प्रकाशितवाक्य 14:14 - सिरमौरी नौवाँ नियम

¹⁴ तोबै मोऐं ऐक चिटा बादल़ दैखा, औरौ मोऐं कोसी कै दैखा जू ऐक आदमी कै जैशणा थिया, जू बादल़ो पांदी बौठै रौआ थिया। तैसकै मुंडो पांदी सूनै का मुकुट थिया औरौ हाथौ दै ऐक तैज धार वाल़ी दरांती थै।

Sirmouri

¹⁴ मुँऐ झ़ेठ पाऐ, अरह् देखो, ऐक ऊज्ल़े बाद्ल़ो गाशी आदमी के बैटे जेष्णाँ कुँऐं बऐठी रूवा थिया, जेस्के मुँढों गाशी सुन्नें को मुँकुट-ताज अरह् हाथो दो पुईनों कत्तिऐटू असो।

प्रकाशितवाक्य 14:14 ပူးပေါင်းရင်းမြစ်များ

मत्ती 13:30

काटणौ तौड़ी दु कै ऐक साथै जामणौ दैंव, औरौ काटणौ कै सौमय हांव काटणौवाल़ौ खै बुलूबा कै आगै खरपतवार कौठै कौरेयौ जौल़ाणौ खै तिनकै पूल़ै बानै पांव, औरौ गियुँ मैरै कोठारो दै कौठै कौरौ।’ ”

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मरकुस 4:29

पौरौ जोबै शाख पाच्चै जांव, तोबै किसान आंव औरौ तौलोंई दातरै लैई काटी दैंव, जिथु काटणौ को दूस आए गौ।”

लूका 21:27

तोबै मुं आदमी कै बैटै कै अनौखी शौकतै औरौ बौड़ै महिमा कै साथै बादल़ौ पांदी आन्दै दैखदै।

इब्रानियों 2:9

पौरौ साचौ ऐजौ औसौ कै दैणिक सौमय कारिए, यीशु का दर्जा स्‍वर्गदूतौ कै तुलना दा कम कौरे राए। ताकि पौरमेशवर कै अनुग्रह शै यीशु मसीह सौबी लोगौ कै खातिर मौरे जांव। औरौ जिथुकै यीशुए दुख सोऊवा औरौ मौरे गौआ, पौरमेशवरे तैसी महिमा औरौ आदर दिया।

प्रकाशितवाक्य 1:13

औरौ तिनु दियोट कै बीच ऐक जुणा आदमी का जैशणा दैखैयो थिया, सै लाम्बै लुस्कै बाम्बैयौंदा थिया जू तैसकै लातो तौड़ी पौऊंचौ थियु। उपले छाती कै चोऊ ढौबौ ऐक सूनै का पाटा बानै राए थिया।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।

प्रकाशितवाक्य 10:1

तोबै मोऐं ऐक ओका बलवान स्‍वर्गदूतौ कै ऐकी बादल़ौ शै घैरैयौंदा स्वर्ग पौरैशा उतरदै दैखा; औरौ ऐक मेघधनुष तैसकै मुंडो कै चोऊ ढौबौ थियु, औरौ तैसका चैहरा सुरज कै जैशणा चौमकौ थिया औरौ तैसकै लात जोल़ेयौंदे खोम्बे कै जैशणै थिए।

प्रकाशितवाक्य 11:17

ऐजौ बौलदै लागै, “ओए रै सौबिदा बौड़ा शौकतीशाली प्रभु पौरमेशवर जू औसौए औरौ जू थिया, आमु सौथीखै तैरा धन्यवाद कौरु, जिथुकै तुऐं ऐबै आपणै अनौखी शौकतै दिखाए राए औरौ तुऐं ऐबै धोरती पांदी आपणा राज शुरु कौरे दिया।

प्रकाशितवाक्य 19:12

तैसकी आखी आगी कै लौयारै कै जैशणी चोमकदार थी, औरौ तैसकै मुंडो पांदी बौहितै मुकुट लाए राए थिए। औरौ तैसकौ ऐक नांव तिथपांदी लैखयौंदो थियु, पौरौ सिरफ सैजाई तैसी नांव का मतलब जाणौ थिया।

प्रकाशितवाक्य 20:11

तोबै मोऐं ऐक चिटा सिंहासन दैखा जिथपांदी पौरमेशवर बौठै रौआ थिया, पौरौ तिथै जिथै पौरमेशवर बौठै रौआ थिया, तिथैशै धोरती औरौ स्वर्ग सौबै गायब हौए गौवै, औरौ कोसीए बै तिनु औटेयौ ना दैखी।

प्रकाशितवाक्य 6:2

तोबै तिथै मैरै चिटै रंग का घोड़ा दैखिया, औरौ तैसका शवार धनुष लेईयौंदा औसौ: औरौ तैसी ऐक मुकुट दैय गौआ, औरौ सै स्वर्ग शै बायरै धोरती पांदी हौटै गौआ, तैसकै जैशणै जू आगै शै ही जय पाए राए, औरौ औटेयौ शै विजैई हौंदा।