प्रकाशितवाक्य 22:2 - सिरमौरी नौवाँ नियम

² नोंदी पौरमेशवर औरौ मेम्ने कै सिंहासन तौड़ी शै बौं थी, औरौ शहर कै चौड़ै शोड़क बाटी जांव थी। नोंदी कै हरेक किनारे पांदी जीवन दैणैवाल़ै डाल़ लागै रौवै थिए जू कै हर साल बारौ बैई फल़ दैंव थिए, यानी हर मीनै दै ऐक बैई दुनिया कै लोग तिनु पातौ का इस्तैमाल कौरेयौ आपणै बीमारी शै ठीक हौए जांव थिए।

Sirmouri

² सेजी नंदी नंगर के च़ौराई खास बाटो बाटी ज़ाँव थी, अरह् तियों नंदी की टीराँव्टी गाशी दु:ई ढबे जीवन के डाल़ हों थिऐ, जिन्दें बारहीं किस्समं के फ़ल़ हर भीने लागो थिऐ; अरह् तिनू डाल़ो की पाच़ियों लंई हर जात्ती के लोग दुवाई के जागे दे थंऐयों तिन्दें लंई भले-चाँगे हंऐ ज़ाँव थिऐ।

प्रकाशितवाक्य 22:2 ပူးပေါင်းရင်းမြစ်များ

लूका 4:18

“प्रभु का पवित्र आत्मा मुं पांदी औसौ, इथकारिए तैणै मैरा अभिषेक कौरे राए, औरौ तैणै मुखै कैदी कै आज़ाद कौरणौ कारिए, आन्धै कै नज़र दैणौ कारिए, औरौ दोबैयौंदे कै छुड़ाणो कारिए, औरौ ऐजौ बौताणौ कारिए कै पौरमेशवर कै दया दिखाणौ का सौमय आए गौआ इथकारिए छाड़ै राए।

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।

प्रकाशितवाक्य 2:7

जिनु कुणिए मैरी बात शुणी लोए, सै ध्यान शै शोणेया कै पवित्र आत्मा कलीसियाओं शै का बौल़ौ: जूंजे लोग जीत पालै, तिनु हांव जीवन दैणौवाल़ै डाल़ शै फोल़ खाणौ कै इजाज़त दैंदा, जू पौरमेशवर कै स्वर्गीय बागौ दै औसौ।

प्रकाशितवाक्य 21:21

आणौ-जाणौ कै बारौ दवार बै, ऐक-ऐक मौती शै बौणैयौंदे थिए, औरौ शहरो कै शोड़कै बै, खरे सूनै शै बाणै राए थी जू साफ कांच साए चौमकौ थी।

प्रकाशितवाक्य 21:24

तैसी शहर कै चौमक धोरती पांदी रौणौवाल़ै सौबी लोगौ कै पेयाशो दैंव, औरौ धोरती कै सौबै राजा आपणै-आपणै दौलत कै तैसी शहर पांदी लान्दै।

प्रकाशितवाक्य 22:1

तोबै स्‍वर्गदूतै मुखै ऐक नोंदी दिखाए जिंदु जिन्दगी कौ पाणी थियु। पाणी साफ कांचो कै जैशणौ चौमकौ थियु। ऐजौ पौरमेशवर औरौ मेम्ने कै सिंहासन शै बौंहदौ लाग रौ थियु।

प्रकाशितवाक्य 22:14

धन्‍य औसौ सैजै, जिनुवै आपणै लुस्कै कै मेम्ने कै लोऊ लैई धोए राए, औरौ इथकारिए तिनु शहर दा फाटको मुंजीदै हौयौ जाणौ का औरौ जीवन कै डाल़ो शै फल़ खाणौ का अधिकार हौंदा।

प्रकाशितवाक्य 22:19

औरौ जै कुणिए ऐशणा आदमी हौला जू इयौं किताबो दी भविष्यवाणी कौरेयौंदी बातौ मुंजी दी किछै बै हौटाला, तौ पौरमेशवर तैसीयादी सैजी आशीषौ उंढी कौरदा जिथकै बारै मुंजी इयौं किताबो दौ बौताए राए। पौरमेशवर जीवन कै डाल़ो कै फल़ खाणौ औरौ पवित्र शहर दै हौणौ का तैरा औधिकार बै उंढा कौरदा।