प्रकाशितवाक्य 21:14 - सिरमौरी नौवाँ नियम

¹⁴ तिनुऐ शहर कै दीवार बारौ बौड़ै-बौड़ै पाथरो पांदी बाणै राए थी, औरौ हरेक पाथर पांदी मेम्ने कै बारौ चोणेयौंदे चैलै मुंजीदै ऐक-ऐक कौ नांव लैखयौंदा थियु।

Sirmouri

¹⁴ अरह् तेसी नंगर की जाँग्गी बारही पात्त्थरो, की पौ-नींव गाशी खड़ी थी, अरह् तिन्दें गाशी तेसी छ़ैल़्टे के बाहरी खास-चैले के नाँव भे लिखे अंदे थिऐ।

प्रकाशितवाक्य 21:14 ပူးပေါင်းရင်းမြစ်များ

मत्ती 16:18

औरौ हांव बै ताखै बुलूए, की तू पतरस औसौ; औरौ हांव ऐसी पाथरो पांदी आपणै मसीह कै कलीसिया बाणदा औरौ पताल़ो कै फाटक तिथपांदी प्रबल ना हौंदै।

प्रेरितो कै काम 1:26

तोबै तिनुऐ तिनकै बारै मुंजी चिट्ठी पाई औरौ चिट्ठी मतियाह कै नांव पांदी निकल़ै, औरौ तैसी ग्‍यारो चोणेयौंदे चैलै कै साथै बारवाँ चैला माना।

गलातियौं 2:9

जू आदमी कलीसिया कै अगुवे सौमझै जांव थिए याकूब, पतरस (कैफा) औरौ यूहन्ना तिनुऐ दया का सैजा वरदान पौछेयाणा जू मुखै भैटी रौआ। तिनुऐ मुखै औरौ बरनबास खै आपणै साथी सौमझेयौ आमु संगति का सोंवा हाथ दिया। सै इयौं बातौ दै शामिल होवे कै आमु बैगानै यहूदी लोगौ कै धोरे जोऊं औरौ सै यहूदी लोगौ कै धोरे।

इफिसियों 2:20

ऐक साथै आमै तैसकै घोरो कै जैशणै औसौ, जू कै चोणेयौंदे चैलै औरौ पौरमेशवर कै बातौ बौताणौवाल़ै की नीयुं पांदी बौणैयौंदो औसौ, जिथकै कुणै का पाथर मसीह यीशु आपी औसौ।

इफिसियों 3:5

पुराणै सौमय दा, पौरमेशवरे लोगौ कै ऐजा भैद ना दिखैई, पौरौ ऐबै तैणै पवित्र आत्मा कै दवारा आपणै पवित्र चोणेयौंदे चैलै औरौ पौरमेशवर कै बातौ बौताणौवाल़ै कैई इथका खुलासा कौरा।

इफिसियों 4:11

ऐजा मसीह थिया जैणै ऐजी जुमैवारी कलीसिया कै दी: तैणै कोसी कै चोणेयौंदे चैलै बाणणौ कारिए चुणै औरौ कोसी कै पौरमेशवर का सौंदेश बौताणौ कारिए औरौ कोसी कै सुसमाचार शुणाणौ कारिए, औरौ कोसी कै बिशवाशियौं कै रौखवाल़ै कौरणौ औरौ शिखाणौ कारिए चुणै।

इब्रानियों 11:10

जिथुकै तैणै तैसी ऐशणै शहर दै रौणौ का जू सौदा बौणेयौंदा रौंदा, तिथका इंतजार कौरे लौआ थिया, जिथका रोचणौवाल़ा औरौ बाणणौवाल़ा पौरमेशवर औसौ।

यहूदा 1:17

पौरौ ओए रै मैरै साथी बिशवाशी, तुऐं तिनु बातौ खै याद राखौ; जू अमारै प्रभु यीशु मसीह खै चोणेयौंदे चैलै बैजाए औगौड़ियौ बौताए रैई जू बाद मै हौंदी।

प्रकाशितवाक्य 18:20

तुऐं जू स्वर्ग दै रौंव, ओए रै पौरमेशवर कै लोगौ! चोणेयौंदे चैलै औरौ पौरमेशवर कै बातौ बौताणौवाल़ै! इथ बारै मुंजी बैजाए खुशी मौनांव, जिथुकै पौरमेशवरे बाबेल शहर पांदी आपणा न्याय भैजै राए, तिनु बुराई कै बौजैह जू तिनुऐ तोंवारै साथै कौरे राए।

प्रकाशितवाक्य 21:13

शहर कै चोऊ दिशा दै तीन फाटक थिए: पूर्व, पश्‍चिम, उतर औरौ दक्षिण।