प्रकाशितवाक्य 4:4 - सिरमौरी नौवाँ नियम4 तैसी सिंहासन कै चोऊ ढौबौ चौबीश औकै सिंहासन थिए, औरौ इनु सिंहासनों पांदी चौबीश पुराणिया चिटै लुस्कै बाम्बैयौंदे बौठै रौवै थिए, औरौ तिनकै मुंडो पांदी सूनै कै मुकुट थिए। အခန်းကိုကြည့်ပါ။Sirmouri4 तेसी सिंगाँस्हणों के चौऊँ ढबे च़ौबीष सिंगाँस्ण असो; अरह् तिनू सिगाँस्हणों गाशी च़ौबीष अगुऐ लोग चींट्टे खोट्णों बाँम्बियों बईठे अंदे असो, अरह् तिन्के मुँढो गाशी सुन्नें के मुँकुट-ताज असो। အခန်းကိုကြည့်ပါ။ |
प्रकाशितवाक्य 4:4
24 ပူးပေါင်းရင်းမြစ်များ
ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।
तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।
औरौ तोबै मोऐं किछै सिंहासन दैखै, जिनुपांदी बौठणौवाल़ै कै मुंडो खै काटै गौवै थिए जिथुकै तिनुऐ यीशु कै सौंदेश औरौ पौरमेशवर कै वचन कै घोषणा कौरे राए थै। इनु लोगै राकस या तैसकै मूर्ति कै पूजा ना कौरे रैई थी। औरौ इनुवे आपणै माथै या हाथौ पांदी राकस कै छाप ना लाए राए थी। सै औटेयौ जियुंदी हौए गौवै थिए औरौ सिंहासनों पांदी बौठै गौवै। पौरमेशवरे तिनु राज कौरणौ का औधिकार दिया, औरौ तिनुऐ मसीह कै साथै ऐक हजार साल तौड़ी राज्य कौरा।
इथकारिए हांव ताखै चैतावणी दियु कै ताखै मुं कैईंदु शुध्द सूनु खरीदणो चैंई ताकि तू सौथीखै सैठ बौणै सौकै। ताखै मुंकैई आपणै बाम्बणौ कारिए चिटै लुस्कै बै खौरीदणै चैंई ताकि तैरा शोरीर ढौकैयौंदा रौंव औरौ तू शर्मिंदा ना हौए। औरौ ताखै आपणी आखो का इलाज कौराणौ कारिए मुं कैईंदै दवाई बै खौरीदणी चैंई ताकि तू दैख सौकै।
तोबै मोऐं ऐक मेम्ने कै दैखा जू कै सिंहासन औरौ चार जियुंदै आदमी औरौ चौबीश पुराणियो कै बीचौ दा खौड़ा थिया। मेम्ने कै शोरीर पांदी ऐशणै निशान थिए कै तैसीखै औगौड़ियौ बलिदान कौरे राए थिया पौरौ सै औटेयौ जियुंदी औसौ। तैसकै सात शींग औरौ सात आखी थी, ऐजी पौरमेशवर कै सात आत्माए औसौ, जू सारी धोरती पांदी छाड़ै राखी।
इथकै बाद मोऐं दैखौ कै लोगौ कै ऐक इशैक बौड़ी भीड़ थी कै कुणिए बै तिनु सौबी कै गिणै ना सौकौ थिए। सै दुनिया कै सौबी जाति, गोत्र, राष्ट औरौ भाषा मुंजीदै थिए। सै सिंहासन औरौ मेम्ने कै औगौड़ियौ खौड़ै थिए। तिनुऐ चिटै लुस्कै बाम्बै राए थिए औरौ सौबी आदमीए आपणै-आपणै हाथौ दी खजूरो की डाल़ी पाकड़ी रैई थी जू कै ऐक तैयारो कै निशानी कै जैशणा थिया
ကြော်ငြာတွေ