प्रकाशितवाक्य 5:14 - सिरमौरी नौवाँ नियम

¹⁴ औरौ चोऊ प्राणीए “आमीन” बौल़ौ, औरौ सैजै पुराणिया झोकैयौ तैसकै आराधना कौरदै लागै।

Sirmouri

¹⁴ अरह् चारे जींव ऐ आमीन बुलो, अरह् तिनू अगुऐ लाँम्बे पसरियों तिनकी आरार्धना करी।

प्रकाशितवाक्य 5:14 ပူးပေါင်းရင်းမြစ်များ

1 कुरिन्थियों 14:16

मान पाव कै कुणिए सीधा साधा आदमै तोंवारै आराधना दा आए रौआ, जोबै तुऐं आपणै आत्मा लैई पौरमेशवर कै स्तुति कौरे लौए। जै सै तोंवारै बातौ कै ना सौमझौ, तौ तोंवारै पौरमेशवर खै धन्यवाद दैणौ कै बाद, तैसी कैशै पौता चालदा कै आमीन कोलो बौलणौ जिथुकै सै ना सोमझो कै तुऐं का लो बुली।

प्रकाशितवाक्य 19:4

तोबै चौबीश पुराणिया औरौ चारै प्राणीए उदे झोकैयौ पौरमेशवर कै ढाल़ कौरे, जू सिंहासनों पांदी बौठेयौंदा थिया, औरौ बौल़ौ, “आमीन! पौरमेशवर कै बौड़ाए हौंव!”

प्रकाशितवाक्य 4:4

तैसी सिंहासन कै चोऊ ढौबौ चौबीश औकै सिंहासन थिए, औरौ इनु सिंहासनों पांदी चौबीश पुराणिया चिटै लुस्कै बाम्बैयौंदे बौठै रौवै थिए, औरौ तिनकै मुंडो पांदी सूनै कै मुकुट थिए।

प्रकाशितवाक्य 4:6

तैसी सिंहासन कै सामणै ऐक फरश थिया जू समुन्द्र कै जैशणा चौड़ा थिया, जू कांच कै जैशणा साफ थिया औरौ सिंहासन कै चोऊ ढौबौ चार जियुंदी प्राणी थिए, जिनकै शोरीर पूरी तरह शै आखी लैई छिपैयौंदे थिए।

प्रकाशितवाक्य 5:11

जोबै मोऐं औटेयौ दैखौ, तोबै एकदम शै मोऐं लाखों औरौ करोड़ो स्‍वर्गदूतौ कै आवाज़ो शुणी, तिनकै गिनती ना कौरियौ थी। सै राजा कै तैसी सिंहासन कै, तिनु चार जियुंदी प्राणीयों औरौ तिनु चौबीश पुराणियो कै चोऊ ढौबौ खौड़ै थिए।

प्रकाशितवाक्य 5:6

तोबै मोऐं ऐक मेम्ने कै दैखा जू कै सिंहासन औरौ चार जियुंदै आदमी औरौ चौबीश पुराणियो कै बीचौ दा खौड़ा थिया। मेम्ने कै शोरीर पांदी ऐशणै निशान थिए कै तैसीखै औगौड़ियौ बलिदान कौरे राए थिया पौरौ सै औटेयौ जियुंदी औसौ। तैसकै सात शींग औरौ सात आखी थी, ऐजी पौरमेशवर कै सात आत्माए औसौ, जू सारी धोरती पांदी छाड़ै राखी।

प्रकाशितवाक्य 5:8

जोबै तैणै किताब कौरे पाए, तौ सैजै चारै प्राणी औरौ चौबीशौ पुराणिया तैसी मेम्ने कै सामणै झौकै गौवै; हरेक पुराणियाए ऐक बीणा औरौ सूनै लैई बौणेयौंदा छाना पाकड़ै राए थिया। छाना धूप लैई भौरेयौंदा थिया जू पौरमेशवर कै पवित्र लोगौ की प्रार्थनाओं खै दिखांव।

प्रकाशितवाक्य 7:12

तिनुऐ बौल़ौ, आमीन, “अमारै पौरमेशवर, आमै हमैशा तैरी महिमा कौरु, ताखै धन्यवाद औरौ आदर दियु! आमै मानुए कै तू पूरा ज्ञानवान औसौ, औरौ शौकतीशाली औसौ, जू हमैशा कारिए सौबी कामौ कै कौरणौ कै लायक औसौ! आमीन।”