प्रकाशितवाक्य 18:2 - सिरमौरी नौवाँ नियम

² बाबेल का बौड़ा शहर नाश हौए गौआ। इथमुंजी कुणिए आदमी ना बौची। दुष्टआत्माएं औरौ अशुध्द आत्माए ऐबै इंदी रौए रैई, औरौ हर भान्त कै अशुध्द चुड़कुल़ै तिंदै रौंव।

Sirmouri

² तेने जुराल़ों लेरंह् मारियों बुलो: “ढल़ी गुवो! ढल़ी गुवो! महाँन बेबिलोन ढल़ी गुवो, ऐबे सेजा दुष्ट-आत्त्मा का घरह् आडा, जुण्जा अशुद्ध आत्त्माँवों का ठीकाणाँ, अरह् ऐक नाँम अशुद्ध अरह् शंगाँऊणें पक्क्षी का बसेरा बणीं गुवा थिया।

प्रकाशितवाक्य 18:2 ပူးပေါင်းရင်းမြစ်များ

प्रकाशितवाक्य 1:15

तैसकै लात पीतलो कै जैशणै चौमकै रौए थिए जू तैज गरम आगी दै चौमकौ; औरौ जोबै सै बौल़ौऊवा तौ तैसकै आवाज़ ऐशणै थै जैशणै ऐक बौड़ै झरणै कै आवाज़ हौं।

प्रकाशितवाक्य 10:3

तैसी स्‍वर्गदूतै जोर शै लैर मारी औरौ तैसकै आवाज़ शेर कै गर्जन कै जैशणै थै। जोबै सै चिलोऊवा, तौ सात तैज आवाज़ै तैसी जोवाब दिया, जू गड़गड़ाहट कै आवाज़ कै जैशणै थै।

प्रकाशितवाक्य 11:8

तिनकी लाशो तैसी बौड़ै शहर यरूशलेम कै शोड़कै पांदी पोड़ैयौंदी रौंदी, जिथै तिनका प्रभु क्रूसो पांदी टांगै दिया थिया। ऐसी शहरो कै निशान कै रुप दा सदोम या मिस्र देश ऐजै नांव दैय राए, जिथुकै ऐसी शहरो कै लोग बैजाए बुरै औसौ, जैशै सदोम औरौ मिस्र देश कै रौणौवाल़ै लोग थिए।

प्रकाशितवाक्य 14:15

तोबै ऐक ओका स्‍वर्गदूत जू कै चौथा स्‍वर्गदूत औसौ पौरमेशवर कै सौंदेश खै लैयौ तैसी मन्दिर शै बायरै ओऊवा जू स्वर्ग दा औसौ। तैणै बादल़ौ पांदी बौठैयौंदे आदमी खै जोर दैयौ बौल़ौ, “शाख कै काटणौ का सौमय आए गौआ। इथकारिए ऐबै आपणै दरांती चोलाव, औरौ शाख कै काटैया कौरौ।”

प्रकाशितवाक्य 14:8

तिथै ऐक ओका स्‍वर्गदूत थिया जू आगलै स्‍वर्गदूत कै पाछै ओऊवा औरौ बौल़ौ, “ऐबै ऐजौ शहर नाश हौए गौ। बाबेल शहर बुरी तरह शै नाश हौए गौ। ऐसी शहरै सौबी आदमी की बिरादारी कै आपणै सुरो कै नोशे दै टुन कौरे दियै, बाबेल शहर कै लोगै शोरीरो कै कुर्कमौ कै बौजैह शै धोरती कै सौब देशो कै लोगौ कै तैशणैई पाप कौरणौ कारिए उकसोऊवे थिए। जैशै मानौ बाबेल शहर कै लोगै दुनिया कै लोगौ कै सूर पिणौ कारिए दै, औरौ ऐजी बात लोगौ कै पौरमेशवर शै सौजा भैटणौ कै बौजैह बौणल़ै।”

प्रकाशितवाक्य 16:13

इथकै बाद मोऐं तीन दुष्टआत्माओं खै दैखी जू मेंढक कै जैशणी दैखैयो थी। जू कै ऐक अजगर कै मुँह बाटी बायरै आई, ऐक आगलै राकस कै मुँह शै, औरौ ऐक दूजै राकस कै मुँह बाटी बायरै आई, यानी सैजा जैणै झूठा सौंदेश दैय राए थिया।

प्रकाशितवाक्य 16:19

बाबेल का बौड़ा शहर तीन टुकड़ै दा बौंटे गौआ, औरौ पूरै दुनिया कै सौब शहर खत्म हौए गौवै। जिथुकै पौरमेशवरे सैजौ पूरु कौरौ जिथका तैणै बाबेल कै लोगौ कै सौजा कै बारै मुंजी वादा कौरे राए थिया। ऐसी शहर कै पौरमेशवर कै ढौबौशै सख्त सौजा दैय जांदै। ऐजौ ऐशै ही हौंदौ जैशै तिनुऐ बिना पाणी मिलीयौंदी सूर खै पी रालै, जिथुकै पौरमेशवरे आपी तैसी डौंगै कै रिताए राए जू तैसकै गुस्से खै दिखांव। इथका मतलब ऐजा औसौ कै सै बिना कोसी कोमलता कै तिनुआरी पूरी तरह शै गुस्सा हौंदा।

प्रकाशितवाक्य 17:5

तियैं माथै पांदी, ऐक नांव लिखु जिथका ऐक छिपैयौंदा मतलब औसौ। ऐजौ ऐशैखै थियु, “हांव बौड़ै शहर बाबेल औसौ। हांव सारै वेश्याओं कै माँ औसौ औरौ सैजी औसौ जू दुनिया कै सौबै गौंदै कामौ कै माँ औसौ।”

प्रकाशितवाक्य 18:10

औरौ तिथकै पीड़ो कै डौर कै मारै सै बौड़ै दूर खौड़ै हौयौ बौलदै, ओए रै बौड़ै नगर, बाबेल! ओए रै मोजबूत नगर बाबेल, तांव पांदी हाय! हाय! दैणिक सौमय दै पौरमेशवरे ताखै नाश कौरे दिया।

प्रकाशितवाक्य 18:21

तोबै ऐक बलवान स्‍वर्गदूतै बौड़ी चाकी कै पाट कै जैशणा ऐक पाथर टिपा, औरौ ऐजौ बौलेयौ समुन्द्र दा फेरकाऐ दिया, “जैशैखै ऐसी पाथर खै समुन्द्र दा फेरकाए जांव, औरौ सै औटेयौ ना भैटौ, तैशैखैई बौड़ा शहर बाबेल बै ऐकै बैई नाश हौए जांदा, ऐजौ शहर औटेयौ ना बाणै जांदो।

प्रकाशितवाक्य 5:2

तोबै मोऐं ऐक बलवान स्‍वर्गदूतौ खै दैखा जू जोराल़े शोब्दो शै ऐजा प्रचार कौरौ थिया, “इयौं किताबो खै तौड़णौ औरौ किताबो खै खौलणौ का औधिकार कोसीयागे औसौ?”