प्रकाशितवाक्य 19:5 - सिरमौरी नौवाँ नियम

⁵ औरौ तोबै मोऐं कोसी कै बौलांदै बैई शुणा, औरौ ऐशैखै जाणियुं जैशै ऐजी आवाज़ पौरमेशवर कै सिंहासन कैईंदै आए रौली। तैणै बौल़ौ, “ओए रै अमारै पौरमेशवर कै सेवको औरौ तुऐं जू तैसका आदर कौरौ, चाहै बौड़ै दर्जै कै हौंव या छौटे दर्जै कै। पौरमेशवर कै बौड़ाए कौरौ!”

Sirmouri

⁵ तबे सिंगाँस्हणों शा ऐक शाह्द गूँह्ज शुँणाँई दिती: “हे अमाँरे पंण्मिश्वर शे डर्णो वाल़े दासों, भाँव छोटे हों, भाँव बड़े हों, तुऐ बादे झ़ुणें तिनकी अरार्धना करह्।”

प्रकाशितवाक्य 19:5 ပူးပေါင်းရင်းမြစ်များ

प्रकाशितवाक्य 13:16

औरौ औकै राकसै साधारण औरौ खास, सैठ औरौ गरीब, दास या जू दास ना थी यानी सौबी लोगौ खै मजबूर कौरे कै सै आगलै राकस कौ नांव आपणै सोऐं हाथौ पांदी या आपणै माथै पांदी छपवांव।

प्रकाशितवाक्य 16:17

सातवें स्‍वर्गदूतै जू तैसकै डौंगै दो थियु सैजौ हावा दो रिताए दियु, औरौ मोऐं शुणु, तिथै सैजा थिया जू स्वर्ग कै मन्दिर कै भीतरै पौरैशा पौरमेशवर कै सिंहासन शै बौलाए रौआ थिया, “सौब ठुँ हौए गौ।”

प्रकाशितवाक्य 19:18

आओ औरौ राजाओं, सैना कै अगुवे, ताकतवर सैनिकौ, घोड़ो औरौ तिनकै सवारौ का मौरेयौंदे शोरीरो कौ मांस खाव। तुऐं हर बान्त कै मौरेयौंदे लोगौ कौ मांस खाए सौकौ, यानी गुलाम औरौ आज़ाद, बौड़ै औरौ नानड़ै दु कौ।

प्रकाशितवाक्य 20:12

औरौ मोऐं मौरेयौंदे लोगौ खै सिंहासन कै सामणै खौड़ै होयोंदै दैखै, यानी तिनुकै जू छौटे दर्जै औरौ बौड़ै दर्जै कै लोग औसौ। सैजै लोग जू समुन्द्र दै डुबेयो मौरे गौवै थिए, औरौ कब्रो दै कै सौबै मौरेयौंदे लोग, औरौ सैजै सौब लोग जू मौरेयौंदे कै ठाँव पांदी थिए, सैजै सौबै तैसी सिंहासन कै सामणै खौड़ै हुवे, सैजी किताब खोले गौए जिथमुंजी तिनु लोगौ कै नांव लैख राए थिए जिनुकैईं सैजा जीवन थिया जिथका कुणजाई अंत ना आथी। सैजै किताब बै खोले गौए जिथमुंजी लोगै जू-जू कौरे राए सैजौ लैख राए थियु, औरौ हर आदमीए जू किछै कौरे राए थियु तिथकै हिसाब शै तिनका न्याय कौरा गौआ, जू तिनु किताबो दो लैख राए थियु।

प्रकाशितवाक्य 7:15

“ऐसी बौजैह शै सै पौरमेशवर कै सिंहासन कै सामणै खौड़ै औसौ, औरौ सै हर सौमय दूसौ औरौ फिरै पौरमेशवर कै घोरे दै तैसकै सेवा कौरौ; औरौ सैजा जू सिंहासन पांदी बौठौए, तिनुमुंजी रौंदा औरौ तिनकै दैखभाल कौरदा।”