प्रकाशितवाक्य 19:14 - सिरमौरी नौवाँ नियम

¹⁴ स्वर्ग शै सैनिकौ कै बौड़ी भीड़ तैसकै पाछी-पाछी हांडै। ऐजै सैनिक चिटै घोड़े पांदी शवार थिए औरौ तिनुऐ शुध्द चिटै मलमल कै लुस्कै बाम्बै राए थिए।

Sirmouri

¹⁴ स्वर्गो के फऊँज चीट्टे घोड़े गाशी अशवार अरह् चीट्टे अरह् शुद्ध मंल-मंल के खटुणों बाँम्बियों तिनू पाछ़ी-पाछ़ी असो।

प्रकाशितवाक्य 19:14 ပူးပေါင်းရင်းမြစ်များ

मत्ती 21:5

“सिय्योन की बैटी खै बौल़ौ, ‘दैख, तैरा राजा तैरै धोरे आन्दा लागै रौआ; सै नम्र औसौ औरौ सै गाधड़ू पांदी बौठै रौआ; यानी गोधी कै गाधडू पांदी।’”

मत्ती 26:53

का तू ना जाणै कै हांव आपणै पिता शै प्रार्थना कौरी सौकु, औरौ सै झट ही स्‍वर्गदूतौ कै बारौ सैनिक गुट कि पलटन दै जादा मैरै धोरे भैज सौकौ।

मत्ती 28:3

तैसका रुप बिजली खै जैशणा औरौ तैसखै खोटणो पालै कै साए चोमकैयौंदे थिए।

2 थिस्सलुनीकियों 1:7

सै तुऔं चैन दैंदा जिनुवै ऐबै दुख लौआ सैय, औरौ आमु कै बै। चैन दैंदा जोबै प्रभु यीशु आपणै शौकतीशाली स्‍वर्गदूतौ कै साथै स्वर्ग शै आन्दा लागै रौआ औरौ आग कै लोपटो शै घैरैयौंदा हौंदा।

यहूदा 1:14

हनोकै जू आदम शै सातवें पीढ़ी दा पौयदा हौए रौआ थिया, इनु अधरमी लोगौ कै बारै मुंजी हौणौवाल़ी बातौ बौताए रैई थी। तैणै बौल़ौ, “शुणौ! पौरमेशवर निशोंक हौयौ आपणै अणगिणत पवित्र स्‍वर्गदूतौ खै साथै आन्दा।

प्रकाशितवाक्य 14:1

इथकै बाद, मोऐं किछै औकौ दैखौ, मोऐं सिय्योन धारो कै चुटी पांदी मेम्ने खै खौड़ा हौएयौंदा दैखा। तैसकै साथै ऐक लाख चौवालीस हजार लोग थिए, तिनकै माथै पांदी मेम्ने कौ नांव औरौ तैसकै पिता कौ नांव लैखैयौंदे थियु।

प्रकाशितवाक्य 17:14

सैजै मेम्ने कै खिलाफ लौड़ाए कौरदै, पौरौ मेम्‍ना तिनु हराए दैंदा, जिथुकै सै प्रभुओं का प्रभु औरौ राजाओं का राजा औसौ। मेम्ना आपणै बुएदैहौंदै, चोणेयौंदे औरौ बिशवाश लायक चैलै कै साथै तिनु पांदी जीतै जांदा।

प्रकाशितवाक्य 19:11

तोबै मोऐं स्वर्ग खै खोलेयौंदा दैखा, तिथै मैरै सामणै ऐक चिटा घोड़ा थिया, औरौ तैसी पांदी ऐक शवार थिया, जू पौरमेशवर का बिशवाश लायक औरौ साचा सेवक थिया। सै जू बातौ पौरमेशवर कै नज़र दी सोही औसौ तिथकै हिसाब शै पौरमेशवर कै दुशमन कै खिलाफ न्याय कौरदा औरौ लौड़ाए कौरदा।

प्रकाशितवाक्य 19:8

पौरमेशवरे तियौंखै साफ सुथरै चोमकदार मलमल शै बाणैयौंदे लुस्कै बाम्बणौ कै दैय राए, मलमल कै लुस्कै पौरमेशवर कै लोगौ कै भले कामौ कै दिखांव।

प्रकाशितवाक्य 3:4

पौरौ सरदीस शहर दै तोंवारै बीच किछै ही लोग औसौ, जू पाप शै अशुध्द ना हौए रैई, सै शुध्द चिटै लुस्कै बाम्बैयौ मैरै साथै चालदै, जिथुकै सै इथ लायक औसौ।

प्रकाशितवाक्य 4:4

तैसी सिंहासन कै चोऊ ढौबौ चौबीश औकै सिंहासन थिए, औरौ इनु सिंहासनों पांदी चौबीश पुराणिया चिटै लुस्कै बाम्बैयौंदे बौठै रौवै थिए, औरौ तिनकै मुंडो पांदी सूनै कै मुकुट थिए।

प्रकाशितवाक्य 7:9

इथकै बाद मोऐं दैखौ कै लोगौ कै ऐक इशैक बौड़ी भीड़ थी कै कुणिए बै तिनु सौबी कै गिणै ना सौकौ थिए। सै दुनिया कै सौबी जाति, गोत्र, राष्ट औरौ भाषा मुंजीदै थिए। सै सिंहासन औरौ मेम्ने कै औगौड़ियौ खौड़ै थिए। तिनुऐ चिटै लुस्कै बाम्बै राए थिए औरौ सौबी आदमीए आपणै-आपणै हाथौ दी खजूरो की डाल़ी पाकड़ी रैई थी जू कै ऐक तैयारो कै निशानी कै जैशणा थिया