प्रकाशितवाक्य 22:6 - सिरमौरी नौवाँ नियम

⁶ तोबै स्‍वर्गदूतै मुंकैई बौल़ौ, “ऐजी सौबै बातौ जू ताखै बौताए रैई, साची औसौ औरौ पूरी तरह शै बिशवाश कौरणौ लायक औसौ। जिथुकै प्रभु पौरमेशवर जैसीए पौरमेशवर कै बातौ बौताणौवाल़ै कै आपणा आत्मा दैय राए थिया। सैजाई औसौ जैणै मुखै, जू कै तैसका स्‍वर्गदूत औसौ, ताखै सैजौ बौताणौ कारिए भैजै राए जू कै तावल़ो हौणौवाल़ौ औसौ।”

Sirmouri

⁶ तेने स्वर्गदूत्ते हजो मुँखे बुलो, “जुण्जो किऐ हेभी तोड़ी बुलो गुवो; सेजो साच्चो अरह् बिश्वाष ज़ुगौ असो, प्रभू ऐ, जुण्जे ऋषियों की आत्त्माओं के पंण्मिश्वर असो, तिन्ऐं आप्णें स्वर्गदूत्त आप्णें दासो कैई सेजो सब-कुछ पर्गट कर्दे डेयाल़े, जुण्जो शीघों हंणों वाल़ो असो।”

प्रकाशितवाक्य 22:6 ပူးပေါင်းရင်းမြစ်များ

मत्ती 13:41

हांव आदमी का बैटा आपणै स्‍वर्गदूतौ खै भैजदा, औरौ आपणै राज्य मुंजी शै सौबै पाप कौरणौवाल़ै कै औरौ कुकर्म कौरणौवाल़ै खै कौठै कौरदा।

लूका 1:70

जैशैकै सै आपणै पवित्र पौरमेशवर कै बातौ बौताणौवाल़ै कै मुँह शै पुराणै सौमय शै ऐजौ बौलेयौ आए रौआ।

लूका 16:16

जांव तौड़ी यूहन्ना बपतिस्मा दाता ना ओऊवा, तांव तौड़ी मूसा कै कानून औरौ पौरमेशवर कै बातौ बौताणौवाल़ै का सौंदेश तुऔं बाट दिखांव थिया, पौरौ ऐबै पौरमेशवर कै राज्य का सुसमाचार प्रचार कौरा जांव, औरौ सौबवे भीतरै जाणौ चांव।

प्रेरितो कै काम 12:11

तोबै पतरसे होशो दै आयौ बौल़ौ, “ऐबै मोऐं साचौ जाणै पोऊँ कै प्रभुए आपणा स्‍वर्गदूत छाड़ैयो मुखै राजा हेरोदेस कै कैद शै छुड़ाए राए, औरौ यहूदी अगुवे कै उमीदो खै नाकाम कौरे दी।”

प्रेरितो कै काम 3:18

पौरौ जिनु बातौ कै सौब पौरमेशवर कै बातौ बौताणौवाल़ै कै दवारा औगौड़ियौ ही पौरमेशवरे बौल़ै राए थियु, कै तैसका मसीह दुख झैलदा औरौ मारा जांदा, औरौ तैणै तिनु साचौ कौरेयौ दिखोऊ।

रोमियों 1:2

पवित्र शास्त्र दु पौरमेशवरे, पौरमेशवर कै बातौ बौताणौवाल़ै लैई ऐसी सुसमाचार कै बौताणौ का वादा कौरे राए थिया।

1 कुरिन्थियों 14:32

औरौ तुऐं जू हौणौवाल़ी बातौ औरौ पौरमेशवर कै वचनो खै बौल़ौ, सै आपणी आत्मा खै काबू कौरौ: सै आपणी इछा कै हिसाब शै बौलणौ या ना बौलणौ दा लायक हौं।

1 कुरिन्थियों 7:29

ओए रै बिशवाशी भाईयों, हांव ऐजौ बुलू मसीह कै पाछु आणौ दा ऐबै जादा सौमय ना बौचै रैई, इथकारिए तुंआरी घोरवाल़ी औसौ या ना आथी, इथकै बारै मुंजी जादा पौरैशान नी हौया। पौरौ प्रभु कै सेवा कौरणौ कै बारै मुंजी सुंचदै रौया।

2 थिस्सलुनीकियों 1:7

सै तुऔं चैन दैंदा जिनुवै ऐबै दुख लौआ सैय, औरौ आमु कै बै। चैन दैंदा जोबै प्रभु यीशु आपणै शौकतीशाली स्‍वर्गदूतौ कै साथै स्वर्ग शै आन्दा लागै रौआ औरौ आग कै लोपटो शै घैरैयौंदा हौंदा।

इब्रानियों 12:9

तैशैखैई जोबै कै दुनिया दै अमारै पिता बै आमु कै ताड़ैया कौरौ थिए, औरौ आमै तिनका आदर कौरा, तौ आमु आपणै स्वर्ग कै पिता का कैतरा जादा आदर कौरणा चैंई औरौ जोबै सै आमु सुधारौ तोबै आमु तैसकी बात मानेयो जीवन बीताणा चैंई।

