प्रकाशितवाक्य 2:24 - सिरमौरी नौवाँ नियम

^24-25 पौरौ थुआतीरा शहर दै तुऐं बाकी लोगै तियौं झूठी शिक्षा खै ना मानी। तुऐं तिथमुंजी हिस्सा ना लोई जिथु तियौंकै चैलै “शैतान की गैहरी बातौ बौल़ौ।” हांव तुऔं खै बुलू कै हांव तुऔं कुणजै औकै खास आज्ञा ना दुं, सिवाए इथकै कै जांव तौड़ी हांव ना आन्दा तांव तौड़ी मुं पांदी मोजबूती शै बिशवाश कौरणा जारी राखौ।

Sirmouri

²⁴ परह् तुँऐं थुआतीरा के ओकी लोगो खे, जैतोड़े ईयों शिक्क्षा ने माँन्दे; अरह् सेजी बातो जिन्देंखे शैतान की गह्ईरी बातो बुली, से ऐजो जाँण्दें ने के हाँव तुँओं खे ऐजो बुलू, के हाँव तुँओं गाशी किऐं ओका भार-बोझ़ ने पाँदी।

प्रकाशितवाक्य 2:24 ပူးပေါင်းရင်းမြစ်များ

प्रेरितो कै काम 15:28

पवित्र आत्मा खै, औरौ आमुखै बै ऐजौ ठीक लागौ कै इनु जौरुरी बातौ खै छोड़ेयौ; तुऔं पांदी हौजौ कुणजाई बोझ ना पौड़ौ;

प्रेरितो कै काम 16:14

औरौ लुदिया नांव कै थुआतीरा शहर कै मोंगे बैंगनी रंगो कै खोटणो बिकणोवाल़ी ऐक बैटमाणिश जू पौरमेशवर कै भोक्‍ती कौरणौवाल़ै थी, ऐजी बातौ शौणै लोए थी। प्रभुए तियौंका मन खोले दिया, ताकि पौलुस की बातौ पांदी ध्यान लांव।

1 कुरिन्थियों 2:10

पौरौ पौरमेशवरे इनु बातौ खै आमु पांदी यानी चोणेयौंदे चैलै पांदी इनु चीज़ौ खै आपणै पवित्र आत्मा कै दवारा प्रकट कौरी; जिथुकै ऐशणौ किछै ना आथी जू पौरमेशवर कै आत्मा खै पौता नै हौली। इथै तौड़ी कै पौरमेशवर कै डुंगै विचारो खै बै सै ठीक शै जाणौ।

2 कुरिन्थियों 11:3

पौरौ हांव डौरुए कै जैशैखै शैतानै शोंगोऊं साए आपणी चतुराई लैई आगली बैटमाणिश हावा खै बैहकाए, तैशैखैई तोंवारै मन साफ सुथरै औरौ पवित्रता लैई मसीह कै सेवा कै साथै हौणै चैंई, कोदी तुऐं धौखा ना खांव।

2 कुरिन्थियों 2:11

ताकि शैतान अमारै हालातो का फायदा नी उठाए सौकौ, जिथुकै आमै जाणुए कै सै हमैशा आमु पाप कौरणौ कारिए लुभाणो कै तरीको कै तरकीब बाणौ।

याकूब 3:15

ऐजा ज्ञान सैजा ना आथी जू पौरमेशवर शै आंव पौरौ दुनिया कै तरफ शै औरौ शारीरिक, औरौ शैतानी औसौ।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 13:14

बैजाए सारै लोग औकै राकस कै तिनु अनौखै कामौ शै चकित हौयौ धौखा खाया जू सै आगलै राकस कै शौकतै शै दिखांव थिया। दूजै राकसै लोगौ खै बौल़ौ कै सै तैसी आगलै राकस कै पूजा कौरणौ कारिए मूर्ति बाणौ, जू हथियार शै घायल हौए गौआ थिया, पौरौ औटेयौ ठीक हौए गौआ थिया।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।

प्रकाशितवाक्य 2:18

थुआतीरा शहर कै कलीसिया कै स्‍वर्गदूत कै ऐजौ लिख: “पौरमेशवर कै बैटै कै ढौबौशा ऐजा सौंदेश औसौ जैसकी आखी आगी कै लोपटो कै जैशणी चौमकै रोए थी औरौ जैसकै लात पीतलो कै जैशणै चौमकै रौए, जू तैज गरम आगी दै चौमकौ; हांव ताखै ऐजौ बुलू:

प्रकाशितवाक्य 2:9

हांव जाणुए कै ताखै सोताए गौआ औरौ तू गरीब औसौ। पौरौ आत्मिक मामलै दा तू बैजाए सैठ औसौ। हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ आथी ना। सै तैरै बारै मुंजी बुरी बातौ बौल़ौ, पौरौ सौथीखै सै तैसी गुट कै लोग औसौ जू शैतान का औसौ।