प्रकाशितवाक्य 18:23 - सिरमौरी नौवाँ नियम

²³ हौजौ कौलोंई बै लोग तांवदौ ऐक दिवे को पेयाशो चोमकौंदे बैई ना दैखदै; हौजौ कौलोंई बै सै शादी हौणौवाल़ै ऐक मौरदो औरौ बैटमाणिशौ कै आवाज़ ना शुणदै। तिथै कै व्यापारी पूरी दुनिया दै सौबदै जादा शौकतीशाली थिए। औरौ दुनिया कै सौबी लोगौ कै तिथै कै जादूगरे धौखा दिया।

Sirmouri

²³ ऐबे शुभा तुँओं मुँझ्शा ऐक भे दिवा ने जगमंगाँ दी; ऐबे शुभा तुँओं मुँझी दुल्हे अरह् दुल्हनं के जाज्ड़े की रंणंक ने शुँणाँई पड़ो, तुवाँरे बंईपारी संईसारी धर्ती के कामंयाब बईपारी थिऐ, तुवाँरे जादू-टूँणें ऐ सोभी जात्ती-जात्ती के अरह् देश-देश के लोग भरमाँव थिऐ।

प्रकाशितवाक्य 18:23 ပူးပေါင်းရင်းမြစ်များ

प्रेरितो कै काम 8:11

तैणै बौहितै दूसौ शै तिनु आपणै जादू कै कामौ लैई हैरान कौरे राए थिए, इथकारिए सै तैसीखै बैजाए मानौ थिए।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 17:2

जियौं आरी धोरती कै राजाए गौलत काम कौरे राए, औरौ धोरती कै रौणौवाल़ै तिथकै गौलत काम कै सूर शै मतवाल़ै हौए गौवै थिए।

प्रकाशितवाक्य 17:5

तियैं माथै पांदी, ऐक नांव लिखु जिथका ऐक छिपैयौंदा मतलब औसौ। ऐजौ ऐशैखै थियु, “हांव बौड़ै शहर बाबेल औसौ। हांव सारै वेश्याओं कै माँ औसौ औरौ सैजी औसौ जू दुनिया कै सौबै गौंदै कामौ कै माँ औसौ।”

प्रकाशितवाक्य 18:22

ओए रै बाबेल शहर, तुऔं दै हौजौ कौलोंई बै बीणा बोजाणौ औरौ गाणै का शाद ना शुणिदा। औरौ ना ही तिथै बाँशुड़ी औरौ तुरही बौजाणौ का शाद शुणिदा। ऐशैखैई कैशणाई बै माहिर कारीगर ऐसी शहर खै ना भैटदा; औरौ चाकी पिशणौ कै आवाज़ हौजौ कौलोंई ना शुणीदी।

प्रकाशितवाक्य 18:3

ऐजौ इथ बौजैह शै हौंदौ जिथुकै तियैं बैटमाणिशै जू कै बाबेल शहर औसौ, हरेक राज्य कै सौबै लोगौ खै सैजै सूर पिलाए जू कै तैसकै मूर्ति कै पूजा औसौ। सारै धोरती कै राजा तैसकै गौंदै कामौ दै शामिल हुवे। धोरती कै व्यापारी तियौं बैटमाणिशौ कै मौंगै-मौंगै चीज़ौ कै इछा कै बौजैह शै सैठ बौणै गौवै।

प्रकाशितवाक्य 18:9

औरौ सारै धोरती कै राजा जिनुवै तिथ शहर कै साथै ऐशौ आराम कौरा, जोबै सै शहर कै जोल़दै बैई उठणौ वाल़ै धुऐं खै दैखलै, तौ सै तिथ कारिए रुंदै औरौ शोग मौनांदै।

प्रकाशितवाक्य 21:8

पौरौ सैजै जू सताव कै डौर शै मुखै छोड़े दैंव औरौ जू मुं पांदी बिशवाश कौरणा छोड़े दैंव, तिनु गन्धक कै आग दै बैगाए दैंदै। ऐशैखैई तिनु बै जू बैकार काम कौरौ, खून कौरौ, औरौ शोरीर कै गौंदै कामौ का अभ्यास कौरौ, औरौ आपणै साथियो कै प्रति जादू-टोना कौरौ, औरौ मूर्ती कै पूजा कौरौ, औरौ सारै झूठ बौलणोवाल़ै, तिनु बै गन्धक कै आग दै बैगाए दैंदै। गन्धक कै आग कै दूजै मौत बौल़ै जांदै।”

प्रकाशितवाक्य 22:15

पौरौ जिनकै काम शर्मनाक औसौ, औरौ आपणै साथियो कै प्रति जादू-टोना कौरौ, औरौ गौलत सौमबंध राखौ, हथयारै औरौ मूर्ती कै पूजा कौरौ, औरौ सैजै जू झूठु बौल़ौ, सै कौलोंई बै शहर दै ना जाए सौकदै।

प्रकाशितवाक्य 22:5

तोबै कौलोंई रात ना हौन्दै, औरौ शहर कै लोगौ कै दिवे या सुरज कै पेयाशै कै जौरुरत ना हौंदै, जिथुकै पौरमेशवर आपी तिनु पांदी पेयाशो दैन्दा। औरौ जू लोग तिथै हौन्दै सै हमैशा कारिए राज कौरदै।

प्रकाशितवाक्य 6:15

इथका नतीजा ऐजा हौआ कै धोरती कै सौबै लोग जिनुमुंजी राजा, औरौ प्रधान, औरौ ठोगड़ा, औरौ धनवान, औरौ शौकतीशाली लोग, औरौ हरेक गुलाम, औरौ हरेक आज़ाद आदमी, धारो कै गुफाओ औरौ चट्टानो दै जायौ चुरीए;