प्रकाशितवाक्य 2:21 - सिरमौरी नौवाँ नियम

²¹ मोऐं तियौं बैटमाणिशौ इजेबेल कै पाप कौरणै छोड़े दैणौ का मौका दिया, पौरौ सै तिनु बुरै कामौ खै बंद कौरणौ शै मना कौरौ।

Sirmouri

²¹ मुँऐ तियों खे मंन बद्ल़्णों खे मुक्का दिता, परह् से आप्णे कू-कर्म बिचका-काँम शा मंन बद्ल़्णा ने चहाँव थी।

प्रकाशितवाक्य 2:21 ပူးပေါင်းရင်းမြစ်များ

रोमियों 9:22

पौरमेशवर कै औधिकार औसौ कै जिनु लोगौ कै पौरमेशवरे बाणै राए तिनकै साथै सै किछै बै कौरे सौकौ। पौरमेशवर आपणा गुस्सा दिखाणा चांव थिया औरौ सौबी कै साथै आपणी शौकतै प्रगट कौरणै चांव थिया जू नाश हौणौ कै हकदार औसौ। इथकै बजाय, तैणै ऐशै कौरौ जिथुकै सै दिखाणौ चांव थिया कै सै कैतरा महान औसौ जोबै तैणै तिनु लोगौ पांदी दया कौरे जिनु तैणै आपणी महिमा दै शामिल हौणौ कै चोणे राए।

1 पतरस 3:20

ऐजी तिनु लोगौ की आत्माए थी जिनुवै बैजाए सौमय औगौड़ियौ पौरमेशवर कै आज्ञा ना मानी। जोबै नूहे आपणै जहाजो खै बाणै लौ थियु, तौ पौरमेशवर सब्र राखियो ठोल़नाए कौरे लौए थी कै दैखौ का सैजै लोग पाप कौरणा छोड़े दैंदै। पौरौ जोबै पाणीए दुनिया का नाश कौर दिया, तौ जहाजो दै रौणौवाल़ै सिरफ आठ लोग बौचाए गौवै थिए।

2 पतरस 3:15

औरौ अमारै प्रभु कै सब्र खै ऐक मौकै कै रुप दा दैखौ जू तैणै तुऔं कै आणौवाल़ै न्याय शै बौचणौ कारिए दैय लौआ। ऐजौ पौलुसे बै, जू अमारा प्यारा साथी बिशवाशी औसौ, तुऔं ऐकी चिट्ठी दा तैसी ज्ञान का इस्तैमाल कौरदै बैई लिख राव थियु, जू पौरमेशवर तैसी दैंव।

2 पतरस 3:9

किछै लोग सुंचौए कै प्रभु आपणै पाछु आणौ कै वादै खै पूरा कौरणौ खै बैरियाए लौ, पौरौ प्रभुए तैशैखै ना बैरियाए लैई। पौरौ, तैणै तोंवारै साथै सब्र राखै राए। जिथुकै सै कोसी कै बै नाश ना कौरणै चांव। पौरौ चांव औसौ कै सौबै जोणे पाप कौरणै छोड़े दैंव औरौ गौलत काम कौरणै बंद कौरे दैंव औरौ तैसकै धोरे आए जांव।

प्रकाशितवाक्य 16:11

औरौ आपणी पीड़ो औरौ गुमड़ौ कै बौजैह शै स्वर्ग कै पौरमेशवर कै नेंदैया कौरे; ऐबै जौबेकै तिनकै हालत खराब थै, तोबै बै तिनुऐ पाप कौरणै ना छुड़ी औरौ ना तिनु बुरै कामौ खै छोड़े जू तिनुऐ कौरे लौवै थिए।

प्रकाशितवाक्य 16:9

लोग इयौं तैज गर्मी शै जौल़ै गौवै, औरौ तिनुऐ पौरमेशवर खै नेंदैया कौरे, जिथुकै सैजाई थिया जैसकैंई तिनु समस्या पांदी औधिकार थिया। तिनुऐ ऐबै बै आपणै पापौ शै पश्‍चाताप ना कौरी, तिनुऐ ऐबै बै पौरमेशवर कै महानता खै ना मानी।