प्रकाशितवाक्य 17:5 - सिरमौरी नौवाँ नियम

⁵ तियैं माथै पांदी, ऐक नांव लिखु जिथका ऐक छिपैयौंदा मतलब औसौ। ऐजौ ऐशैखै थियु, “हांव बौड़ै शहर बाबेल औसौ। हांव सारै वेश्याओं कै माँ औसौ औरौ सैजी औसौ जू दुनिया कै सौबै गौंदै कामौ कै माँ औसौ।”

Sirmouri

⁵ तियाँरे माँथे गाशी ऐजो नाव लिखी थो थियों: “भेद्; बड़ा बेबीलोन धर्ती की बैष्याँवों अरह् शंगाऊँणी चींजो के माँता, अरह् शंगाऊणीं चीजों के जननी थी।”

प्रकाशितवाक्य 17:5 ပူးပေါင်းရင်းမြစ်များ

फिलिप्पियों 3:19

तिनका अन्त नाश औसौ औरौ तिनकी शारीरिक इछाएं तिनका ईशवर औसौ, सैजै शर्मनाक काम कौरणौ कै बारै दा घमण्‍ड कौरौ औरौ सौदा धोरती कै चीज़ौ कै बारै मुंजी सुंचदै रौंव।

2 थिस्सलुनीकियों 2:7

तैसी दुष्ट आदमी की शौकतीए ऐबै ऐसी दुनिया दा गुप्‍त तरीकै शै काम कौरे लौआ, पौरौ कुणिए औसौ जू तैसी रौकेयौ राखौ। औरौ सै हमैशा तैसी रौकेयौ राखदा जांव तौड़ी सै तैसी बाटौ पौरैशा नी हटाए दैंव।

प्रकाशितवाक्य 1:20

ऐबै हांव बौतांदा कै मैरै सोऐं हाथ कै सात तारै का, का मतलब औसौ जू कै आगै पौता ना थी। इथका मतलब ऐजा औसौ: सात तारै तिनु स्‍वर्गदूतौ खै दिखांव जू सात कलीसियाओं कै रोखवाल़ी कौरौ औरौ सात दियोट सात कलीसियाओं खै दिखांव।

प्रकाशितवाक्य 11:8

तिनकी लाशो तैसी बौड़ै शहर यरूशलेम कै शोड़कै पांदी पोड़ैयौंदी रौंदी, जिथै तिनका प्रभु क्रूसो पांदी टांगै दिया थिया। ऐसी शहरो कै निशान कै रुप दा सदोम या मिस्र देश ऐजै नांव दैय राए, जिथुकै ऐसी शहरो कै लोग बैजाए बुरै औसौ, जैशै सदोम औरौ मिस्र देश कै रौणौवाल़ै लोग थिए।

प्रकाशितवाक्य 14:8

तिथै ऐक ओका स्‍वर्गदूत थिया जू आगलै स्‍वर्गदूत कै पाछै ओऊवा औरौ बौल़ौ, “ऐबै ऐजौ शहर नाश हौए गौ। बाबेल शहर बुरी तरह शै नाश हौए गौ। ऐसी शहरै सौबी आदमी की बिरादारी कै आपणै सुरो कै नोशे दै टुन कौरे दियै, बाबेल शहर कै लोगै शोरीरो कै कुर्कमौ कै बौजैह शै धोरती कै सौब देशो कै लोगौ कै तैशणैई पाप कौरणौ कारिए उकसोऊवे थिए। जैशै मानौ बाबेल शहर कै लोगै दुनिया कै लोगौ कै सूर पिणौ कारिए दै, औरौ ऐजी बात लोगौ कै पौरमेशवर शै सौजा भैटणौ कै बौजैह बौणल़ै।”

प्रकाशितवाक्य 16:19

बाबेल का बौड़ा शहर तीन टुकड़ै दा बौंटे गौआ, औरौ पूरै दुनिया कै सौब शहर खत्म हौए गौवै। जिथुकै पौरमेशवरे सैजौ पूरु कौरौ जिथका तैणै बाबेल कै लोगौ कै सौजा कै बारै मुंजी वादा कौरे राए थिया। ऐसी शहर कै पौरमेशवर कै ढौबौशै सख्त सौजा दैय जांदै। ऐजौ ऐशै ही हौंदौ जैशै तिनुऐ बिना पाणी मिलीयौंदी सूर खै पी रालै, जिथुकै पौरमेशवरे आपी तैसी डौंगै कै रिताए राए जू तैसकै गुस्से खै दिखांव। इथका मतलब ऐजा औसौ कै सै बिना कोसी कोमलता कै तिनुआरी पूरी तरह शै गुस्सा हौंदा।

प्रकाशितवाक्य 17:1

जिनु सात स्‍वर्गदूतौ कैई सैजै सात डौंगै थिए, तिनुमुंजी दै ऐकीए आयौ मुंकैई ऐजौ बौल़ौ, हांव ताखै दिखांदा कै पौरमेशवर कैशै तियौं बौड़ी वेश्या खै सौजा दैंदा, जू ऐक ऐशणै ठाँव पांदी बौठौ, जिथै बैजाए नोंदी औसौ।

प्रकाशितवाक्य 17:2

जियौं आरी धोरती कै राजाए गौलत काम कौरे राए, औरौ धोरती कै रौणौवाल़ै तिथकै गौलत काम कै सूर शै मतवाल़ै हौए गौवै थिए।

प्रकाशितवाक्य 17:7

तैसी स्‍वर्गदूतै मुंकैई बौल़ौ, “हैरान नी हौया। हांव इयौं बैटमाणिश, औरौ तैसी राकस का, जैसपांदी सै शवार औसौ, औरौ जैसकै सात मुंड औरौ देश शींग औसौ, हांव ताखै इथका गुप्‍त मतलब बौतौऊं।”

प्रकाशितवाक्य 18:2

बाबेल का बौड़ा शहर नाश हौए गौआ। इथमुंजी कुणिए आदमी ना बौची। दुष्टआत्माएं औरौ अशुध्द आत्माए ऐबै इंदी रौए रैई, औरौ हर भान्त कै अशुध्द चुड़कुल़ै तिंदै रौंव।

प्रकाशितवाक्य 18:21

तोबै ऐक बलवान स्‍वर्गदूतै बौड़ी चाकी कै पाट कै जैशणा ऐक पाथर टिपा, औरौ ऐजौ बौलेयौ समुन्द्र दा फेरकाऐ दिया, “जैशैखै ऐसी पाथर खै समुन्द्र दा फेरकाए जांव, औरौ सै औटेयौ ना भैटौ, तैशैखैई बौड़ा शहर बाबेल बै ऐकै बैई नाश हौए जांदा, ऐजौ शहर औटेयौ ना बाणै जांदो।

प्रकाशितवाक्य 19:2

तैसकै स्तुति कौरौ जिथुकै तैसकै सौबै फोयसलै सोही औरौ साची औसौ। तैणै मशहूर वेश्या का न्याय कौरा जिथुकै तियैं दुनिया कै लोगौ कै पाप कौरणौ कारिए ऊकसाए। पौरमेशवरे वेश्या का न्याय कौरा जिथुकै पौरमेशवर कै सेवक वेश्या कै दवारा मारै गौवै थिए।”

प्रकाशितवाक्य 7:3

“जांव तौड़ी आमै आपणै पौरमेशवर कै दासो कै माथै पांदी मुहर नी लाए दियु, तांव तौड़ी धोरती औरौ समुन्द्र औरौ डाल़ो खै नुकसान नी पोऊंचाया, ताकि सै तिनु पौरैशानी शै दुखी नी हौंव।”