प्रकाशितवाक्य 16:14 - सिरमौरी नौवाँ नियम

¹⁴ इनु दुष्टआत्माओं कैई चौमत्कार कौरणौ कै शौकतै थै औरौ तिनुऐ जायौ तिनु लोगौ खै कौठै कौरे जू इयौं दुनिया कै सौबै देशो दै राज्य कौरौ थिए ताकि सै सौबिदा बौड़ा शौकतीशाली प्रभु पौरमेशवर कै महान दूसौ पांदी तैसकै खिलाफ लोड़ाए लौड़णौ कारिए जांव।

Sirmouri

¹⁴ से ऐजी दुष्ट-आत्त्मा असो, जुण्जी चींन-नीशाँणी देखाँदें संईसारी धर्त्ती के बादे राज्य खे सर्ब-शक्त्तिमाँन पंण्मिश्वर के तेसी नियाँव के देसो खे लड़ाई-ज़ूद्ध कर्णो खे कठे करह्।

प्रकाशितवाक्य 16:14 ပူးပေါင်းရင်းမြစ်များ

मत्ती 24:14

औरौ पौरमेशवर कै राज्य का ऐजा सुसमाचार सारै जगत पांदी प्रचार कौरा जाला, तोबै सौबी देशो कै लोगौ खै इयौं बातौ कै मानणौ का मौका भैटदा तोबै दुनिया का अन्त हौए जांदा।”

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

मरकुस 13:22

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

लूका 2:1

तिनु दूसौ दै रोम देश कै सम्राट औगुस्‍तुसे आपणै पूरै साम्राज्य कै गिनतै कौरणौ कै आज्ञा दै कै सारै रोमी साम्राज्य कै आदमियों कै नांव लिखै जांव।

यूहन्ना 8:44

तुऐं आपणै बापू शैतान शै औसौ औरौ आपणै बापू कै इछा खै पूरै कौरणै चांव। सै तौ आगै दा उंडा हथियारा औसौ, औरौ सै कौलोंई साचा ना थी, जिथुखै सौचाई तैसदै आथी ना, जौल़ौ सै झूठु बौल़ौ, तौ सै आपणै स्‍वभाव शै बौल़ौ, जिथुखै सै झूठा औसौ, औरौ झूठै का बापू औसौ।

रोमियों 1:8

आगै हांव तुऔं सौबी कै यीशु मसीह दवारा आपणै पौरमेशवर का धन्यवाद कौरु, जिथुकै यीशु मसीह पांदी तोंवारै बिशवाश कै चौर्चा बौहितै ठाँव दै हौए रौए।

2 थिस्सलुनीकियों 2:9

दुष्ट शैतान आपी तैसी दुष्ट आदमी कै आपणै शौकतै दैंदा। औरौ सै सौब भान्त कै झूठै चौमत्कार, निशान औरौ अनौखै काम कौरदा जिथलैई लोग ऐजौ सुंचदै लागदै कै ऐजै काम पौरमेशवरे कौरे लौवै।

1 तीमुथियुस 4:1

पवित्र आत्मा साफ-साफ बौल़ौ, कै इनु आखरी सौमय दै कैतरै लोग मसीही शिक्षाओं पांदी बिशवाश कौरणा बन्द कौरे दैंदै। सै तिनु अशुध्द आत्माओं कै मानदै जू तिनु भोटकांवए औरौ तिनु झूठी शिक्षाओं पांदी जू दुष्टआत्माओं कै ढौबौशी औसौ।

याकूब 3:15

ऐजा ज्ञान सैजा ना आथी जू पौरमेशवर शै आंव पौरौ दुनिया कै तरफ शै औरौ शारीरिक, औरौ शैतानी औसौ।

1 यूहन्ना 5:19

आमै जाणुए, कै आमै पौरमेशवर शै औसौ, औरौ सारै दुनिया तैसी दुष्ट शैतान कै वश दै पौड़ेयौंदे औसौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 13:3

तैसी राकस कै मुंडौ पांदी ऐकी घाव का निशान थिया जू तैसकै मौत कै बौजैह बौणै सौकौ थै। पौरौ घाव ठीक हौए गौआ थिया। इथकारिए धोरती कै सौबै लोग हैरान हौए गौवै औरौ राकस कै चैलै बौणै गौवै।

प्रकाशितवाक्य 16:7

मोऐं औटेयौ कोसी खै बैदी पौरैशा बौलदै बैई शुणा, “ओए रै सौबिदा बौड़ा शौकतीशाली प्रभु पौरमेशवर, हौर ऐजौ साचौ औसौ जैशैखै तू लोगौ खै सौजा दैय सैजौ ठीक औरौ साचौ औसौ।”

प्रकाशितवाक्य 17:14

सैजै मेम्ने कै खिलाफ लौड़ाए कौरदै, पौरौ मेम्‍ना तिनु हराए दैंदा, जिथुकै सै प्रभुओं का प्रभु औरौ राजाओं का राजा औसौ। मेम्ना आपणै बुएदैहौंदै, चोणेयौंदे औरौ बिशवाश लायक चैलै कै साथै तिनु पांदी जीतै जांदा।

प्रकाशितवाक्य 20:8

औरौ सै तिनु देशो खै धौखा दैणौ कारिए बायरै आए जांदा जू पूरै दुनिया दै बिखरेयौंदे औसौ। इनु देशो कै नांव गोग औरौ मागोग बौल़ै जांव। शैतान तिनु सौबी कै ऐक ठाँव पांदी कौठा कौरदा जिथै सै लौड़ाए कौरदै। सै बैजाए सारै हौंदै ऐशणै कै कुणिए तिनु समुन्द्र कै किनारे कै रेत कै जैशणै गिणै ना सौकदै।

प्रकाशितवाक्य 3:10

तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।

प्रकाशितवाक्य 6:17

जिथुकै सैजौ खतरनाक दूस आए गौ जोबै पौरमेशवर औरौ मेम्‍ना सौबी कै सौजा दैंदा, औरौ कुणिए बै ऐसी सौजा शै बौचै ना पांदै।”