प्रकाशितवाक्य 22:17 - सिरमौरी नौवाँ नियम

¹⁷ पौरमेशवर का आत्मा औरौ मेम्ने कै दुल्हन यीशु कैई बौल़ौ, “ताखै पाकौ आणौ चैंई।” सौबै जू ऐजौ शुणु, तैसी बै ऐजौ बौलणौ चैंई, “आ!” जू कुणिए बै तिशा औसौ, सै इथै आव। सैजौ पाणी पियौ जू जीवन दैंव, जू कै तिनु सौबी कै मुफ्त दौ भैटौ जू इथुकै पिणु चांव।

Sirmouri

¹⁷ पबित्र-आत्त्मा अरह् दुल्ह्नं ईनू दुई की ऐजी ही बिनन्त्ति असो; “आओ!” जेने शुँणीं लुओं, से भे बुलो; “आओ!” सेजा जुण्जा च़ींषा असो से भे पीयों, अरह् जुन्जा कुँऐ हिछ़ुक असो, से भे ऐई मु़ँझ़ी दाँण भेट्णों के रूप दो जीवन को जल मुँझ़्शो पीयों।

प्रकाशितवाक्य 22:17 ပူးပေါင်းရင်းမြစ်များ

यूहन्ना 1:37

तोबै सैजै दुईनै चैलै तैसी शौणैबा यीशु कै साथै हौटै गौवै।

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 4:11

बैटमाणिशै यीशु खै बौल़ौ, “ओए रै गुरु, तांव कैंई तौ पाणी भोरणो कारिए किछै बै ना आथी, औरौ कुआँ बैजाए डुंगा औसौ? तोबै सैजौ जीवन कौ पाणी तांव कैंईदौ कुकै दौ भैटदौ?

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 4:29

“उंढे आव, ऐसी आदमी खै दैखौ, जैणै मैरै जिन्दगी कै बारै मुंजी सौब ठुँ बौताए दियु जू किछै मोऐं कौरे राए थियु। कोदी ऐजाई तौ नी मसीह औसौ?”

यूहन्ना 7:37

हौजौ तैयारो कै आखरी दूस, जू मुख्य दूस औसौ यीशु खौड़ा हौआ औरौ जोर शै बौल़ौ, “जै कुणिए तिशा औसौ तौ मैरै धोरे आव औरौ पियौ।

रोमियों 3:24

पौरौ पौरमेशवर कै अनुग्रह शै तैणै आमु यीशु मसीह कै दवारा पाप कै सौजा शै छुटकारा दिया जू कै यीशु मसीह दा औसौ, पौरमेशवरे आमु बिना किछै कौरे ही धरमी साबित कौरे राए।

1 कुरिन्थियों 2:12

आमु दुनिया कै आत्मा नी पौरौ सैजी आत्मा भैटी रौए, जू पौरमेशवर कै ढौबौशी औसौ कै आमै सैजौ सौबै जाणै सौकु, जू पौरमेशवरे आमु दया शै दैय राए।

प्रकाशितवाक्य 14:13

तोबै मोऐं स्वर्ग शै कोसी कै बौलदै बैई शुणु, औरौ तैणै मुखै बौल़ौ: “इनु बातौ खै इथै लिख। ऐबै शै, सैजै लोग खुशनसीब औसौ जू पौरमेशवर पांदी भोरोशा कौरदै बैई मौरे गौवै।” तोबै पवित्र आत्मा इथैशा सहमत हौआ, तैणै बौल़ौ, “ऐजौ साचौ औसौ। सैजै खुशनसीब औसौ जिथुकै सै आपणै कड़ी मैहनत शै विशांव पांदै औरौ जू काम तिनुऐ कौरे राए तिथ कारिए तिनु इनाम दैय जांदा।”

प्रकाशितवाक्य 2:7

जिनु कुणिए मैरी बात शुणी लोए, सै ध्यान शै शोणेया कै पवित्र आत्मा कलीसियाओं शै का बौल़ौ: जूंजे लोग जीत पालै, तिनु हांव जीवन दैणौवाल़ै डाल़ शै फोल़ खाणौ कै इजाज़त दैंदा, जू पौरमेशवर कै स्वर्गीय बागौ दै औसौ।

प्रकाशितवाक्य 21:2

मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ। तैसी शहर खै ऐक दुल्हन कै जैशणै तैयार कौरे लौए थै जियौं खै लुस्कै बोम्बाए राए औरौ सजाए राए औरौ जू दुल्है शै बैयाव कौरणौ कारिए तैयार औसौ।

प्रकाशितवाक्य 21:6

तोबै तैणै मुखै बौल़ौ, “ऐजी सौबै बातौ पूरी हौए गोई। हांव अल्फा औरौ ओमेगा औसौ, यानी आदि औरौ अंत औसौ। जू कुणिए बै तीशै औसौ, हांव तैसी तिथ पाणी कै फटवाणी पौरैशौ ऐई मुंजी पिणौ कारिए दैंदा जू बिना अंत का जीवन दैंव।

प्रकाशितवाक्य 21:9

औरौ तोबै तिनु सात स्‍वर्गदूत, जिनुवै आदमी जाति पांदी सात आखरी पीड़ाव शै भौरेयौंदे सात छानै पैरै राए थिए, तिनुमुंजी दै ऐकीए मैरै धोरे आयौ, मुंआरी बातौ कौरी, तैणै बौल़ौ, “इथै आ, हांव ताखै दुल्हन दिखांदा जियौंका तावल़ा ही मेम्ने कै साथै बैयाव हौए जांदा।”

प्रकाशितवाक्य 22:1

तोबै स्‍वर्गदूतै मुखै ऐक नोंदी दिखाए जिंदु जिन्दगी कौ पाणी थियु। पाणी साफ कांचो कै जैशणौ चौमकौ थियु। ऐजौ पौरमेशवर औरौ मेम्ने कै सिंहासन शै बौंहदौ लाग रौ थियु।

प्रकाशितवाक्य 22:16

मोऐं, यीशुए आपणै स्‍वर्गदूत खै तोंवारै धोरे इनु बातौ कै घोषणा कौरणौ कारिए भैजै राए जू पौरमेशवर कै लोगौ कै समूह मुंजी औसौ। हांव राजा दाऊद का वंशज औसौ; हांव ही औसौ, जू तैसी तारै साए औसौ जू सुरज निकल़णौ कै सौमय बै दैखियौं औरौ मुखै बियाणु का तारा बौल़ौ।

प्रकाशितवाक्य 7:17

जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”