ खै तावल़ै सौजा किथु ना दैय? आमै बिन्ती कौरु कै तू तिनु लोगौ कै बर्ताव का बौदला लौ जिनुवै आमु मारै दियै।”

प्रकाशितवाक्य 9:6

तिनु पाँच मीनै दै लोग मोरणो का तरीका जौले, पौरौ सै मौरे ना सौकदै। सै मौरणौ कै इछा कौरदै, पौरौ सै मौरे ना सौकदै।