प्रकाशितवाक्य 22:14 - सिरमौरी नौवाँ नियम

¹⁴ धन्‍य औसौ सैजै, जिनुवै आपणै लुस्कै कै मेम्ने कै लोऊ लैई धोए राए, औरौ इथकारिए तिनु शहर दा फाटको मुंजीदै हौयौ जाणौ का औरौ जीवन कै डाल़ो शै फल़ खाणौ का अधिकार हौंदा।

Sirmouri

¹⁴ “भागोईंत्त असो! सेजे जिन्ऐं आप्णें चाल-चल्ण के खोट्णों जिऐ धूई पाँऐ; किन्देंखे के से जीवन के डाल़ो के हंकदार, अरह् से कुवाड़ो बाटी सुऐं करियों तेसी नंगर दे हाजीर हंदें।

प्रकाशितवाक्य 22:14 ပူးပေါင်းရင်းမြစ်များ

यूहन्ना 10:7

तोबै यीशुए तिनुखै हौजौ बौल़ौ, “हांव तुऔं खै साचौ-साचौ बुलू, भेड़ो कौ दवार हांव ही औसौ।

यूहन्ना 10:9

हांव ही दवार औसौ; जै कुणिए मैरै दवारा भीतरै आला, पौरमेशवर तैसका ही उध्दार कौरला औरौ भीतरै आया जाया कौरला औरौ खाणौ कारिए घास दैला।

यूहन्ना 14:15

“जै तुऐं मुं आरी प्यार कौरौ, तौ मैरी आज्ञा कै मानदै।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 4:12

का तू अमारै पुराणिया याकूब दा बौड़ा औसौ, जैणै आमु कै ऐजा कुआँ दैय राए, औरौ आपणै संतान, औरौ आपणै गोरु समैंत तिथमुंजी दो पियु।”

1 कुरिन्थियों 7:19

कोसी का खतना हौए रौआ या ना हौए रैई इथलैई कुणजाई फर्क ना पौड़ौ पौरौ पौरमेशवर कै आज्ञाओं खै मानणा बैजाए जौरुरी औसौ।

1 कुरिन्थियों 8:9

पौरौ चौकश रौया, ऐशै नै हौंव, कै तोंवारै ऐजै आज़ादी बिश‍वाशौ दै कमजोर लोगौ कारिए पापौ कै बौजैह बौणौ।

1 कुरिन्थियों 9:5

जिथुकै औकै चोणेयौंदे चैलै औरौ याकूब, यहूदा औरौ पतरस (कैफा) आपणी घोरवाल़ी खै आपणै साथै लौए जांव, जौल़ौ सै यात्रा कौरौ, तौ मुंकैई बै ऐजा औधिकार औसौ।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

1 यूहन्ना 3:3

औरौ जू कुणिए मसीह पांदी आशा राखौ, सै आपणै आपी खै तैशैखैई पवित्र कौरौ जैशैखै सै पवित्र औसौ।

1 यूहन्ना 5:3

पौरमेशवर आरी प्यार कौरणौ का मतलब ऐजा औसौ कै आमु तैसकी आज्ञाओं खै मानु, औरौ तैसकी आज्ञाओं का पालन कौरणा चैईथा ना आथी।

प्रकाशितवाक्य 2:7

जिनु कुणिए मैरी बात शुणी लोए, सै ध्यान शै शोणेया कै पवित्र आत्मा कलीसियाओं शै का बौल़ौ: जूंजे लोग जीत पालै, तिनु हांव जीवन दैणौवाल़ै डाल़ शै फोल़ खाणौ कै इजाज़त दैंदा, जू पौरमेशवर कै स्वर्गीय बागौ दै औसौ।

प्रकाशितवाक्य 21:12

शहर कै चोऊ ढौबौ ऐक बैजाए ऊंचे दीवार थै शहरपनाह दै बारौ फाटक थिए औरौ तिनुमुंजी शै हरेक फाटक पांदी ऐक स्‍वर्गदूत कै रोखवाल़ी थै, औरौ तिनु फाटको पांदी इस्राएल देश कै बारौ गोत्रो कै नांव लैखै राए थिए।

प्रकाशितवाक्य 21:27

पौरौ कुणिए बै जू अपवित्र औसौ या सैजै लोग जू बैकार काम कौरौ औरौ झूठ बौलणौ वाल़ै कै बिल्कुल बै तैसी शहरो दै रौणौ कै इजाज़त ना आथी। तैसी शहरो दै सैजैई लोग रोए सौकौ जिनकै नांव मेम्ने कै जीवन कै किताबो दै लैखै राखै। ऐजी सैजी किताब औसौ जिन्दै तिनु लोगौ कै नांव लिखी राए जिनुकैईं हमैशा कै जिन्दगी औसौ।

प्रकाशितवाक्य 22:2

नोंदी पौरमेशवर औरौ मेम्ने कै सिंहासन तौड़ी शै बौं थी, औरौ शहर कै चौड़ै शोड़क बाटी जांव थी। नोंदी कै हरेक किनारे पांदी जीवन दैणैवाल़ै डाल़ लागै रौवै थिए जू कै हर साल बारौ बैई फल़ दैंव थिए, यानी हर मीनै दै ऐक बैई दुनिया कै लोग तिनु पातौ का इस्तैमाल कौरेयौ आपणै बीमारी शै ठीक हौए जांव थिए।

प्रकाशितवाक्य 22:7

“औरौ दैख, हांव तावल़ा ही आणौवाल़ा औसौ; धन्‍य औसौ सैजै, जू इयौं किताबो दी लिखैयौंदी हौणौवाल़ी बातौ का पालन कौरौ।”

प्रकाशितवाक्य 7:14

मोऐं तैसीखै बौल़ौ, “ओए रै स्‍वामी, हांव ना जाणु पौरौ तू जाणै।” तैणै मुंकैई बौल़ौ, ऐजै सैजै लोग औसौ, जिनुवै बौड़ै कोष्ट महसूस कौरे। इनुवे आपणै लुस्कै कै मेम्ने कै लोऊ शै धोए पाए औरौ सै चिटै हौए गौवै, इथका मतलब ऐजा औसौ कै तिनकै पापौ कै मिटाए दिए गौवै।