प्रकाशितवाक्य 19:11 - सिरमौरी नौवाँ नियम

¹¹ तोबै मोऐं स्वर्ग खै खोलेयौंदा दैखा, तिथै मैरै सामणै ऐक चिटा घोड़ा थिया, औरौ तैसी पांदी ऐक शवार थिया, जू पौरमेशवर का बिशवाश लायक औरौ साचा सेवक थिया। सै जू बातौ पौरमेशवर कै नज़र दी सोही औसौ तिथकै हिसाब शै पौरमेशवर कै दुशमन कै खिलाफ न्याय कौरदा औरौ लौड़ाए कौरदा।

Sirmouri

¹¹ तबे मुँऐ स्वर्ग खुलो अंदो देखो, अरह् का देखू के ऐक चीट्टा घोड़ा असो; अरह् तेसी गाशी ऐक अशवार असो, जू बिश्वाष ज़ूगा, अरह् साच्चो बुलो, अरह् से धर्म आरी नियाँव अरह् लड़ाऐ-ज़ूद्ध करह्।

प्रकाशितवाक्य 19:11 ပူးပေါင်းရင်းမြစ်များ

यूहन्ना 1:51

हौजौ तैसीखै बौल़ौ, “हांव तुऔं खै साचौ-साचौ बुलू कै तुऐं स्वर्गो खै खुलू औरौ पौरमेशवर कै स्‍वर्गदूतौ कै ऊबै जांदै औरौ मुं आदमी कै बैटै कै उपरोशे उरतदै बैई दैखदै।”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।

प्रकाशितवाक्य 11:19

औरौ पौरमेशवर का जू मन्दिर स्वर्ग दा औसौ, सै खोले गौआ, औरौ तैसकै मंदिर दा तैसकी कौरार का सन्‍दूक दैखिया, औरौ गुड़कौ, औरौ शोब्द औरौ बिजली औरौ भुईचोल़ हौंदै लागै, औरौ गौयण शै बर्फ कै पाथरो कै साथै बैजाए बारिश हौए।

प्रकाशितवाक्य 19:19

तोबै मोऐं तैसी राकस कै दैखा जू समुन्द्र पौरैशा बायरै आए रौआ थिया, औरौ धोरती कै राजाओं औरौ तिनकी सैना खै दैखा। सै घोड़े पांदी बौठणौवाल़ै औरौ तैसकी सैना कै खिलाफ लौड़ाए लौड़णौ कारिए ऐक साथै आए।

प्रकाशितवाक्य 19:21

तोबै चिटै घोड़े कै घुड़शवारै तैसी राकस कै सौबी सैनिकौ कै मारै दियै, तैणै तिनु तियौं तलवार लैई काटै दियै जू तैसकै मुँह पौरैशै निकल़ौ थै। तोबै गौयणै कै पक्षी तांव तौड़ी लाशो कौ मांस खांदै रौवै जांव तौड़ी कै तिनकै छौकै नी गौ।

प्रकाशितवाक्य 3:14

लौदीकिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जैसी आमीन बौला जांव। सै बिशवाश योग्यता कै साथै पौरमेशवर कै बारै मुंजी सौचाई कै प्रकट कौरौ, औरौ हांव सैजा औसौ जैसकै दवारा पौरमेशवरे सौब चीज़ौ कै रचना कौरे राए, हांव जू बुलूए सैजौ शुण:

प्रकाशितवाक्य 3:7

फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,

प्रकाशितवाक्य 4:1

जोबै ऐजी सौबै बातौ हौए गोई, तौ मोऐं दैखौ कै स्वर्ग दा ऐक दरवाज़ा खोलेयौंदा थिया। तोबै मोऐं सैजी आवाज़ औटेयौ शौणै जू कै तुरही कै आवाज़ कै जैशणै थै। तैणै मुखै बौल़ौ, “मैरै धोरे इथै ऊबा आ, औरौ हांव सैजी बातौ ताखै दिखोऊ, जिथका इनु बातौ कै बाद पूरु हौणौ जौरुरी औसौ।”

प्रकाशितवाक्य 6:2

तोबै तिथै मैरै चिटै रंग का घोड़ा दैखिया, औरौ तैसका शवार धनुष लेईयौंदा औसौ: औरौ तैसी ऐक मुकुट दैय गौआ, औरौ सै स्वर्ग शै बायरै धोरती पांदी हौटै गौआ, तैसकै जैशणै जू आगै शै ही जय पाए राए, औरौ औटेयौ शै विजैई हौंदा।