प्रकाशितवाक्य 21:10 - सिरमौरी नौवाँ नियम

¹⁰ औरौ पौरमेशवर कै आत्माए मुं पांदी काबू कौरा, औरौ स्‍वर्गदूत मुखै ऐक बैजाए ऊंचे धारौ पांदी लौए गौआ, औरौ मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ।

Sirmouri

¹⁰ हाँव आत्त्मा दा बैहोष हऐ गुवा, अरह् तेने स्वर्गदूत्त ऐं मुँह बैजाऐ बड़ी ऊँगली धारंह् गाशी नींया; अरह् तेथै शी मुँह कैई शी तेने सेजी पंबित्र नंगरी यरूशलेम देखाऐ; किन्देंखे के सेजी नंगरी पंण्मिश्वर कैई शी स्वर्गो शी ऊँदी ऊत्री रंऐ थी।

प्रकाशितवाक्य 21:10 ပူးပေါင်းရင်းမြစ်များ

प्रेरितो कै काम 8:39

जोबै सै पाणी मुंजीदै निकल़ैयो बायरै ओऊवे, तौ प्रभु का आत्मा फिलिप्‍पुस खै टिपयौ लोय गौआ, औरौ खोज़े तैसी हौजौ ना दैखी, औरौ सै खुश हौआ कै पौरमेशवरे तैसीखै बौचाए पाए औरौ आपणै देश कै पाछु हौटै गौआ।

गलातियौं 4:26

पौरौ सारा यरूशलेम शहर कै दरशांव, जू स्वर्ग दौ औसौ। सै आज़ाद बैटमाणिश औसौ औरौ तियौंकै नानड़िया बै आज़ाद औसौ। सैजै नानड़िया आमै सौबै बिशवाशी औसौ, जिनकै माँ सारा औसौ।

प्रकाशितवाक्य 1:10

विशांव कै दूसै पवित्र आत्मा मुं पांदी ओऊवा, मोऐं तुरही कै आवाज़ जैशणै ऐक ऊंची आवाज़ आपणै पाछैदै आन्दै बैई शौणै,

प्रकाशितवाक्य 11:2

मन्दिर कै बायरै आँगण खै नी नापैया; जिथुकै सै तिनु लोगौ खै दैय राए जू पौरमेशवर खै ना जाणौ, सै बियाल़िस मीनै तौड़ी मैरै पवित्र शहर यरूशलेम पांदी राज्य कौरदै।

प्रकाशितवाक्य 17:3

तोबै आत्मा कै मौदद शै, स्‍वर्गदूत मुखै रेगिस्थान दै लौय गौआ, औरौ मोऐं तिथै ऐक बैटमाणिश खै दैखी जू ऐक राकस पांदी शवार थै जू लाल रंग का थिया। तिथकै सात मुंड औरौ दस शींग थिए। तैसका शोरीर तिनु नांवौ लैई छिपैयौंदा थिया जू पौरमेशवर कै नेंदैया कौरौ।

प्रकाशितवाक्य 21:2

मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ। तैसी शहर खै ऐक दुल्हन कै जैशणै तैयार कौरे लौए थै जियौं खै लुस्कै बोम्बाए राए औरौ सजाए राए औरौ जू दुल्है शै बैयाव कौरणौ कारिए तैयार औसौ।

प्रकाशितवाक्य 3:12

सैजै जू जीत पालै सै पौरमेशवर कै मन्दिर दै खोम्बे कै जैशणै हौंदै, जैसकै हांव सेवा कौरु औरौ तिनु तैसी कौलोंई छोड़णा ना पौड़दा। हांव तैसकै शोरीर पांदी मैरै पौरमेशवर कै शहर कौ नांव लिखदा, ऐजौ सैजौई औसौ जैसी नौवाँ यरूशलेम शहर बौला जांव। ऐजा सैजाई औसौ जू स्वर्ग शै, यानी मैरै पौरमेशवर कै ढौबौशा धैनै आन्दा। हांव तैसकै शोरीर पांदी मैरा नौवाँ नांव बै लिखदा।

प्रकाशितवाक्य 4:2

पवित्र आत्मा मुं पांदी ओऊवा; “मोऐं स्वर्ग दा ऐक सिंहासन औरौ सिंहासन पांदी कोसी खै बौठेयौंदा दैखा।”