प्रकाशितवाक्य 2:18 - सिरमौरी नौवाँ नियम

¹⁸ थुआतीरा शहर कै कलीसिया कै स्‍वर्गदूत कै ऐजौ लिख: “पौरमेशवर कै बैटै कै ढौबौशा ऐजा सौंदेश औसौ जैसकी आखी आगी कै लोपटो कै जैशणी चौमकै रोए थी औरौ जैसकै लात पीतलो कै जैशणै चौमकै रौए, जू तैज गरम आगी दै चौमकौ; हांव ताखै ऐजौ बुलू:

Sirmouri

¹⁸ “थुआतीरा नंगर की कलीसिया के दूत्त खे ऐजो लिख: “पंण्मिश्वर का बैटा जिनकी आँखी भभ्कदी आगी के लहयारे जेष्णी, अरह् जेस्के लात्त आछे पीतलो के जैष्णें असो; से ऐजो बुलो के,

प्रकाशितवाक्य 2:18 ပူးပေါင်းရင်းမြစ်များ

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 27:54

तोबै सूबेदार औरौ जिनिए तैसकै साथै यीशु कै रोखवाल़ी कौरे लोए थै, भुईचोल़ औरौ जू किछै हौए रौ थियु, दैखैबा डौरे गौवै, औरौ बौल़ौ, “सौथीखै ऐजा आदमी, पौरमेशवर का बैटा थिया।”

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

लूका 1:35

स्‍वर्गदूतै तियौं जोवाब दिया, “पवित्र आत्मा तांव पांदी उतौरदा औरौ सौबीदै बौड़ै पौरमेशवर कै अनौखी शौकतै तांव पांदी छाया कौरदै; इथकारिए जू तांव पौरैशा पौयदा हौंदा सै पवित्र बैटा हौंदा औरौ सै पौरमेशवर का बैटा बोला जाला।

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 1:49

नतनएले तैसीखै जोवाब दिया, “ओए रै गुरुजी, तू पौरमेशवर का बैटा औसौ इस्राएल देश का महाराजा औसौ।”

यूहन्ना 10:36

तौ जोबै हांव ऐजौ बुलू, ‘हांव पौरमेशवर का बैटा औसौ।’ तौ तुऐं मुखै काए बौल़ौ, ‘तू नेंदैया कौरे।’ इथकारिए मोऐं बुलू, ‘हांव सैजाई औसौ जैसी पिता पौरमेशवरे जौई कौरा औरौ मुखै दुनिया पांदी भैज राए।’

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

यूहन्ना 3:18

जू पौरमेशवर कै बैटै पांदी बिशवाश कौरौ, तैसी पांदी कौलोंई दोष ना लाया जांव, पौरौ जू तैसी पांदी बिशवाश नै कौरला सै दोषी बौणै गौआ, इथकारिए की तैणै पौरमेशवर कै इकलोतै बैटै पांदी बिशवाश नै कौरी।

यूहन्ना 5:25

“हांव तुऔं कै साचौ-साचौ बुलू, सैजा सौमय आन्‍दा लागै रौआ, औरौ आए ही गौआ, जिथमुंजी मौरेयौंदे लोग मैरी यानी पौरमेशवर कै बैटै की आवाज़ शुणदै, औरौ जू शुणदै सैजै हमैशा कारिए जिन्‍दै।

प्रेरितो कै काम 16:14

औरौ लुदिया नांव कै थुआतीरा शहर कै मोंगे बैंगनी रंगो कै खोटणो बिकणोवाल़ी ऐक बैटमाणिश जू पौरमेशवर कै भोक्‍ती कौरणौवाल़ै थी, ऐजी बातौ शौणै लोए थी। प्रभुए तियौंका मन खोले दिया, ताकि पौलुस की बातौ पांदी ध्यान लांव।

प्रेरितो कै काम 8:36

बाटो दै चालदै-चालदै तिनुऐ बाटो कै किनारे ऐक तालाब दैखा, तोबै खोज़े बौल़ौ, “दैख इथै तालाब औसौ ऐबै मुखै बपतिस्मा लोणो दा का रौक औसौ?”

रोमियों 1:4

औरौ पवित्र आत्मा कै अनौखी शौकतै लैई सै मौरेयौंदे मुंजीदा जियुंदी हौणौ की बौजैह शै तियौं शौकतै कै साथै पौरमेशवर का बैटा साबित हौआ औरौ सैजा यीशु मसीह अमारा प्रभु औसौ।

रोमियों 8:32

पौरमेशवरे आपणै बैटै कै आपी कारिए ना राखी, पौरौ तैसीकै अमारै खातिर आपणै दुशमन कै सौंपै दिया, सै आमु सैजौ सौबै ठुँ बै दैंदा जू वादा तैणै आमुआरी कौरे राए।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 2:1

तैणै मुखै ऐजौ बै बौल़ौ, इफिसुस शहर कै कलीसिया कै स्‍वर्गदूत खै ऐजा सौंदेश लिख: हांव सैजाई औसौ जू आपणै सोऐं हाथौ दै सात तारै नियौ राखु औरौ जू सूनै की सात दियोटो कै बीचो दा हांडु, हांव जू बुलूए सैजौ शुण:

प्रकाशितवाक्य 2:24

पौरौ थुआतीरा शहर दै तुऐं बाकी लोगै तियौं झूठी शिक्षा खै ना मानी। तुऐं तिथमुंजी हिस्सा ना लोई जिथु तियौंकै चैलै “शैतान की गैहरी बातौ बौल़ौ।” हांव तुऔं खै बुलू कै हांव तुऔं कुणजै औकै खास आज्ञा ना दुं, सिवाए इथकै कै जांव तौड़ी हांव ना आन्दा तांव तौड़ी मुं पांदी मोजबूती शै बिशवाश कौरणा जारी राखौ।