2 पतरस 1:21

जिथुकै कुणजै बै भविष्यवाणी आदमीए आपी ना लैख रैई। पौरौ पवित्र आत्माए तिनु सैजै वचन लिखणौ दै मौदद कौरे जू पौरमेशवर चांव थिया कै सै लिखौ।

2 पतरस 3:2

मोऐं ऐशै इथकारिए कौरे लौ जिथुकै हांव चोऊं कै तुऐं तिनु वचनो खै याद राखौ, जू पौरमेशवर कै बातौ बौताणौवाल़ै बैजाए औगौड़ियौ दी बौल़ै राए थिए औरौ अमारै मोक्ति दैणौवाल़ै, प्रभु यीशु मसीह की शिक्षाओं खै याद राखौ जू तुऔं तिनु चोणेयौंदे चैलै शिखाए राए थी जू तोंवारै धोरे आए रौवै थिए।

प्रकाशितवाक्य 1:1

ऐजी किताब तिनु बातौ का जिक्र कौरौ जू पौरमेशवरे यीशु मसीह खै दिखाए राए। पौरमेशवरे तैसी दिखोऊ ताकि सै आपणै दासो खै तिनु घोटनाओ कै बारै मुंजी बौताए सौकौ जू तावल़ी ही पूरी हौंदी। यीशुए आपणै स्‍वर्गदूत खै तैसी सौंदेश कै साथै मैरै धोरे यानी आपणै दास यूहन्ना कै धोरे भैजा।

प्रकाशितवाक्य 18:20

तुऐं जू स्वर्ग दै रौंव, ओए रै पौरमेशवर कै लोगौ! चोणेयौंदे चैलै औरौ पौरमेशवर कै बातौ बौताणौवाल़ै! इथ बारै मुंजी बैजाए खुशी मौनांव, जिथुकै पौरमेशवरे बाबेल शहर पांदी आपणा न्याय भैजै राए, तिनु बुराई कै बौजैह जू तिनुऐ तोंवारै साथै कौरे राए।

प्रकाशितवाक्य 19:9

स्‍वर्गदूतै मुखै बौल़ौ, “ऐजौ लिख, कै धन्‍य सैजै औसौ, जू मेम्ने कै बैयाव कै जशन मौनाणौ कारिए बौइदूत मुंजी बौएदै राए।” तोबै तैणै मुखै बौल़ौ, “ऐजै साची वचन औसौ जू पौरमेशवर कै ढौबौशै आंव।”

प्रकाशितवाक्य 21:5

औरौ जू सिंहासन पांदी बौठै रौआ थिया, तैणै बौल़ौ, “मोऐं सौबै ठुँ नौवाँ कौरे दियु।” तोबै तैणै बौल़ौ, “लैख पा, जू हांव बुलूए तू तिथपांदी बिशवाश कौरे सौकै। ऐजी बातौ निशोंक हौयौ हौंदी।”

प्रकाशितवाक्य 21:9

औरौ तोबै तिनु सात स्‍वर्गदूत, जिनुवै आदमी जाति पांदी सात आखरी पीड़ाव शै भौरेयौंदे सात छानै पैरै राए थिए, तिनुमुंजी दै ऐकीए मैरै धोरे आयौ, मुंआरी बातौ कौरी, तैणै बौल़ौ, “इथै आ, हांव ताखै दुल्हन दिखांदा जियौंका तावल़ा ही मेम्ने कै साथै बैयाव हौए जांदा।”

प्रकाशितवाक्य 22:1

तोबै स्‍वर्गदूतै मुखै ऐक नोंदी दिखाए जिंदु जिन्दगी कौ पाणी थियु। पाणी साफ कांचो कै जैशणौ चौमकौ थियु। ऐजौ पौरमेशवर औरौ मेम्ने कै सिंहासन शै बौंहदौ लाग रौ थियु।

प्रकाशितवाक्य 22:16

मोऐं, यीशुए आपणै स्‍वर्गदूत खै तोंवारै धोरे इनु बातौ कै घोषणा कौरणौ कारिए भैजै राए जू पौरमेशवर कै लोगौ कै समूह मुंजी औसौ। हांव राजा दाऊद का वंशज औसौ; हांव ही औसौ, जू तैसी तारै साए औसौ जू सुरज निकल़णौ कै सौमय बै दैखियौं औरौ मुखै बियाणु का तारा बौल़ौ।

प्रकाशितवाक्य 22:7

“औरौ दैख, हांव तावल़ा ही आणौवाल़ा औसौ; धन्‍य औसौ सैजै, जू इयौं किताबो दी लिखैयौंदी हौणौवाल़ी बातौ का पालन कौरौ।”

प्रकाशितवाक्य 4:1

जोबै ऐजी सौबै बातौ हौए गोई, तौ मोऐं दैखौ कै स्वर्ग दा ऐक दरवाज़ा खोलेयौंदा थिया। तोबै मोऐं सैजी आवाज़ औटेयौ शौणै जू कै तुरही कै आवाज़ कै जैशणै थै। तैणै मुखै बौल़ौ, “मैरै धोरे इथै ऊबा आ, औरौ हांव सैजी बातौ ताखै दिखोऊ, जिथका इनु बातौ कै बाद पूरु हौणौ जौरुरी औसौ।”